¹ Ol lain manmeri bilong Israel ol kam bung long ples Hibron na tokim King Devit olsem, "Lukim, mipela ol lain tru tru na wanskin bilong yu stret i kam". ² I no long taim i go pinis, taim Sol i stap King bilong mipela, em yu tasol i bin go pas wantaim ol ami bilong Israel. God Yawe i tok pinis olsem em bai stap wantaim yu, na bai yu stap wasman bilong ol Israel, na kamap bikman long lukautim ol manmeri bilong mi Israel. ³ Na olgeta bikman bilong Israel i kam bungim Devit long ples Hibron, na Devit i mekim kontrak wantaim ol long ai bilong God Yawe. Na ol bin kapsaitim wel long het bilong Devit na makim em i kamap King bilong Israel. Long dispela rot, tok God Yawe i bin tokaut long maus bilong profet Samuel i kamap tru. ⁴ Devit na ol Isarel i bin go long Jerusalem(em ol Jebus). Long dispela hap ol lain Jebu tu i stap long en. ⁵ Ol lain Jebu i stap long hap i tokim Devit, "Yu no inap kam insait long hia", Tasol Devit i strongpela hap bilong ples Saion, em biktaun bilong King Devit. ⁶ Devit i bin tok olsem, "Husat man i go pas long pait wantaim ol Jebu, em bai kamap nambawan komanda", Na Joab pikinini man bilong Seruia i go pas long pait wantaim ol Jebu na em i bin kamap hetman. ⁷ Devit i stat long stap insait long strongpela banis. Olsem na dispela ples ol i kolim biktaun bilong Devit. ⁸ Em i bin wokim biktaun stat long Milo i raunim i go inap long banis. Na Joab i stretim gut ol arapela hap wok bilong biktaun. ⁹ Devit i kamap strong na strong moa yet long wanem God Yawe stap wantaim em. ¹⁰ Dispela em ol lida man Devit i bin gat, husat ol bin soim strong bilong ol long kingdom bilong em, wantaim ol Israel, long mekim em i kamap king, bihainim ol tok bilong God Yawe long tingim ol Israel. ¹¹ Dispela em ol nem bilong ol strongpela man bilong King Devit, Jasobeam, pikinini man bilong Hakmon, em i bin stap hetman bilong ol ofisa. Long wanpela taim em bin kilim 300 man wantaim spia bilong em. ¹² Bihain long en, em Eleasa pikinini man bilong Dodo, man Ahohi em wanpela bilong ol tripela strongpela man. ¹³ Em i bin stap wantaim Devit long ples Pas Damim, em hap ol Filistia bung long pait long hap i gat gaden bali em ples ol ami bin ranawe long ol Filistia. ¹⁴ Ol i bin sanap namel long dispela gaden long pait. Ol i winim pait na kilim ol Filistia na God Yaweh i helpim ol na givim ol bikpela win tru. ¹⁵ Na ol tripela bilong 30-pela hetman i bin go daun long ston long Devit, long hul bilong ston long Adulam. Na ol ami bilong Filistia i go redi long pait long ples Refaim. ¹⁶ Long dispela taim Devit i kamapim strongpela hait ples bilong en long hul bilong ston, wankain taim ol Filistia tu i kamapim ples bilong ol long Betlehem. ¹⁷ Devit i salim tingting long dring wara na em i tok, "Sapos wanpela inap i go kisim wara i stap klostu long dua bilong Betlehem na kam givim mi long dring em bai gutpela tru." ¹⁸ Na ol tripela strongpela man i brukim pait i go insait long ol Filistia na kisim wara bilong king Devit i stap long dua bilong Betlehem. Ol i kam givim wara long Devit, tasol em i no laik long dring. Em kapsaitim long alta bilong God Yaweh. ¹⁹ Na em i tok, dispela em bai kain olsem mi dringim blut bilong ol dispela man i bin salim skin bilong ol long kisim dispela wara. Long wanem dispela ol lain i no tingim laip bilong ol yet na mekim, Devit i bin les long dring. Na dispela em wanpela samting ol tripela strongpela man i bin mekim. ²⁰ Abisai brata bilong Joab em i kamap kepten bilong dispela tripela man. Wanpela taim Abisai i kilim 300 man i dai wantaim wanpela spia tasol. Ol i tokaut tu long em wantaim ol tripela strongpela man. ²¹ Namel long ol dispela tripela, ol i givim moa luksave long em i kamap kepten, tru em i no wanpela bilong ol tripela man. ²² Benaia pikinini man bilong Jeoiada bilong ples Kapsil em hap man tru bilong pait, na tu em save mekim gutpela pasin. Em i bin kilim tupela pikinini man bilong Ariel bilong Moab, na tu em bin go daun long hul bilong laion na kilim wanpela laion long taim bilong ais i pundaun. ²³ Na em kilim tu wanpela man Isip longpela bilong en i moa long 5 mita. Spia bilong dispela man Isip em bikpela tru, tasol Benaia bin go wantaim liklik stik na rausim spia long han bilong em na kilim em i dai. ²⁴ Benaia pikinini man bilong Jeoiada i mekim dispela kaikai na em tu ol i givim wankain luksave long em olsem dispela tripela strongpela man. ²⁵ Ol i givim em luksave i antap long 30-pela soldia tasol em i no wankain long ol tripela strongpela man. Tasol Devit i putim em bosman bilong ol wasman bilong em. ²⁶ Ol strongpela lain man em Asael brata bilong Joab, Elanan pikinini man bilong Dodo bilong Betlehem, ²⁷ Samot bilong Harori, Heles bilong lain Pelon, ²⁸ Ira pikinini bilong Ikes bilong Tekoi, Abiese bilong lain Anatot, ²⁹ Sibekai bilong Husat, na Ilai bilong lain Aoi, ³⁰ Maharai bilong Netofa, Helet pikinini man bilong Bana bilong lain Netofa, ³¹ Itai pikinini man bilong Ripai bilong ples Gibea bilong lain Benjamin, na Benaia bilong lain Piraton, ³² Hurai bilong ples daun Gas, Abiel bilong lain Abati, ³³ Asmavet bilong Baharum, Eliaba em man bilong lain Salbon, ³⁴ Ol pikinini bilong Hasem long ples Gizon, Jonatan pikinini man bilong Sage long lain Hara, ³⁵ Aiam pikinini man bilong Saka long lain Hara, Elifal pikinini man bilong Ur, ³⁶ Hefer bilong Mekerat, Aija long lain Pelon, ³⁷ Hesro bilong Kamel, Narai em pikinini man bilong Esbai, ³⁸ Joel em brata bilong Natan, Miba pikinini man bilong Hagri, ³⁹ Selek bilong Amon, Naharai bilong lain Berot (Man i save lukautim klos pait samting bilong Joab pikinini man bilong Seruia), ⁴⁰ Ira na Gareb bilong lain Itram ⁴¹ Uria bilong lain Hiti, Sabat pikinini man bilong Alai, ⁴² Adina pikinini man bilong Sisa bilong lain Reuben (Em bikman bilong ol lain Reuben) ol 30-pela man save stap wantaim em, ⁴³ Hanan pikinini man bilong Maka, na Jeosafet bilong lain Mitan, ⁴⁴ Usia bilong Astarat, Sama na Jeiel em ol pikinini man bilong Hotam long lain Arorit, ⁴⁵ Jediael pikinini man bilong Simri, Joa (brata bilong em long lain Tis), ⁴⁶ Eliel bilong lain Mahav, Jeribai na Josavia ol pikinini man bilong Elnam, Itma bilong lain Moab, ⁴⁷ Eliel, Obet, na Jasiel bilong lain Mesoba.