¹ Kia te ni kai ne kia tabariti bariaterabe,ata bakabe, te ni kai ne tabate tinabu okabara solwara namai ta'ake anura, bika tonabu bano babama tomanta baurabe. ² Eka bika tonabu'a bata namai'a bata namai barora, bika baireka mosera antu baura, ³ eka bika nareka Aiho ahinara boha'ari karara nora. ⁴ Eka bika Aiho ahinara boha'ari namaira nora. Eka bika ori'ihaina Aiho namai nora, biba nai bika batake nibaura. Bi orira nai Karaitirabe. ⁵ Ibo, Kotiba bika orautahara kia uahairabe, utubuaka baata bano eka umina batana hi'iruba bura. ⁶ Bi haikaba obariba tinabu umi'ero kia tinabuara abu'auri ra'iteha, bika mintiteke mintiate tiro. ⁷ Kia ne una'ara kotira'a mono iate, bika hinikiaka mintiteke, ara tanu'i ararua tainteke, " Bainti nahenti o'ubi boha baiha kara ne namai neke bika himpi ihireha ora okara minti baura." ⁸ Kia tenabu nata batiara ia okarara bika mintiha, 23,000 bainti nahenti utu binteke mintiare. ⁹ Bate bata kia tenabu Karaitira ruha mitare, bika orautaha minti baubo memeru bano bika orai'a kora. ¹⁰ Kia tenabu bika minti bainteke tiroriha baubaro, bainti ari bai ankeroba bika orai'a kora bo'ara bariate. ¹¹ Bate, bi haikaba obarira tinabu mara'ura bo'ara umi aibo, bika bi ubara araruake taukae tenabu ekara enta baurauka timitairabe. ¹² Tabae iriro te kempu kai'abima bauro, tiharo biba nai'a ko'e kero ra'ikiaire kia hi'iruaire. ¹³ Kiama bo aba'ara hikabano ni atara kaira bo'aribo, kiabe, boha'ari aba'ara bano eka bainti nahenti ma batarai haina ka'a ani haroma ni'a bata anibo. Iboma, Kotiba nai ubama abate baibo, kima biba bo aba'ara hika kairo ni kempuka atara kanarobe. Iro aba'ara bano ni'a obariro, Kotiba ara mintiakeroma ni kaha ianarobe. Bi arara mintiro baibo, biba ni kempuka nimirama ne kempu kai'ake himpi baibarabe, bi aba'araba kiama ni bara muntubi kanarobe. ¹⁴ Mintira ti'irauakabe, ne una'ara kotira'a mono'i okarara a'irakate. ¹⁵ Te ni uba tibanimuna irirahika batai baintiba tintekema tiba nimuro, ne ko'eke te uba tiaina rairake tabate. ¹⁶ Ma kapura'i ko'e hika bairama ni nimuro, kiae Karaitira nare bo'ara tenabu barauro? Ma baretira tenabu kui bauna, kia Karaitira baata bo'ariroe baibo? ¹⁷ Bira nanare, bo'ari baretirama baibo, mintima tenabu bainti nahenti boha'ari batarama bauro.Tenabu eka boha baretihama nebauro. ¹⁸ Isireri batana okara tabate. Bika bahabera kara neha bika alta tainta'ata iha uare bariara, bika mintiabama Kotira bata bika bata alta'a ruba'ibaibo? ¹⁹ Nana hikae te tire una? una'ara kotira bira u'a hikae baibo? O kara una'ara kotira ami bariara bira u'a hikabe bairo? ²⁰ Ima te tuna baha'ai bariaka nai opa una'ara aiho amibariara, kia u'a Koti raube. Kiama te niara ora aiho batake boha bariate turo! ²¹ Kiama ne Nora kapu'ihai neha ora aiho kapu'i bata nebabe. Kiama ne Nora tainta'a neha ora aiho tainta'a batabe. ²² O tenabu Nora kairo tinabuara ora arara batero ararae itanaro, nanae? Tinabu kempuka bano bira atarae kanaro, nanae? ²³ "Ekahika tenabu mintiaina homa baibo" iboma kiama ekahika bano tinabu kaha i'e tenabu ko'ebi bairabe. Iroma kiama ekahika bano tinabu kempu kai'a timitanaro. ²⁴ Kia tenabu tentanabu kaha'iai na'i iritare. Ima, tenabu bora kaha'iaina bata iritare. ²⁵ Ne maketi'a kara batairama bareke nate, kia ne ora irirahika bare irate. ²⁶ Bira nanare, " Ma batara bata ekahika bira'i baira, nai Nora bano irabe." ²⁷ Iro bo bano baha'ai bairaba baintiba ai irero kara tibatake nane tira, bira nabu'i bireba iri tairera. Nana hikae biba heno'a taina nane. Kia ora irirahika bataha irane. ²⁸ Iroma bo bainti bano ai tibamiro tiharo, " Bi karara una'ara kotira opa amiarabe, kia nane tira, Bi okarara are mintiana, bainti tabae ai tibamira bira batama kaha'a mitenabe, bo'a bata ko'eha bo bainti irira hika batama kaha'a mitenabe. ²⁹ Bi ubara te tuna, kia te ai irirahika kaha'ihauma turo. Kiabe, bira hinikia baintika irirahika kaha'a nimi tarerabe. Bira nanahare bo bainti bano bika irirahika batakero ti okara rairanar? ³⁰ Ima te ko'erabe tibake kara baraina, bira nanahare bainti tiriara ora uba tiha ti bara'i tubibibe? ³¹ Nana hare, are kara neha namai nebariaro, o nanahikae are mintiana, eka bi haikara mintiairaba Kotirama nora autu amianaro. ³² Kia Judahae o Kirikihae o Kotira bainti nahenti ora okara'i bara muntu hi'irua kate. ³³ Te ekahika mintu na'ahi te eka bainti uaha nimi tarerama minti bauro. Kia te tenta ko'ehika kaha iaina hikarauma rante bauro, kiabe. Te eka ko'e hika rantake airu bainti nahenti kaha'irerabe, Kotiba bika anirante ntita irerabe.