¹ Orait Nahas bilong Amon i kam banisim na kisim ol Jabes long Gilet. Olgeta man bilong Jabes i tokim Nahas,'' mekim kontrak wantaim mipela na mipela bai lukautim yu.'' ² Orait Nahas bilong Amon i bekim,''Antap long dispela tingting inap long mi ken mekim gutpela tru wantaim yupela, inap mi rausim olgeta ai long han sut bilong yupela na bai mi daunim olgeta Israel long dispela rot. ³ Bihain ol lida bilong Jabes i bekim tok bilong em, ''Lusim mipela inap long 7-pela dei pastaim, orait mipela i ken salim tok i go long olgeta hap bilong Israel pastaim. Sapos i no gat man long helpim mipela, orait bai mipela i stap aninit long yu.'' ⁴ Na man bilong kisim tok i kam long Gibia, hap Sol i stap long em na tokim ol manmeri long wanem toktok i bin kamap. Na olgeta manmeri i krai bikpela tru. ⁵ Orait Sol i bihainim ol bulmakau i go autsait long fil. Na Sol i tok, Wanem samting i kamap na ol manmeri i krai?'' Orait ol i tokim Sol wanem tok dispela man bilong Jabes i bin tokim ol. ⁶ Taim Sol i harim wanem ol i tokim em, orait Spirit bilong God Yawe i hariap tru i go insait long em na em i bel hat tru. ⁷ Em i kisim hap plang i save pasim tupela bulmakau na katim i go liklik na salim i go aut long olgeta hap long Israel wantaim man bilong kisim tok i go. Em i tok, Sapos husat i no kam aut bihainim Sol na bihainim Samuel, em bai i kamap wankain olsem dispela bulmakau bilong em.''Orait na pret bilong God Yawe i pundaun antap long ol manmeri na ol i kam aut na bum wantaim na kamap wanpela lain man. ⁸ Orait taim em i bumim ol antap long Besek, ol man bilong Israel i 300, 000- man na ol man bilong Juda em 30, 000- man. ⁹ Ol i tokim man bilong kisim tok i kam, ''Yu bai go na tokim ol man long Jabes long Gilet, 'Tumoro, long taim san em i hat tumas, yupela bai kamap fri.''' Orait man bilong kisim tok i go na tokim ol manmeri long Jabes, na ol i amamas. ¹⁰ Bihain ol man bilong Jabes i tokim Nahas, ''Tumoro mipela bai stap aninit long yu na yu ken mekim wanem samting i luk gutpela long yu.'' ¹¹ Long narapela dei Sol i putim ol manmeri insait long tri-pela grup. Ol i kam insait namel long kemp long monin na was, orait ol i pait na winim ol Amon i go inap namel long dei. Orait husat ol i stap yet ,ol i ranawe nabaut, olsem na i no gat wanpela bilong tupela i stap wantaim. ¹² Orait ol manmeri i tok long Samuel, ''Em husat na tok, Sol bai kamap king antap long mipela?' Kisim dispela man i kam na mipela i ken putim em long dai.'' ¹³ Tasol Sol i tok, no ken kilim wanpela man i dai long dispela dei, long wanem long dispela dei God Yawe i kisim bek ol Israel.'' ¹⁴ Bihain Samuel i tokim ol manmeri, ''Kam yumi go long Gilgal na senisim king long hap.'' ¹⁵ Orait olgeta manmeri i go long Gilgal na makim Sol i kamap king long ai bilong God Yawe long Gilgal. Long dispela ol i ofaim bel isi ofa long ai bilong God Yawe na Sol wantaim olgeta manmeri bilong Israel i amamas bikpela tru.