¹ Na Pol Yesus kan wali na kanin pabi na Timoti kene mole pepa bole Pilmon tomia, en Yal wai en ninkonan teran owna. ² Na pepa bol Apia amatobina, Abal i nenen aubalanbi moya tee Arkipus i nenen soldia moya nenen para kura God Anetu na tonga buna. Na pepa bol pilgi yarema uo en kepenape ku bugi ama di tobna. ³ God Anetu ya Yesu Kristo demirin ura nenen muagapi dimiya. ⁴ Na kaunkaun God Anetu wai wa detere en ama anna dentere owna. ⁵ En God Anetu Yalabal wai one kane te en Yesu Kristo pilgi one detena. ⁶ Na anna de eru dibina en ya na pilgi debingi nomane wai umaribe nau ya . Nenen kalkan wai yesu ila ibingi umaribe nau ya . ⁷ Na alan, na wai one pile denmirin ura kene muna, sira o pile, En Yalabal God Anetu pilgi detonga are i wai one kanga en eru egi na denanmiranan el nima pina . ⁸ Eru o pile, na Yesu Kristo yobilan wali en ka din tobina en sira elagi. ⁹ Eru oga pile, yalta wai kankawa maminin i nenen goasi tenan domiya, eru oga pile na ka ura dentopina. Na Pol, na dimanin muna ega na Yesu Kristo konan wali na kanenpabina. ¹⁰ Ega na en sirin bouna na wanan Onesimus, na yalin i Yesu maminin i kanen igla mole dintobina. ¹¹ Koma yalin i konan wai ta en elen te kima.Eru o ba egia en ya na para konan wai el na toma. ¹² Na egia yalin i nusi en moigabe dobinana denan miranan i yalin i mugape dim ya. ¹³ Na yalin i haugigi di mona en konan elen te mole na naukule dina. ¹⁴ Eru o ba na kalkan ta elonga en den mirin tenan ta yekinagi, en kal wai el na tenga na wai ta pilkia, en nenen nomane wali eya. ¹⁵ Eru ega wali we Onsima en taul ta en maldoma. Kal eru egi yalin en i kole dera en kene molpainaya. ¹⁶ Yalin i nerekonan are ta molkima. Eru oba yalen i nirekonan uoo ta molkima. Eru o ba yalin i nirekonan are u more i winsi toma. yalin i we en alen ta mere mua.na yalin i wai kabena en wai one kannaiga demiya.Gain ya tee nomane para. ¹⁷ I eru oga pile, na en yalkuna mere kano, na el na tenga mere i yalin ama eru el ta. ¹⁸ Yalin i en alau elen tomo te prin tau painai, eru elagi na dinata na kalkan i en ente kole denona. ¹⁹ Na Pol. na ka i na ninin on wali buna, en prin i na en prin en nenen mogape dima. ²⁰ onone na alan, en yesu kan wali kalkan ta en na ta. ²¹ Na pile kane ongi en ka i dulen bolaiga pawana pile na pepa bolin to bina. Na pungi en kalkan yabesi eiga winsi na elo diba meri toma. ²² Na ka ta ama dinona,en ige kepaingi na rum ta na tenai ya na iglai paino na Na God Anetu pilgi di tobina en yalkope ann dingi God Anetu pila na ere en yalkobe mogape kui ere unona. ²³ Epapras,yalin i na alan ta muya yalin i ama Yesu Kristo kanin are mere muwa yali i omala wai we din tomea. ²⁴ Eru ama Mark, Aritakus, Demas ya Luk yal kani omala wai we din tom a. ²⁵ Yal Bire Yesu Kristo den mirin ura i en kene moia Kekema kuiyanmilin suna molin toma.Ka one.