¹ Ne ti okara abtate, boha arake te Karaitira okara abatauna teke ² Bate te niara uahauro bira nanare ne eka hika'ahi tiriara iri bariaberabe. Eka bi ubara ni nimuna tatauke uatabo. Mintima te ni taba nimuro ne ko'e okarama minti bariabo. ³ Bate te niara tabate turo Karaiti bama eka bainti iata baibo, bainti banoma nai nata iata baibo, Kotibama Karaitira iata baibo. ⁴ Iro bainti bano nai iata babama tero poropeti uba tirera, biba nai iatama kaurirahika amibo, bira Karaitirabe. ⁵ Iro nahenti bano bata nai iata kia babama tarai tiro biba nunabue o poropeti uba tirera, biba nai batima kaurira hika amibo. Bi okaraba boha ariroma baibo nahenti bano nai iata kauhi eka to'a kaintekero. ⁶ Nahenti bano kia nai iata babireba irera, biba nai kauhi to'a muntubi kaire. Mintiro nahenti bano nai kauhi to'areba kaurirera, biba nai iata babiaire. ⁷ Bainti bano kia nai iata babiaire, biba nanare, biba naima mara'ura bo'ara baibo. Iroma nahenti banoma nai bati birasi bano baibo. ⁸ Bainti bano kiama nahenti ahiro obaribo, kiabe, nahenti bano bainti ahiroma obaribo. ⁹ Kotiba kia nahentiara iriharo auma bainti mintia taibo, biba baintiara iriharoma nahenti mintia taibo. ¹⁰ Bi okarama nahenti bano nai iata babiaire, biba Kotira kai'a nahenti bo'ara baira ankero bata tabate ¹¹ Iroma Nora bainti nahenti, nahenti bano kiama nai'akero bairo,bainti bano bata kiama nai'akero barianaro. ¹² Mintiroma baibo, nahenti bano bainti ahiro obariboma bainti bano bata nahenti ahiroma obaribo. Eka bi haikaba kotira ahiroma obaribo. ¹³ Ne nenta rairake tabate: Bira ko'ee iano nahenti bano nai iata kia babiirai tiro Kotira'a nunabu tianaro? ¹⁴ Tintanabu okarara, bainti bano bukai kauhi irera, biba naima nai kaurirahi amibo. ¹⁵ Iro nahenti bano bukai kauhi irera, bira nai ko'e birasibe, bira nanare, Kotiba bira amiro nai iata babiaire tiro amirabe. ¹⁶ Iro bo bainti bano bi haikarara tire birera, kiama tenabu bo okara bira bo'arirabe, Kotira bainti nahenti'i kiama mintira okaraba barianobe. ¹⁷ Bate te ni tiba nimiai ne abataterabe. Kiama te niara uhauro, bira nanare, ne ani ruba'uabi mono'iaba, kima ni'i hairo ko'e okara bano obari baibo, iboma ni ora okara banoma obari baibo. ¹⁸ Te niara minti tibake tirebe, te irura ne mono'i ani ruba uabiha, ne rauhema nenta abutana bibariabo, te bi ubara'a mara'urama uturo. ¹⁹ Bira nanare te irura ne mono iara'i inararau rahauma bibarabe, tau bainti nahentikae u'ai'ake Kotiba antu'ari okarara abate bariabo. ²⁰ Mintima ne ani raba uabi mono'ireka iha, kia ne Nora u'a karauma nebariabo. ²¹ Ne nebariara, ne baka nenta kara hinikia kaini hai barebe, hini kiaka karara antu aribai hini kiaka namai neha werai'i bariabo, ²² Kiae ni iara nabu kara neha namai nebariara baibo, nanae? Ne Kotira bainti nahenti iri uminahi kai'akee hinikiaka kia kara bataka kaurihika nimiabo, nanae? Te niara nantie tirabe? Te niara uahara ubae tirabe, nanae?Birara kiama te ni uaha nimi tainabe! ²³ Nana hikae te Noraini hai barauna, birama te ni nimuro, bira Nora Ihurabe. Bi entara'ira Iutasiba bira nabuta kau'u'i batairabe. ²⁴ Nantiara biba bareti barakero Norara ko'erabe tibakero biba bareti bira nkui haro tiharo, " Maa ti batabe, bira ni iarabe; ne bira mintihama tiriara iriha bariate." ²⁵ Boha'ari okara'a biba kara namakara nantiara kapu barakero, biba tiharo, "Ma kapura'i arakaka kontaraki tinta narebe. Eka enta nehama, tiriara iriate." ²⁶ Eka enta ne bareti bira neha ma kapura'i neha, ne Nora bano utinarara tiha baiboma biba orurante tubuaire. ²⁷ Iro bainti bano kia ko'e okarara batakero Nora kara bata kapu'i bata naina, biba Nora baata bata nare bata orai'ama kaibo. ²⁸ Kairo bainti bano nai rairake tabero, bareti bata kapu'i bata naire. ²⁹ Iro bainti bano Nora baatara kia ko'eke irirai tiro nairera, biba naini kia ko'ei haikarama bare anibo. ³⁰ Bi okararama ne robara bareha kia kempuka baima ni'ihai hinikiaka uti buabo. ³¹ I'e tenabu tentanabu rairake ko'eke irikema, tenabu Kotira ko'ata kia himpirabe. ³² Iroma Nora bano tinabu ko timiro, biba tinabu abuabu iharobe, minti'ema kiama tenabu maa batara batake orai'a birabe. ³³ Mintima ti ata bakaukabe, ne nareka ani ruba'uabi, ne bika bata bekai akema iate. ³⁴ Bo bano antu arirera, kairo biba nabu'ira namakero iaire. Auriro, ne ruba'iba ni ko bo'ara bariantorabe. Bohika bata ne ara'ira ti ararua timitara, tenta anima ni batake abuabu iranabe.