¹ Kiae te piri bainti bauro? Kiae te kai'a bainti bauro? Kiae te tentanabu Nora Ihu Karaitira tabauro? Kiae ne tibatake Nora kai'a bainti bariabo? ² Kia te hini kiakaini kai'a bainti bariarera, te ni kai'a bainti bariarera. Te Noraini kai'a autuaina tabebarabe. ³ Ma bibama tini kempu kai'a timitaibo, bika ti kai'a rantake tabebabe. ⁴ Kiae tinabuara namai neha kara nate tiabo? ⁵ Kiae tenabu bo nahenti batake boha bairabe? bokia kai'a baintika mintiateke, ata bakaba Noraini baiba, Sifasibae? ⁶ Tihanta Banabasi karae kia kai'a barate tiabo? ⁷ Tabae i'oka bainti'abiro biba nai kara rante baibo? Tabae baintibae kai'a barake kara ututero kia biba nai kara antibo? o ta baintibae kau ra'iki tero bira nama kia naibo? ⁸ Te bi ubara tuna te iata bainti'iaka irirahika abatakee turo? Kiae lo bano ma bihaikarara tibo? ⁹ Uba bano Mosera aratanu'i baibo, " Kia kau noo tintane biba raihi taba pahi rabahi baira." Kotiba kaura iriro bi ubara tirae? ¹⁰ Kiae biba tinabuara tibo? Kotiba naima tinabuara tibo, ta baintibae bata anta'iraba biba uahe haroma anta'uaire, bainti bano raihi kubu pahi rabahi bairaba bika tabate kara ara a'u binara bikama bareba. ¹¹ Iro tenabu Aiho ahinara tentanabu abutana ututarera, tenabu ora hikama ni kai'a'ahi bararabe. ¹² Iro hinikiaka uba tibake ni iahikara barare kibera, tenabu kima bira'i bo'abata tianabe? Iro kiama tinabu kempuka uba bira'i tirabe, tenabu eka marama barebauro,tenabu kia karatira ko'e uba ara tintarerabe. ¹³ Kiae ne mintiake tababo, taukae mono nabu'i ra'ikiaka bika mono nabu bira'i haima kara barebabe? Taukae alta'a ra'ikiaka bika alta bira'ahima kara bareba bainti nahenti opa bare anira. ¹⁴ Boha ariroma baibo, Nora bano uba mintiakero timibo, taukae ko'e uba tibaika, bika ko'e uba tira bira'ihaima kara barate. ¹⁵ Ima kiama te bi ubara kempu kai'ake tirabe. Kia te ma bi ubara ararua tauna kia te bohika tini mintia teraube.Bira ko'ehama te utubuaina auri bainti bi ubara tiha ti bara muntubi kebora. ¹⁶ Iro te ko'e uba tiaina, kiama te tenta autu bini'irabe, te mintima ira, kia te ko'e uba tiarera te orai'ama birabe! ¹⁷ Minti'e te tenta auha antu'a'a uba tiba nimiarera, bira ko'a te bararabe, minti'e kia te tenta arara'ihai mintiarera, te tabauro Kotiba kai'a timira kia te barauro. ¹⁸ Nana ko'ae tuna bate baibo? Te ko'e uba tiha, kia te baintiara tiha ko'e uba ko'ai iane turo, biba kiama te autu bataka ko'e uba tiaina'a ho'a kaibo. ¹⁹ A'ira kai'e te eka bainti nahenti kaini piri bainti bo'ara bariare, te ekaka kai'a baitintima bauro, boha ariroma baibo te bo'abatama orau tahama ntitarabe. ²⁰ Te Juda batanaka hampata baiha, te Juda bo'arama bauro, bira nanare te Juda batana ntitarera. Te Lo abataka hampata baiha. Te Lo abatai baintira bo'ara bauro, bira Lo abataka ntitarera. ²¹ Te kia Lo bano babama taimanta bariaka hampata baiha, te kia Lo bano babama taimanta baria baintika bo'ara baunabe, kia Lo abataka ntitarera. ²² Te mara'ura ututaba kia kempu kai'iaka hampata baiha, te bainti bano kia kempuka mara'ura ututaira bo'ara baunabe bika ntitarerabe. Te eka bika minti baunabe, bira nanare ti antu'a bika hinikiaka mara'ura baraterabe. ²³ Te eka ko'e uba kai'a barauna Karaitia kai'a bara kempukai'a karerabe, boha bata Kotiba ko'e hika ti heno'a timitaina barareriha, ²⁴ Kiae ne mintiake tababo, resisi'a kante bariara, resisi bira'a eka bainti kantai boma, bohau bano aiama paraisi baranaro? Mintira kekauke kantera atarakera bi paraisira bara. ²⁵ Bainti bano bi resisi'a kanteharo, nai baata ko'eke ra'iki keroma bi resisira'a kantaibo. Bika bira minti bariara ora'a buaina paraisira bararekama minti bariabo, Ima tenabu resisi'i bauna paraisi kia orai'inama bararabe. ²⁶ Mintima kiama te umina kantauro o ubai umina ru'uturo, kiabe. ²⁷ Te tenta baata barabibi kairo tinta abatai rerabe, mintima nantiara hinikia kaini uba turo, te tenta kiama bi paraisira a'ira kaina.