² Bika ni Juda batanaka mono nabu ihai a'irama barabeba kebarabe. U'ai akerobe, bi entabama anibo bainti bano ni aruainara, bi okararama, bika iri tiha tenabu Kotira ko'e kai'ama barebauro tibarabe. ³ Bika bi okararama nini minti baibarabe, bira nanare, bika kiama ti Ora bata ti bata tababo. ⁴ Te bihaikarara ni uba tiba nimunabe, bihaikaba obarai irama, ne anirante te baka ni uba tiba nimunarara iribabe. Kia te haru bihaikarara ni tiba nimunabe, bira nanare, te ni batake baunabe. ⁵ Iboma te bate ti Oba inaima birabe. Bi baintiba tabae ti atitai tubunabe, iboma kiama ni'i hairo bobano bata ti iraibo, 'Are tai bihabe tiaro?' ⁶ Mintima te bihaikarara ni tiba nimuroma ti auha'ira umpo'ira hika banoma mpi'a kaibo. ⁷ Mintima te u'ai akema ni tibanimuro, te buiaina, bira ni ko'e harama te birabe. Kia te buairo, Kaha'ira Bainti bano kiama nini tubua narobe, te orubima, te bira barakairoma ni inaini tubua narobe. ⁸ Kaha'ira bainti bano aniro, biba eka bainti nahenti kumi minti bariara a'ira'ama obarai'a kanarobe, biba abu abu okara umi'eroma, Kotira ko bata umi'anarobe. ⁹ Biba kumi a'ira'a umi'anarobe, bira nanare, bainti nahenti kiama ti'a mara'ura utuabo. ¹⁰ Biba abu abu okarama umi'anarobe, bira nanare te tenta Obinai orubuai kiama ti e'a bata tabebarabe. ¹¹ Biba Kotiba ko tiaina ni umi'anarobe, bira nanare ma batarai haina iata bainti bano ko'a himpibo. ¹² Te airu haikama te ni tiba nimiaina baibo, iboma ne kiama ekehika bira tu'a bate tabebarabe. ¹³ Iboma U'a Uba tibaira Aihoba aniroma, ne eka u'a uba tira'a ai'i utuanarobe, bira nanare, kiama biba nai uba tianarobe. Iboma biba nanahikara iritaina birararama tianarobe, ekahika nantiara obarai'iaina bibama ni tiba nimianarobe. ¹⁴ Bibama ti nora autu timianarobe, bira nanare, bibama nanahika te mintiaina ni numi'eroma biba ni tibanimianarobe. ¹⁵ Ekahika ti Oba batara bira tunabe, minti boma U'a Uba tibaira Aihoba tuna bihaikara barakeroma ni tiba kankoma nimianarobe. ¹⁶ Abo entama ne kia ti tabebarabe. Mintirama, abo enta nantiarama ne ti e'a tabebarabe." ¹⁷ Minti hinikia kai'a baintika nai abutana uba raireha tiha, "Nanti ubarae biba tinabuara tibo ti, 'Abo entama ne kia ti tabarai tima e'a abo enta nantiarama ne ti tabebara tibo,' bira nanare, te tenta Obinai birabe tibo?" ¹⁸ Bika anirante tiha, "Nana ubahae biba bira tibaibo ti, 'Abo entabe tibaibo ti'? kiama tenabu tabauro biba nanahikare tibaira." ¹⁹ Ihuba tabomanta bika bo'abata bira irareka ubaro, biba bika tibaniro tiharo, "Auri ne nanahikara te tibakauna birarae ne nenta abutana raire bariabo tiro, 'Abo entama ne kia ti tabebabe, mintirama e'a abo entama ne ti tabebarabe'? ²⁰ U'ai'akema te ni tibanimuro, ne no-o ampahuke nora i'ima rate barabe, iboma baitai haina bainti bika uahe barabe. Ne a'urihitara auha batakema baibarabe, iboma ni a'urihitara auha bano tu'anta biro uahara hikama nimianarobe. ²¹ Nahenti bano baiinti batareba iharo, biba nora aiha birahika bata a'urihaka'i batama barianarobe, bira nanare, baiinti batairaba aumai'ama bibo. Mintiro biba baiinti batakero, kiama biba e'a bata aihahikara irianarobe, bira nanare, biba nora uahara hikama baranarobe baiinti ma baatara'a batakairara. ²² Ne bata a'urihitara auha batakema bate bariabo, mintima te e'a ni tabairoma, ni auha bano e'ama anirantero uahanarobe. Kiama bo bainti bano bi uahara hikara ni'i hairo barakanarobe. ²³ Bi entara kiama ne anirante ti irebarabe. U'ai'akema te ni tiba nimuro, ne ti autu'a ti Ora bohikara iraibaro, biba ni nimianarobe. ²⁴ Batehairo kiama ne bohikara ti autu'a irabo. Ne irake baraibaroma ni uaharahika bano mpi'anarobe. ²⁵ Te bi ubara rantake tunarabe, iboma aumantakama te uba kia rantake nini tiainabe. Kiabe, te uba o'i'akema ti Orara tirabe. ²⁶ Bi entarama ne ti autuara irebarabe, kiama te tiha ti Ora'a te niara nunabu tirabe, ²⁷ kiabe, ti Oba naima niara antu'aribo, bira nanare, ne tiriara antu'ari ne mara'ura uti tiha tiriara Kotiraihairo tubibabe tiaberabe. ²⁸ Te ti Ora'ahi tubima te ma batarai obrai'a buro, e'a anirantema, te ma batara kema tuburante tenta Obinaima buainabe." ²⁹ Bira kai'a bainti tiha, "Tabane, batema are uba a'ira'a abu abu akerama tiaro kiama are uba rantakera tiaro. ³⁰ Batema tenabu tabauro arema ekahika tabataro, kiama bobano ai bohikara iranarobe. Bi okararama tenabu tabauro are Kotirai haira tubuarababe." ³¹ Ihuba bika anirantero tibanimiro tiharo, "Bate-e ne ti'a mara'ura utuabo, nane?" ³² Tabate, bi entaba aumai'ama bibo, u'abe, u'ai'akeroma bi entabama obarai'a bibo, ne eka nenti haikara batakema eteke binima ne ti tintara kai'ema bairabe. Iboma kiama te tentara bohau bairabe, bira nanare, Ti Oba ti batakeroma barianobe. ³³ Te eka bi ubara niara tiai ne ti'ira iha'ara auha batake bariaterabe. Ma bataraima ne bomara bomara bareha baibarabe, Iboma ne kepu kai'abima himpi bariate, te ma batarai haina aikaro atarama kauro."