¹ Ninin Anetu nomane wai taule peltenona,ninin yal abal sigaba Anetu wan abin kobe mona, heru ogaple ninin yal abal Singaba Anetu wan abin muna, kalmamin heru. Gabagul yal abal kobe, nin ba in tapilnatekimya sera o-aple Singaba Anetu tapeltekma. ² Heru oya alan kobe, ninin Yesu wan abin kobe mona, heru oba ninin tasuin dinatekimya kal hegime painai.Hena Yesu Kristo Yaline humaribe huna kauniwe, ninin yal i kane yal i moamere molaunna. ³ Heru oya yal abal kobe,Yesu kanal diple sulpawa kani.Yal abal ninin helwai dere kupaprin helkiaYesu Yal i kupaprin ta helkima. ⁴ Yal abal muru kupaprin ona, yal abal kobe Yesu kanin sidoa kani. ⁵ Ninin pelmaldobe,Yesu Yalin i humaribe hure ninin kubaprin idoma Yesu Yal i kubaprin tahelkim ya. ⁶ Tamanin, yal ta Yesu Yal dulinbolai, yal kubaprin kui heli. sira maminin painai yal abal i kubaprin Anetu Yalin i nomane sitenau. ⁷ Na gaul mege kane, enyal kani yal abal kani en kinansinau ya. yal ta maminin wai helai yal i maminin waipue yesu moa meri moya. ⁸ Ena yal ta prin helai,yal i satan harin muya, satan yal i kupaprin kamkaribe helum ya. maminin tran baniwe Anetu wan Yesu Kristo humaribe hure satan kanin ira hel nige demal-dom ya. ⁹ Yal abal kobe Anetu wan abin mol mal dengi. kupaprin kui hel kinauna, sera maminin, Anetu na briensi kole domiya Yalin kanin ira na molga suna i dipamia. ¹⁰ kamaminin taulewe, Yesu wan abin ya satan wan abin kobe hegeme humarebe naunra. yal abal nomanin wai ta dulin bolkinaigra Anetu mua guli ta hukimya, yal i alin kanin wai ta kankimya. ¹¹ Kamkaribe ninin kamaminin pilmaldobine kai herudue, ninin yal abal nenin tai wai kano. ¹² En yal kani, kenin moa meri kolia, yal i satan nomani dulin bole alinbe siguge. Sira o-ple alibe sigoye? sira o-wa ple Kein yalin i konan i ta du dekunge, ena kebin Ebel konan dudima ya maminin bani ple Kein yal i Ebel sigowe. ¹³ Na alinkobe ,en yal kane nomne apsi sikio, gaba gul yal abal kobe en wai kankinai. ¹⁴ Ninin plauna, ninin goa maminin winsimaldopna, ena kui moa maminin i maribe dopna yal ta wai kawa maminin ninin mogabai depawa panauya. ¹⁵ Yal ta maminin wai paiwa moa guli ta dikenai, yal i golmal domiya. ¹⁶ Yesu Kristo yalin i goe, gole ninin yal abal brensi kole domya. Maninin trin bani taule ninin goa maminin imarebe dere, ninin yal abal tai akure detenaun. ¹⁷ Ena yal ta kal hapsi aunenaigre, yal ta kal ta aunenagre i ta mirin ta piltekue. Sira o-wa ple, Anetu denmirin hurai yal i moa gut dinau o? ¹⁸ Heru oya na gaulgun kobe, ninin gran bane taule urai kankinauna, tamanim, namane wai en ka on-ne. ¹⁹ Kamaminin ninin heru pilaunga, ninin kawi yarin munape ninin heri-plaunga, ninin kawai yarin muna, pleninin hereplaiga, na nomani en mowa gul i duwe. ²⁰ Na kane maminin ta hel-kinaugi, Anetu Yal Bire na denmiren suna ya nomane kamal dowe. ²¹ Na alan kobe , na denan-mrin suna kuba prin ta dikwa, ninin ana dere Kekemama mua merenauna. ²² Ena ninin yal Singaba Anetu kal ta serin boltenaugi, ninin nomane here sinaugra, kal ta sirin bolkna kal i ninin inaugra sira o-a ple, ninin Yesu yal i ginibe yo-a meri dulin bole, kal mamnin wai ongi wai mak-mio. ²³ Yalin ginibe heru du i ninin pilgi dinaugi, Anetu wan Yesu Kristu kan bani pilgi dire alin abalin tama wai kano, ginibe yo-a meri dinatom-ya. ²⁴ Yare ta Anetu ginibe yowa meri dulin bolai, yalin i Anetumol-mare detowe, Anetu yalin i mol mare detowi. Ena kal heru ninin plaun, yal i ninin denanmrin suna ili mol natere Kekemama i ninin mo-a guli na tom-wa.