¹ I gat wanpela man long lain bilong Benjamin, husat em i save mekim planti samting.Nem bilong em Kis pikinini bilong Abiel, em i pikinini bilong Zeror, em i pikinini bilong Bekorat, em i pikinini bilong Apia na em i pikinini lain bilong Benjamin. ² Em i gat wanpela pikinini man bilong em, nem bilong en Sol, husat namel long ol Israil em i naispela na stronpela man. ³ Nau, ol donki bilong Kis papa bilong Sol i lus. Olsem na Kis i tokim pikinini bilong em Sol olsem, " Kisim wanpela wokman na yupela i go painim ol dispela donki." ⁴ Sol i wokabaut long maunten bilong Efraim na long graun bilong Salisa tasol em i no painim ol. Em i kamap long graun bilong Salim na ol lain bilong Benjamin, tasol ol donki i no i stap. ⁵ Taim ol i kamap long Zup, Sol i tokim wokboi olsem," Kam yumi mas go bek, nogut papa bilong mi i wari long yumi na i no inap lukautim ol donki moa. ⁶ Tasol wokboi i tokim Sol olsem," Harim, i gat wanpela wokman bilong God Yawe i stap long biktaun, we olgeta manmeri i save litimapim em. Yumi i go long hap em bai inap long soim yumi rot long yumi i ken i go. ⁷ Na Sol i askim wokman bilong em,"Bai yumi kisim wanem samting i go na givim em? Olgeta bret insait long bek i pinis na i nogat wanpela presen tu i stap bilong givim wokman bilong God Yawe. I nogat wanpela samting moa i stap?" ⁸ Wokman i bekim tok olsem,'' Mi i gat wanpela hap bilong 4-pela sakel silva long givim em na em bai tokim yumi long wanem rot bai yumi i go.'' ⁹ Long Israil, taim wanpela man i laik kisim save bilong God Yawe, em i save tok ."Kam yumi i go lukim glasman." Ol profet bilong nau tu ol i kolim ol yet olsem glasman. ¹⁰ Na Sol i tokim wokman bilong em,''Yu tok stret. Kam na yumi go.'' Na ol i go long biktaun we wokman bilong God Yawe i stap long en. ¹¹ Na taim ol i go antap long maunten bilong biktaun, ol i bumim ol yangpela meri i kam bilong pulapim wara. Na Sol wantaim wokman bilong em i askim ol,'' Dispela glasman i stap hia?'' ¹² Ol i bekim tok,'' Em i stap, lukim, em i go paslain long yupela. Kam hariap, long wanem em bai i go long biktaun tete, long wanem olgeta manmeri bai givim ofa antap long maunten. ¹³ Na taim yu i go insait long biktaun bai yu lukim em na ol manmeri bai i no inap kaikai yet inap long em i kam, long wanem em bai blesim ol ofa. Na bihain, ol man em i singautim ol bai i kaikai. Nau yupela i mas i go hariap na bai yupela i bumim em. ¹⁴ Na ol i go kamap long biktaun. Na taim ol i kamap long biktaun, ol i lukim Samuel i kam autsait na i go antap long maunten. ¹⁵ Nau em taim bilong Sol i kamap, na God Yawe i kamap ples klia long Samuel. ¹⁶ Long wankain taim tumoro, bai mi salim wanpela man long lain bilong Benjamin na yu bai blesim em na bai em i bosim ol manmeri bilong mi Israil. Em bai kisim bek ol lain bilong mi long han bilong ol Filistia. Mi gat bikpela sori tru long ol long wanem, ol i singaut long helpim bilong mi. ¹⁷ Taim Samuel i lukim Sol, God Yawe i tokim em,'' Em dispela man mi wok long tokim yu long en. Em tasol bai lukautim yupela olgeta manmeri bilong mi.'' ¹⁸ Na Sol i kam insait long banis klostu long Samuel na i tok,'' Tokim mi long haus bilong glasman.'' ¹⁹ Samuel i bekim na i tokim Sol,'' Mi yet em dispela glasman. Yu go long maunten na bai yu kaikai wantaim mi. Na long monin mi bai larim yu i go na bai mi tokim yu long olgeta samting i stap insait long tingting bilong yu. ²⁰ Ol donki bilong yu i bin lus tri pela dei i go pinis. Yu noken wari long ol, ol i painim olgeta pinis. Olsem na husait tru bai dispela olgeta laik na tingting bilong ol Israil i ken kamap ples klia? Ating long yu na long lain bilong papa bilong yu?'' ²¹ Sol i bekim na i tok, ''Mi no bilong lain bilong Benjamin? Usait i kam long wanpela liklik lain bilong Israil? Ol lain bilong papa bilong mi i no gat nem namel long ol lain bilong Benjamin? Bilong wanem na yu tokim mi olsem?'' ²² Na Samuel i kisim Sol na wokman bilong em i go insait long bikpela rum na ol i sindaun long namba wan ples bilong ol lain ol i bin askim ol long kam, namba bilong ol i olsem 30 pela manmeri. ²³ Na Samuel i tokim ol kuk boi olsem,'' Kisim ol abus mi bin katim pinis na givim yu ol dispela mi bin tok yu long putim long sait,'' ²⁴ Na kuk i kisim hap lek mit na ol sampela samting i stap antap long mit i kam long Sol. Na Samuel i tok,''Lukim wanem samting i stap nau i kam long yu. Kaikai, long wanem em ol samting mi redim pinis i stap long taim mi singautim ol manmeri nau em taim i kamap pinis.'' Olsem na Sol i kaikai wantaim Samuel long dispela dei. ²⁵ Taim ol i lusim maunten, ol i go insait long biktaun na Samuel i toktok wantaim Sol long het bilong haus. ²⁶ Long monin taim tru, Samuel i singautim Sol long het bilong haus na i tokim em olsem, ''Kirap na bai mi salim yu i go .''Olsem na Sol i kirap na tupela i go long ol ples. ²⁷ Nat ol i go autsait long biktaun,Samuel i singaut long Sol i antap,''Tokim wokman bilong yu long i go pas long yumi. Tasol yu mas stap sotpela taim na bai mi autim toksave bilong God Yawe long yu.''