¹ Ol Filistia i pait wantaim ol Israel. Na ol man bilong Israel i ranawe long ol Filistia planti ol i dai antap long Maunten Gilboa. ² Ol Filistia i kam klostu tru long Sol wantaim ol pikinini bilong em . Ol Filistia i kilim Jonatan, Abinadab na Malki-Sua ol pikinini bilong Sol. ³ I bin gat bikpela pait wantaim Sol na ol lain save gut long pait wantaim bunara i winim em. Em i bin stap long bikpela pen long wanem long ol dispela lain. ⁴ Na Sol i tok long soldia bilong em man i bin karim klos pait olsem, ''Kisim bainat na sutim mi long em. Nogut ol dispela lain man bol skin bilong ol i no kat bai kam na bagarapim mi.'' Tasol man i karim klos pait i no inap long mekim bilong wanem em i bin pret nogut tru. Olsem na Sol i kisim bainat bilong em yet na kilim em. ⁵ Taim man karim klos bilong pait i lukim olsem Sol i bin dai. Wankain tasol em i pundaun antap long bainat bilong em na dai wantaim em. ⁶ Olsem na Sol i dai, wantaim 3-pela pikinini man bilong em na man karim klos pait bilong em, olgeta dai wantaim long dispela dei tasol. ⁷ Taim ol man long Israel husat ol stap long narapela sait long ples daun na ol lain abrusim Jodan na i go stap, ol i lukim ol lain bilong Israel i ranawe na Sol wantem ol pikinini man bilong em i dai, ol i lusim biktaun bilong ol na ranawe na ol Filistia kam na stap long dispela hap. ⁸ Long narapela dei, taim ol Fililstia kam long rausim ol dai man long klinim ples na ol lukim Sol wantaim ol tri-pela pikinini man bilong em dai long Maunten Gilboa. ⁹ Ol katim het bilong em, rausim pait klos bilong em na salim ol man bilong karim toktok i go long ples bilong ol Filistia, long olgeta hap ol karim toktok i go long ol haus lotu bilong giaman god na long ol manmeri. ¹⁰ Ol putim klos pait bilong em long haus lotu bilong Astorets na ol taitim bodi bilong em long bikpela banis bilong biktaun. ¹¹ Taim ol lain stap long Jabes Gilied harim wonem ol Filistia i bin mekim long Sol, ¹² olgeta man bilong pait i kirap na long nait yet ol i go na kisim bodi bilong Sol na ol bodi bilong pikinini man bilong em long bikpela banis long Bet San. Ol i go long Jabes na kukim ol long hap. ¹³ Orait ol i kisim ol bun bilong ol na planim aninit long tamarisk diwai long Jebes na ol i bin lusim kaikai na beten long 7-pela dei.