¹ Ol 4-pela pikinini man bilong Isaka em i Tola, Pua, Jasab na Simron. ² Ol pikinini man bilong Tola, em Usi, Refaiya, Jeriel, Jamai, Ibsam na Semuel. Ol i kamap hetman bilong ol lain papa bilong ol aninit long nem bilong wanpela tumbuna papa, stat long tumbuna lain bilong Tola na ol i stap olsem strongpela ol man bilong pait namel long ol tumbuna lain bilong ol. Long taim bilong Devit ol i kauntim ol olsem 22,600 man. ³ Israya em i pikinini man bilong Usi. Na ol pikinini man bilong Israya em Maikol, Obadia, Joel na Isija, ol dispela 5-pela man i stap lida bilong ol lain i stap aninit long wanpela tumbuna papa. ⁴ Olgeta ol i bung wantaim na kauntim olsem 36,000 ami bilong pait, bilong wanem ol i gat planti meri na planti ol pikinini man aninit long nem bilong wanwan tumbuna papa bilong ol. ⁵ Ol pikinini lain i kamap long Isaka husat em i tumbuna papa bilong ol, em ol man bilong pait tru, ol i kauntim olgeta yet olsem 87,000 man bilong pait aninit long wanpela tumbuna papa. ⁶ Tripela pikinini man bilong Benjamin, em i Bela, Beka na Jediel. ⁷ Ol 5-pela pikinini man bilong Bela, em i Esbon, Usi, Usiel, Jerimot na Iri. Ol i stap olsem ami na hetman aninit long wanpela tumbuna papa. Ol i kauntim olgeta pikinini lain man i kamap olsem 22,034 pikinini man i stap aninit long wanpela tumbuna papa. ⁸ Ol pikinini man bilong Beka, em Semira, Joas, Elisa, Elioena, Omri, Jerimot, Abija, Anatot na Alemet. Em i nem bilong ol pikinini man bilong em. ⁹ Namba bilong ol em 20,200 aninit long nem bilong wanpela tumbuna papa na ol man bilong pait. ¹⁰ Nem bilong pikinini man bilong Jediel em Bian. Na nem bilong ol pikinini man bilong Bian em Jeus, Benjamin, Ehud, Kenana, Setan, Tasis na Ahisaha. ¹¹ Ol dispela em i nem bilong ol pikinini man bilong Jediel. Taim ol i kauntim ol aninit long wanpela tumbuna papa, ol i gat 17,200 man bilong famili lain na tu ol i kamap man bilong pait insait long ami. ¹² (Ol Sapait na Hapits em tupela pikinini man bilong Ir na ol lain Husits em ol pikinini man bilong Eha). ¹³ Nem bilong ol pikinini man bilong Naptali em Jasiel, Guni, Jesa na Silem. Dispela em ol tumbuna pikinini man bilong Bila. ¹⁴ Manase i gat wanpela pikinini man husat nem bilong em i Asriel, em wanpela hait meri bilong Manase long lain bilong Aram i karim. Na dispela meri em karim narapela pikinini tu husat nem bilong em i Makir, dispela em kamap papa bilong Gilet. ¹⁵ Makir i kisim meri long Hapits na Sapait. Nem bilong sista bilong em i Maka. Ol narapela tumbuna lain bilong Manase i Selofead, husat i gat tupela pikinini meri tasol. ¹⁶ Maka husat em i meri bilong Makir, i karim pikinini man na kolim nem bilong em Peres. Nem bilong brata bilong em i Seres, Ulam na Rakem em tupela pikinini man bilong em. ¹⁷ Beden em i pikinini man bilong Ulam. Dispela em ol tumbuna pikinini lain bilong Gilet husat em i pikinini bilong Makir em pikinini man bilong Manase. ¹⁸ Hamoleket husat em i sista bilong Gilet i karim Isod, Abisa na Mala. ¹⁹ Nem bilong ol pikinini man bilong Semida em Ahian, Sekem, Liki na Aniam. ²⁰ Dispela em i nem bilong ol tumbuna pikinini lain man bilong Efreim. Nem bilong pikinini man bilong Efreim em i Sutela. Nem bilong pikinini man bilong Sutela em i Bered. Nem bilong pikinini man bilong Bered em i Tahat. Nem bilong pikinini man bilong Tahat em i Elida na nem bilong pikinini man bilong Elida em i Tahat. ²¹ Nem bilong pikinini man bilong Tahat em i Sabad. Nem bilong pikinini man bilong Sabad em i Sutela.(Ol man bilong ples Gat i bin kilim i dai tupela pikinini man bilong Efreim, Esa na Elid, taim ol i bin i go long stilim kau bilong ol. ²² Papa bilong ol Efreim i bin krai na wari long tupela long planti dei na ol brata bilong em i kam bilong toktok gut long em na mekim bel bilong em i isi. ²³ Orait Efreim i bin slip wantaim meri bilong em. Na meri bilong em i gat bel na i karim wanpela pikinini man.Efreim i kolim nem bilong em Beria, bilong wanem bikpela bagarap i bin kamap long famili bilong em). ²⁴ Pikinini meri bilong em i Sira, husat i mekim Daunbilo na Antap Bet Oron na Usen Sira. ²⁵ Nem bilong pikinini man bilong em i Refa. Nem bilong pikinini man bilong Refa em i Resef. Nem bilong pikinini man bilong Resef em i Tela na nem bilong pikinini man bilong Tela em i Tahan. ²⁶ Nem bilong pikinini man bilong Tahan em i Ladan. Nem bilong pikinini man billong Ladan em i Amiud na nem bilong pikinini man bilong Amiud em i Elisama. ²⁷ Nem bilong pikinini man bilong Elisama em i Nun. Nem bilong pikinini man bilong Nun em i Josua. ²⁸ Olgeta samting bilong ol wantaim ples ol i stap long en i Betel na ol hauslain i stap long en. Ol i suruk i go olsem long san kamap long Naran na long hap san i go daun long Kesa na long ol haus lain i raunim ol, long ples Sekem na ol haus lain i raunim ol long Aya na ol ples. ²⁹ Long ol mak Bet Sen na hauslain bilong en i stap wantaim Manase, Tanak na ol ples bilong en, Megido na ol ples bilong en na Dor na ol ples bilong en. Insait long ol dispela taun ol tumbuna bilong Josep pikinini man bilong Israel i bin i stap. ³⁰ Nem bilong ol pikinini man bilong Asa em Imna, Isva na Beria. Sista bilong ol em i Sera. ³¹ Nem bilong ol pikinini man bilong Beria em Heba na Malkiel husat em i papa bilong Birsait. ³² Nem bilong ol pikinini man bilong Heba em Jaflet, Soma na Hotam. Sista bilong ol em i Sua. ³³ Nem bilong ol pikinini man bilong Jaflet em Pasak, Bimal na Asvat. Dispela em ol pikinini bilong Jaflet. ³⁴ Nem bilong ol pikinini man bilong Soma husat i brata bilong Jaflet em i Roka, Huba na Aram. ³⁵ Brata bilong Sema em i Helem, em i gat ol pikinini man, nem bilong ol em i Sofa, Imna, Seles na Amal. ³⁶ Nem bilong ol pikinini man bilong Sofa em Sua, Hanefa, Sual, Beri, Imra, ³⁷ Bese, Hod, Sama, Silsa, Itran na Bera. ³⁸ Nem bilong ol pikinini man bilong Jeta em Jefune, Pispa na Ara. ³⁹ Nem bilong ol pikinini man bilong Ula em Ara, Haniel na Risia. ⁴⁰ Dispela em ol lain tumbuna bilong Asa. Em ol tumbuna bilong ol famili, ol hetman, ol man i gat gutpela pasin, ol soldia na ol bikman bilong ol man long ples. Namba bilong ol man inap long kamap soldia em 26,000 man olgeta.