¹ Bate te monu mono'irauka ruba uatarara tirebe, ne mantiakema mintiate te Karesiani mono'i barika tiba nimura mintiateke. ² Abunihaina entara'a, ne bohau bohau monu bataira heno'akema batate. Mintie'e te aniai, nanahikae ne kia anirante ruba'uate. ³ Nana entae te aniai, taukae ne kai'a nimika te ara araeuake nimiai opa monu batake bare Jerusaremini buate. ⁴ Iboma te buarera, bika bata ti batake buate. ⁵ Iboma te ni inaini anirabe, Mesidoniaini hai aniaina. Bira nanare te Mesidoniainima buaina. ⁶ Nantire antaira entaba ani'e te ni batakema bariaina, ne anirante ti kaha'iate, te bonai bire iai. ⁷ Bira nanare bate abo enta te ni kia tabaraitibe. Te ni hampata inararau bukai'a kema bariaina, Nora bano eo tirera. ⁸ Iboma te Epesesini bariairoma pentikos enta bano aitara nobe, ⁹ nora entama tini antua biboma, ora nabuta batama obarai iabo. ¹⁰ Timotiba aniro, biba baiharo biba kiama etaire, bira nanare biba Kotira kai'ama baraibo, te barauna tekero. ¹¹ Bo bainti bano kiama bira baramutubi kaire. Ne bira kaha'akema ne bira iha'ara auha batakema atitaiboma, tini aniaire. Te bira bekai'i bariairo tini anireba hinikia ata bakauka hampata aniaire. ¹² Ata bakara Apolosira turo, te uba nohai tiha bira kempukai'a amitairo biba hinikia ata bakauka hampata aniroma ni ani tabanarobe. Iboma kia bira antu'auma bate aniaina baibo. Iboma biba nantiarama anianarobe nanahika bano ho bairera. ¹³ Ne ko'eke ra'ikiha, kempu kai'abi mara'ura ututaira'a himpi bariate, bainti bo'ara bariate, ne kempu kai'abi bariate. ¹⁴ Ne ekahika mintireka antu'ara hika batake mintiate ¹⁵ Ne Sitepenasira antu tabatarabe, bika abuni Akaiara'a mara'ura utuakabe, bika nai nimi kai'a bareha hinikiaka mono'i bariaka kaha'ireka. Bate te ni ata bakaukera kempu kai'akema turo, ¹⁶ Ne bika bebarai baihama taukae kekauke tinabu kaha'iaka batabe. ¹⁸ Bika anima tinabu mara'uara araka kekauma timiabo. Mintima ne mintiaka ko'eke tabate turo. ¹⁹ Esiaini mono'i bariaka nini uahara ubama barakabo. Akuiraka, Pirihiraka batake mono'i bariaka bika nabu'i ruba'i bariaka Nora autu'a nini uahara ubama barakabo. ²⁰ Eka ata bakauka bata ni uaha nimitabo. Ne bora bata uata kankauruake uahate. ²¹ Te Poluka, te tenta kau'u ihaima ma ubara ararua nimitauro. ²² Mintiro bo bainti bano kia Norara antu arirera, biba orai'ama buanobe. Tinabu Nora baubo, are tubuane! ²³ Nora Ihura a'urihakano ni batake bariaire. ²⁴ Te niara Ihu Karaitira'i bo'akema antu'aruro.