¹ Taim Devit i kamap lapun na klostu taim em laik i dai, em i mekim Solomon pikinini man bilong em i kamap king bilong Israel. ² Em i bungim olgeta lida bilong Israel, wantaim ol pris na Livai. ³ Ol i kauntim ol man bilong Livai i gat 30-pela krismas na i go antap, namba bilong ol i kamap olsem 38,000. ⁴ Long dispela lain 24,000 man i gat wok long haus bilong God Yawe na 6,000 ol i stap olsem opisa na man bilong harim kot. ⁵ 4,000 em ol wasman bilong dua na 4,000 man bai i pilai gita na litimapim nem bilong God Yawe long ol samting bilong mekim musik mi bin wokim. "Devit i tok olsem. ⁶ Em i brukim ol i go long grup wankain long ol pikinini man bilong Livai, Geson, Koat na Merari. ⁷ Long ol tumbuna lain i kam long Geson, em ol lain Ladan na Simi. ⁸ I gat tripela pikinini man bilong Ladan, Jehiel, em hetman bilong ol, Setam na Joel. ⁹ I gat tripela pikinini man bilong Simei stap, em Selomot, Hasiel na Haran. Em ol i hetman bilong wan wan lain bilong Ladan. ¹⁰ I gat 4-pela pikinini man bilong Sime, em Jahat, Sisa, Jeus na Beria. ¹¹ Jahat em i namba wan pikinini na Sisa em i namba tu pikinini, tasol Jeus na Beria i no gat planti pikinini man, olsem na ol i lukim ol olsem wanpela lain na mekim wankain wok. ¹² Kohat i gat 4-pela pikinini man, Amram, Isa, Hebron na Usiel. ¹³ Dispela em ol pikinini man bilong Amram, Aron na Moses. Ol i makim Aron long mekim wok insait long rum holi na em wantaim ol tumbuna lain bilong em bai i mekim ofa i gat gutpela smel i go long God Yawe, long mekim lotu long em na givim blesing insait long nem bilong em oltaim. ¹⁴ Tasol long Moses wokman bilong God, ol pikinini man bilong em i kamap Livai. ¹⁵ Ol pikinini man bilong Moses em Gesom na Eliesa. ¹⁶ Na long ol tumbuna bilong Gesom em Subael, namba wan pikinini man. ¹⁷ Long ol tumbuna bilong Eliesa em Rehabia. Eliesa i nogat ol narapela pikinini man, tasol Rehabia i gat planti tumbuna lain. ¹⁸ Pikinini man bilong Isa em Selomit em i wanpela na em hetman. ¹⁹ Na long ol tumbuna lain bilong Hibron em Jeria namba wan pikinini man, Amaria em namba tu, Jahasiel em i namba tri na Jekamiam em i namba 4 pikinini man. ²⁰ Na ol pikinini man bilong Usia em Mika em namba wan pikinini na Isisa em namba tu pikinini. ²¹ Ol pikinini man bilong Merari em Mali na Musi. Ol pikinini man bilong Mali em Eliasa na Kis. ²² Elias em i no gat pikinini man na em i dai. Em i gat ol pikinini meri. Na ol pikinini man bilong Kis i maritim ol. ²³ Tripela pikinini man bilong Musi em Mali, Ede na Jerimot. ²⁴ Dispela em ol tumbuna lain bilong Livai wankain long famili lain bilong ol. Dispela em ol lida, ol i kauntim na kisim nem bilong ol famili lain husat i mekim wok insait long haus bilong God Yawe, krismas inap 20 yia na i go antap. ²⁵ Na Devit i tok, "God Yawe, God bilong ol Israel i givim malolo long ol manmeri. Na Jerusalem bai i kamap haus bilong em oltaim. ²⁶ Ol Livai bai i no inap moa long karim haus sel na olgeta samting ol i save mekim wok insait long haus sel." ²⁷ Long laspela toktok bilong Devit, em tokim ol long kaunim ol livai, long 20-pela yia na go antap. ²⁸ Wok bilong ol em bilong helpim ol lain tumbuna bilong Aron long lukautim haus bilong God Yawe. Ol i mas klinim insait bilong haus, ol rum na mekim kamap klin olgeta samting ol i save yusim long mekim lotu i go long God Yawe na ol narapela wok insait long haus bilong God. ²⁹ Ol i lukautim gut ol bret i save stap insait long ples bilong mekim ofa, ol gutpela plaua bilong mekim ofa, bret i no gat yis, ofa ol i kukim pinis, ofa ol i miksim wantaim wel na long makim ol sais na hamas pela samting i stap. ³⁰ Tu olgeta moning ol i sanap na tok tenkyu na litimapim nem bilong God Yawe. Ol i save mekim olsem long abinun tu ³¹ na long taim bilong kukim ofa i go long God Yawe, long dei Sabat na long niupela mun na long bikpela dei. Ol i pasim tok na makim sampela lain long stap insait long haus bilong God Yawe. ³² Ol i save lukautim haus sel bilong God, long rum tambu na helpim ol tumbuna lain bilong Aron insait long haus bilong God Yawe.