¹ Tenabu tentanabu autue bara bini'ira nanae? Kiama tenabu pahi ni nimitarabe o kiama ni pahi bata bararabe, hinikiaka minti bainteke, tenabu batae? ² Are nenama bi pahira tinabu auha'ira ararua tanabe, eka bainti nahenti kararuake tabebarabe. ³ Bi pahiba tinabu umi'ero tiharo nai Karaitirai hairo tubirabe, bira tenabu barakauro bibo. Bi pahira kia bika ara kairi'a nohai ararua taraube, Ibo bi Kotira Aiho mara'ura baiba nai ararua taira. Kia biba ori'auma bari ararua taibo, ibo biba eka bainti nahenti auha'ima ararua taibo. ⁴ Ma bira kempuka mara'ura Kotira abu'ata tenabu Karaitira'a mara'ura uturo. ⁵ Kia tenbu nai atare nai atarare raube Kotira kai'a barauna'a. Kiama hinikiaka tibanimi tiha bi kai'ara tentanabu aikaro'a eka kai'a barauro tirabe. Mintima, tenabu bika matiakema tiba nimirabe, Kotiba nai kaha'i'ema tenabu ho bi kai'ara bararabe. ⁶ Kotiba tabae naima tinabu araka kontaraki kai'a bainti'a kaibo. Bi kontarakira kia bika pahi'ira ararua taraube, bira Aiho'abe. Bira nanare, pahi bano bainti aru utima baibo, iboma Aiho bano bainti mara'ura nimi baibo. ⁷ Kotiba bi Lora nimibai kai'ara, ori'a ararua taiba utirahika obarai ibairabe. Biba tubireba nora Kotira ataira batakero tubimanta Isireri bainti nahenti kia Mosera abu abu'ake biri'i burubi tabora. Bira nanare, bi atairaba Mosera biri'a hiro norai'ake itomanta. Bi atairaba iha iha tai'a'i bibaura. ⁸ Nantia keroe bi atairaba norai'ianaro Aiho bano bi kai'ara barairo? ⁹ Mintiro Lo kai'a bano bainti ko amiro baintiara atairara barane tiro, bira nantiakeroe abu abu okara bano ataira'i mpi'a buanaro! ¹⁰ Bira nanare, atairaba Lo batake tubiba, biba kiama ataira aikaro bariano, aiho kai'a batake aniro. ¹¹ mintiro bi haikaba tai'a buina hikara'a atairaba bairera, bo'abatama atairaba ekaenta bariaina hikara'a barianoe? ¹² Tenabu nora mara'ura ututare, tenabu bo'abatama kempu kai'abi himpi bairabe. ¹³ Kia tenabu Mosera bo'au kaube, tabae utaba'a nohairo nai biri kukeaiba,Isisrari bainti nahenti kia abu abu'ake bira biri'i tabora, kia bika bi atairara tababo iha iha tai'a'iro bibaura. ¹⁴ Isirari bainti nahenti irira hikabano tinta biro. Aniro bi entara anura, boha'ake bi utaba'aba a'i baintekero, bika harua kontaraki kararuara. Nanare bi utaba'aba kia bika tutero, Karaitira ima bi utaba'aba bika tutanarobe. ¹⁵ Ibo, aniro bate, bika Mosera Lo kararubo, bi utaba'aba bika auha a'u raba'u tairabe. ¹⁶ Mintiro bo bainti bano Noraini aniro, bi utaba'aba bira a'irama kanarobe. ¹⁷ Nora bano biba aihoha banobe. Nora Aiho bano hanto batukainie baibo, kiama bohikano tinabu raba'uanaro. ¹⁸ Mintima tenbu eka, Nora atairara tabarabe, bi utaba'aba kia tinabu biri a'u raba'u tairera. Nora atairabano tinabu tu'anta kaibo, boha'ari ataira'i ori etero bo'a hiro bo'ama buanaro, Nora anarakero, tabae biba Aihoha banobe.