¹ Bobano borara uba bairera. Ne ko bare a'ini bai baintika'a bimantae ni ko raireba kiae mono'ira iata bainti ni mara raireka bariabo? ² Ne kiae tababo mara'ura utua bainti nahentika batai hainaka ko nimibae? Ne batai hai nauka ko nimira ibera, ne nantimantae inara inara ubaiha ninta abutana obari baira kiae raire barabe? ³ Kiae ne tababo tenabu ankero bata rairebabe? bo'ake uahate, tenabu hoe ma batarai hainauka ko rairarabe? ⁴ Ne aka enta ko'eke nenta uba rairake tabate, nanarae ne nenta ko bareha bainti kia mono'i iata bainti iaka ianaini bibariabo? ⁵ Te ma ubara tuna ninta kaurira hikarama turo. Kiae hini kia baintika ni abutana ko'e irira hika bataka ma mintina marara ata bakauka aura nakauka barai manta tibake abuabu ika bariabo? ⁶ Ibaroma ubabano mantia keroma himpi baibo, mara'ura utira baintiba kiama bo bainti mara'ura utina bita barero ko'a buanaro, bainti Kotira'a kia mara'ura utuaka ni rairebabe. ⁷ U'ai'ake ne mara'ura utuaka ni abutana tiroria okaraba bo'a batama baibo, biba mintia kaimanta ne kakakiama buabo. Nanti mantae ne kia bi marara barabo? Nanarae ne a'ira kamanta bika ni una'ara tibariabo? ⁸ Ibaroma, ne bika una'ari hama orai'a nimite bariabo, bika ni ata bakaukabe. ⁹ Ne kiae mantiake tababo, orai'ia baintika kiae Kotira batuka'i ori etebabe? Kia una'ara uba hau'a mara'ura utuate. Bira nata batiara ia okararabe ibo, una'ara kotira'a ibo, nata baiti rauheha ibo, bainti bano bainti bare baibo, ora okara bo'ari bo'arira. ¹⁰ muara okara ibo, ekahika kia ihaki bariara ibo, werai ibariara ibo, karana'a tibariara ibo, bobano ihaikara rarauri bariara ibo, kima bika ihairo borubano Kotira batuka'i ori etanaro. ¹¹ Ne hini kiaka haru bi okarara minti bariakabe. Iboma, bate ne Kotira abu'a taku'u bima ne atama bi abu abu abi Nora Ihu Kraitira kai'a'a bata Kotira kempuka Aiho'a bata bairiabo. ¹² Ekahika te mintiainra bua'ara roma baibo," ibaroma ekahika bano kiama ti kaha'iano. Ekahika te mintia iraba bua'a raroma baibo, ibaroma kia te bohika kairo ti ra'iki taire. ¹³ Kara arara'i rarabe arara bano kara bara irababe," Ibaroma, nantiara Kotiba bika hantai'a keroma tai'a kanarobe. Iboma, baata biba kiama nata batiara ia okarara mintia nobe. Iboma baata bira Nora bano ira baiboma Nora banoma ekahika baata kaha iana heno ianarobe. ¹⁴ Kotiba Nora himpi kairaba bibama tinabu bata nai kempu ka'ama himpi kanarobe. ¹⁵ Kie ne tababo ni baata bano Karaiti biba baira? Te Karaitira baata barake nata batira ibaina nahentira amirabe. Kia mintiake obarai iaire . ¹⁶ Kiae ne tababo, bainti bano nata batiara ibai nahentira batake tatau biraba biba bira batake boha baatai'ama bibo? Kotira ara tanu bano tina tekero, " Bikahanta boha baatai'ama buabo." ¹⁷ Iro, tabae Nora batake tatau biraba, biba Kotira Aiho'ira bohai'ama bibo. ¹⁸ Nata batiara ia okarara niaraima bariate! Eka boki kumira minti bariara baata baha ainima minti bariabo, iboma bainti bano nata batiara ia okarara minti baiba, biba naima nai baata barakero orai'ama kaibo. ¹⁹ Kiae ne tababo Aiho Bainti nabuma ni baata baibo, biba ni'ima baibo, Aiho Bainti bano ni'ira bai mantama ne Koti bikama bariabo? kiae ne tababo kia ne nentauma bariabo? ²⁰ Kotiba ni nora ko'a nohairo ko'a autu taikabe. Mintira ne nenta baata nohai ekahika mintiba, Kotira autu aima bini ianarobe.