¹ Anetu none den mirin notwa-i none nomane sipil kun-dalanga-i, ena yalobal none Anetu gaglema no kano yenawa pamue, iple none Anetu gaglema molabnue. Mamnem i ple, gaba yalobal Anetu nomane ta pil-tekwa-iwe, i none ama nomane ta no pilteknawa pamue. ² El-ewa ple, aglenabai-kane, none Anetu gaglema molbin-ba, tal eme ta painawa-iwe, omlne ta dinotekemue. Dimba, Yesu unogol unawa kagemi, none kanre Yesu moa mele i none ama molabinue. ³ El ewa ple, yalobal knagre Yesu kanale-dre sulmoa-i, yalkane-i nene ele u-kui namue, iple Yesu mamne nigedoa elkewa moa mele-i, yalkane-i ama mol-el denamue. ⁴ Yalobal knagre mamne nigedoa kagne kagne emoa-i, i Anetu kam sidoa kane momya. ⁵ None pil maldoba Yesu ure mamne nigedoa eldoa-ra, yali ama mamne nigedoa ta el kankue. ⁶ Yal ta Yesu kene sidaulanga-i, mamne nigedoa kui ta elkenanue, Mamnem i el pamue, yal ta mamne nigedoa ta el molanaga-i, en Anetu ala monga-i ta pil kun dalkena. ⁷ Na gaglena kane, yal ta en baulale dre unawa-iwe, kandekyo.Ena yal mamne dudua elawai-we, yal-i Yesu dudua mamnem-i kune kune pumue. ⁸ Elewa ple, yal ta mamne nigedoa bolanga-i, yali yal-nigedoa (satan) yobalem molmue, yali koma mamne nigidoa el-el-ewa. Mamnem i teran ple Anetu wam Yesu, (satan) yal nigedoa kognan nigedoa el-nige-detenldre umue. ⁹ Yobal Yesu gaglema mol-maldoa-iwe, kwi mamne nigedoa-i kwi elkenamue, mamnem i el pamue, none no Anetu no blesi- maldere ire Anetu kam i none dena- mirna suna mol-maldomue. ¹⁰ Elewa ple, mamnem teran iwe, Anetu gaglema ire (satan) yal nigedoa gaglema unogol unawa pamue. Anetu mamne min-ra, yal ta dule bolkenawa-i yal i aglenbai kane dem nige de-pil te-telmue. ¹¹ Kam i, kamin kuare koma pilmaldenga-ra el dumue, none denmrim iwe, aglen ta piltenanga pamue. ¹² En yalkane, Kein moal mele molkeo, yali yal nigedoa mamnem dule bolipre aglembai sigolmue. I kui sla mamne ple aglembai sigolmue? Mamnem i el-pawe, Kein kognan ewa-i u alau-pure aglem bai Ebol kognan ewa umin pungre, elewa ple Abol sigolmue. ¹³ Aglenabai kane, yoba gaba mai ta min elentekenawa-i, nomanen yabsre sikeo. ¹⁴ None pile kane elba gowa mamnem i pola simena demaldoba, emgia-i pile yal ta den mrin min ta paite kenawa-i, yali gol maldomia. ¹⁵ Yal ta aglembai min kankenawa-i, i-elmole yal i sigolmaldemue, elowa ple en yalkanma planga, yal i mol pai min-i ta ikanamia. ¹⁶ Yesu yal i golere none yalkane-i no-i kole denale-dre elmue. Elewa mamne teran -i,none yal-kane-i ama el-elere na agla ta-i na kole denale-dre elbinue. ¹⁷ Dmba yal ta talkan yabsre age ninawa yal-i, kanawa aglen ta talkan ta agenekenawa-i, mile-ple tekenawa-i, slamele ele Anetu min kanawa mamnen-i yal i mowal dinam? ¹⁸ Elewa ple gaglemane-kane, none ka dre min kankeo, mamne bole kaone dita. ¹⁹ Elewa ple none yalkane, mamne dudua elba ple none nomane suna-i yali kene molmue. ²⁰ Dmba, none mamne dudua elkenaba-i, i Anetu none nomane suna-i kan maldomue. ²¹ Na aglamane kane, nomana suna igali tal nige doa dekenawa-i none kamage yere Anetu moal mare nabnue. ²² Dmba, none Anetu yali talkan ta inabne dre sle bolaba-i, none pilba elpamia, none yalkane ka sle bolbara inaba pamue, mamnem el pamia, none yali bga kam-i dule bole mamnem elodua elba ple. ²³ Yali kam i el pamia, none yali wam Yesu Kristo pilgi ditenabnue, el-ele aglen ta min kananga, el ewa ple ka-i none notemue. ²⁴ Dmba, yal ta Anetu kam-i dule bolawa-i, yali Anetu moal nawa, Anetu kene molamue. El ewa ple, none plaba-i el pamia, none Anetu kenemie-i, none molbal suna igal-i molmia.