¹ Orait Samuel i kisim botol wel na kapsatim long het bilong Sol na givim kis long em. Em i tok, God Yawe i makim yu long kamap king bilong lukautim ol lain bilong em. ² Taim yu lusim mi long nau, bai yu bumim tupela man klostu long arere long matmat bilong Reisel, long hap bilong Benjamin long Selsa. Ol bai tokim yu olsem, Ol donki yu laik painim em ol i painim pinis. Nau papa bilong yu i no moa tingting long donki, em i wari long yu na em i tok, Bai mi mekim wanem long pikinini man bilong mi? ³ Orait yu bai go moa liklik long hap, bai yu kamap long ok long Tabo. Bai yu bumim tripela man i go long God Yawe long Betel ol bai bumim yu long hap, wanpela bai karim tripela yangpela meme, narapela karim tripela karamap bret na narapela bai karim skin bilong wain. ⁴ Ol bai tok gut dei long yu na givim yu tupela karamap bret na bai yu kisim long han bilong ol. ⁵ Bihain long dispela, bai yu kamap long maunten bilong God Yawe, ol ami bilong ol Filistain i stap long en. Taim yu kamap long dispela biktaun, bai yu bumim wanpela lain profet i kam daun long maunten, ol i holim gita, tambarin, flut na samting bilong mekim musik klostu long ol na ol bai autim tok profet , ⁶ Na Spirit bilong God Yawe bai i kam antap long yu na bai yu autim tok profet bilong God Yawe wantaim ol na bai yu kamap narapela kain man. ⁷ Nau taim dispela ol samting i kamap long yu, yu ken mekim olgeta samting long han bilong yu, bilong wanem God Yawe i stap wantaim yu. ⁸ Go daun klostu long mi long Gilgal. Orait bai mi kam daun long yu long mekim ol ofa bilong paia i kukim olgeta na ol ofa billong stap gut. Weit inap 7-pela dei na bai mi kam soim yu wanem samting bai yu mas mekim, ⁹ Taim Sol i givim baksait long Samuel long lusim em, God Yawe i givim em narapela tingting long bel bilong em. Orait olgeta dispela mak i kamap long dispela dei. ¹⁰ Taim ol i kam antap long liklik mountain, wanpela lain profet i kam bumim em na spirit bilong God Yawe i kam long em na em i autim tok profet wantaim ol. ¹¹ Taim olgeta lain usait i bin save long em, ol i lukim em i autim tok wantaim ol profet na ol manmeri i toktok long ol yet i go i kam olsem , Wanem samting i kamap long pikinini man bilong Kis? Ating Sol em i wanpela bilong ol profet nau a? ¹² Man bilong dispela hap yet i tok, Orait husat em i papa bilong ol? Dispela em i kamap olsem wanpela tok ol i bin raitim na i tok, Sol tu em i wanpela profet, a? ¹³ Taim em i autim tok profet pinis, em i go long bikpela ples i antap tru. ¹⁴ Orait kandre bilong Sol i toktok long em na wokman bilong em olsem, Yupela i laik go we?" orait em i bekim tok olsem, Mipela i painim ol donki tasol mipela i no lukim, olsem na mipela i go long Samuel." ¹⁵ Kandere bilong Sol i tok, "Plis inap yu tokim mi wanem Samuel i bin tokim yu." ¹⁶ Sol i bekim tok bilong kandre bilong em olsem, "Em i tokim mipela stret olsem ol i painim pinis donki." Tasol em i no tokim em long ol samting bilong kindom we Samuel i tokim em long en. ¹⁷ Nau Samuel i singautim olgeta manmeri i kam bum long ai bilong God Yawe long Mispa. ¹⁸ Em i tokim ol manmeri bilong Israel, "Dispela em i God Yawe, God bilong ol Israel i tok olsem. Mi kisim ol lain Israel i kam aut long Isip na mi rausim yupela long han bilong olgeta Isip na long han bilong ol king husat i bin bagarapim yupela. ¹⁹ Tasol nau yupela i givim baksait long God Yawe bilong yupela, husat i bin sevim yupela long olgeta nogut na ol bagarap bilong yupela na yupela i tok long em, "Givim king long lukautim mipela. "Nau givim yupela yet klostu long God Yawe, ol femili lain na klen bilong yupela." ²⁰ Olsem na Samuel i kisim olgeta femili lain bilong Israel i kam klostu na em i makim ol lain femili bilong Benjamin. ²¹ Orait em i kisim ol lain femili bilong Benjamin i kam klostu long klen bilong ol na long klen bilong Matraits ol i makim Sol pikinini man bilong Kis. Tasol taim ol i go, ol i no inap painim em. ²² Orait ol manmeri i laik mekim planti askim long God Yawe, bai i gat narapela man tu i kam o nogat?" Na God Yawe i bekim na i tok, "Em i haitim em yet namel long ol kago." ²³ Orait ol i ran i go na kisim Sol i kam aut long dispela hap. Taim Sol i sanap namel long ol manmeri, em i wanpela longpela man long olgeta.. ²⁴ Na Samuel i tokim ol manmeri, "Yupela i lukim God Yawe i save makim ol man a? I no gat wapela kain man i olsem em namel long olgeta manmeri!" Olsem na olgeta manmeri i singaut na i tok. "King husat bai i stap longpela taim!" ²⁵ Orait Samuel i tokim ol manmeri long kastom na pasin bilong kamap king, em i raitim long buk na putim klostu long pes bilong God Yawe ,Samuel i salim olgeta manmeri igo nambaut long haus bilong ol yet. ²⁶ Sol tu i go bek long ples bilong em long Gibia na sampela stronpela man ol i go wantaim em, husat God Yawe i bin tatsim bel bilong ol. ²⁷ Tasol sampela ol man i nogat gutpela tingting i tok, "Olsem wanem bai dispela kain man bai sevim mipela?" Ol dispela man i bagarapim Sol na ol i no givim em sampela presen. Tasol Sol i stap isi.