¹ Taim Samuel i lapun, em i mekim tupela pikinini bilong em i kamap Jas bilong ol Israel. ² Nem bilong namba wan pikinini man em Joel na namba tu pikinini man em Abija. Tupela i wok olsem Jas long Besiba. ³ Tupela pikinini i no bihainim stret rot bilong em, tasol ol i giaman long bihainim na kisim mani na i no bihainim tok tru. ⁴ Na olgeta hetman bilong Israel ol i bum wantaim na i kam long Samuel long ples Rama. ⁵ Ol i tokim em olsem, "Lukim, yu lapun pinis na tupela pikinini bilong yu i no bihainim stret rot bilong yu. Makim wanpela bilong mipela long em i ken kamap king bilong stretim mipela olsem ol narapela lain manmeri." ⁶ Tasol Samuel i bel hevi tru taim ol i tok, "Givim wanpela king long mipela long em ken i stap Jas bilong mipela." Olsem na Samuel i beten i go long God Yawe. ⁷ God Yawe i tokim Samuel, "Olsem yu mas harim tok bilong ol manmeri long olgeta samting ol i tok long yu; ol i no les long yu, tasol ol i les long mi bai stap king bilong ol. ⁸ Ol i mekim wankain pasin long taim ol i bin stap long Isip na mi bin kisim ol i kam autsait, ol i givim baksait long mi na bihainim narapela god na ol i mekim wankain pasin long yu tu. ⁹ Nau harim ol i toktok; tasol yu mas givim stronpela tok long ol na ol i ken save long rot wei king bilong ol bai bosim ol." ¹⁰ Olsem na Samuel i autim olgeta toktok God Yawe i bin tokim em long ol manmeri usait i bin askim long kisim king. ¹¹ Em i tok olsem, "king bai mekim ol dispela samting long yupela. Em bai kisim ol pikinini bilong yupela na makim ol i kamap man bilong sindaun antap long hos na pulim karis. ¹² Em bai makim 1000-pela kepten na 50-pela kepten bilong em yet. Em bai mekim sampela long dikim graun, sampela bai kisim kaikai na sampela bai mekim spia bilong pait na samting bilong ol karis. ¹³ Na tu em bai kisim ol pikinini meri bilong yupela long mekim samting i gat gutpela smel, kukim kaikai na kukim skon. ¹⁴ Em bai kisim ol gutpela kaikai long gaden bilong yupela, long gaden wain , oliv bilong yupela na givim long ol wok man bilong em. ¹⁵ Em bai kisim 10-hap long gaden kaikai bilong yupela na givim long ol wasman na ol wokboi bilong en. ¹⁶ Em bai kisim ol wokman na ol wokmeri bilong yupela na ol yangpela man na donki bilong yupela; em bai putim ol long mekim wok bilong em. ¹⁷ Em bai kisim wanpela bilong olgeta 10-pela sipsip bilong yupela na yupela bai i stap wokboi nating tasol . ¹⁸ Long dispela dei yu bai krai stron bilong wanem yu yet i bin makim king bilong yu; tasol God Yawe bai i no inap harim krai bilong yu long dispela dei. ¹⁹ Tasol ol manmeri i les tru long harim tok bilong Samuel; na ol i tok, "Nogat! Mipela i mas i gat wanpela king long lukautim mipela ²⁰ olsem mipela tu i mas i stap olsem ol narapela lain manmeri, olsem na king bilong mipela i ken i stap Jas na i go paslain long mipela na pait long ol birua." ²¹ Taim Samuel i harim olgeta toktok bilong ol manmeri em i tokim ol ken long yau bilong God Yawe. ²² God Yaweh i tokim Samuel olsem, "Harim tok bilong ol na makim wanpela long kamap king bilong ol," Olsem na Samuel i tokim ol man bilong Israel olsem, "Olgeta man i mas i go bek long biktaun bilong ol yet."