¹ Na Jut, Yesu kognan yal tere Jems aglembai, na pepa bol yalabal Anetu aleboa yalkani ditemwe, en min kanue yobal. ² God demiri ura ya min kanua mamnem i en yalkane mongal dinamue. ³ Na yobalnakane God no i koledoa mamnem i nimapre bol entopna, na pilgai, en yalkane pilgidire God agi do. ⁴ En yalkan-i kankengre yobal tau God pilgi ditekwa kani kulsire ure kamamne igil suna ure God kam i kulsire yalabal kunil nomwe, yalkamai yal ore Yesu Kristu koknan yal ukoma pua pilgi ditekmue, koma ipe God el dimue, yalkamai yal ore maplem aglemba molkenamue. ⁵ En yalkamai tal i pil maldemiga, en yalkamai nomanen ule yaure, kui yal ore Isrel Isip ime imena doa dimba, yalkamai yali pilgi ditekemue. ⁶ Angelo yalkamai ama nimapre God kene molkemue, elewaplere, yal ore angelo kani kene kamasual molgolawal sumwe, yalkamai yal ore maplemel aglere golamue. ⁷ Sodom Gomora ya agai mare yalkane-i ewa mamnem. Yalkane-i mamnim nigegoldoa boa-mele bolmue, mamne el koma pawa pilere none kanere kwi el-kenanga pamue. ⁸ yobal mle teran i dule bolere ulkube kanekane kanere gam nene el-nigedomua, yalkane-i nigedire God angelom kamnel ka nigedoa ditom-we. ⁹ Dimba angelo Maikol kura-ka yal nigedowa Moses gam plere ditowa, Maikol yal nigedoa ka nige doa ditekemue, el dimba yal ore nene kanre di-en tenamue. ¹⁰ Dimba, yobal tal mamnim pilkere ka-bolmel dua kane-i , yalkane-i duwakabe nomane paikewa mele el-elere nene gam dule bolmue , mamnem nene kuba-pri inamue. ¹¹ Yal kane-i Kein mamnim kan-kun dalawa, yalkane-i Balam koplem pre pekato ewa mle elmue, Kora God el nige detere wau bowa mele el elmue. ¹² Yalkane-i pilnil koplel kulsipaire sip hel nige-doa mle-el, yalkane-i komna doa el nigedere gai golkem-we. Komna noa kakne-i yobal i kunsuane molpne dipilmue, yal kane-i nim-molkewere gui mage pua mele el mote ere muge kaknem kolkere kakne su goa mle-el molmue. ¹³ Yal-kanemai, pil-nil pepel di-ore pua mle el, gaim-i nil-ule mele el, yal kane-i kwile mokma mile dule bolkewa mle-el pawa plere God yal kane-i agai siboal el toa kakne-kakne molamue. ¹⁴ Adam moal mumil-i Inok ele yali ka di pak-lemwe, na yal ore ire angelo mile-ki kene uwa kaniwe. ¹⁵ Yali ure yobal el nige-detere ka kol ditenale dre umwe. yali ure yobal pilgi di tekwa-i ire mamne nigedoa kani plame-di elmwe. Dimba yalkane tau kupapiri ewa yalkane-i ire God ka nigedoa ditoa yalkani pil yoblagemil dename dre umwe. ¹⁶ Yalkane-i demiri nigedoure kagiwa kagne kagne dimue,nigedoa dule bolere kakipe dre,kambaun dre kui yalkani ari el yalkane-i dule bolame di el elmwe. ¹⁷ Dmba na naglakane, Yesu aposol kane kaduara nomanesiplo. ¹⁸ Yalkne-i ka el dintomue, kagene primil yenawa kagne, yobal gamka snawa yalema-i ure God mukal wage tere nene nomane nigedowa dule bolamue. ¹⁹ Yalkane-i kamamene ige sidulage ewa kane-i. Gaba yobal nomane dule bowa plere kenemie suna molkemue. ²⁰ Dmba en yalkane no aglenakane, God pilgi nimapre dre te Holi Spirit usuna molawara en kamage yengre en aukule dnamue. ²¹ En yalkane God en min kanwa mamnem igal i teran molo. En yalkama demiri ura Jisas Krais molpai min kagne kagne entenamue. ²² Yobal pilgi nima pikwa yalkamai mile pil to. ²³ Yobal ple akule ditemigre doa agai pikenamue. Krul plere aglen bai ta mleplo. Mamnem nigedoa kane moal-i mol pakai do. ²⁴ God en akule dnaure agul sikenanga kune elmue. Te en agli agai min namue. En yalkama prin paikenawere min plan we. ²⁵ Jisas Krais igal i God no akule dinawa kune ewa. Yali Kin mole talkan kane kane kemlemue. Kam baun ya yoblage yali tal. Yali koma moa, Eme moa, Kuimol ama mole te molawal molamue, I one.