¹ Mintira nee tiri baaintiti, nee kekaubi Ihu Karaitira ha'uru itara ira himpi bariate. ² Airu bainti nahenti abutanahi iriara tere tunara, tiba nimiate bi bainti nahentika ira kekauke mara ura uti bika bata hinikiaka bata tiba nimiate. ³ Nee mara bareha aii'a kekau make himpi tii batake ora enta bariate, Ihu Karaitira ko'e soldia. ⁴ Kiabu ma bo soldia bano soldia kai'a bareharo aii'a nai kai'a bata bokinara bareharo nai raikirara wahama amitanaro. ⁵ Aii'a bainti bobano kantara ata biharo, kiabu ma biba wahara totara bata baranaro, biba eka uba abata kero ko'e kero tai'a keroma barano. ⁶ Naho Oba nari nane ma baranaro abuni irataina karara nai utu taina naho ira hiro. ⁷ Nee iriate nana hika tere tunara, aii'a Nora Kotiba nii ko'e irirara nimiro ma aii'a airu hiniki haikara ma nimianaro be. ⁸ Ihu Karaitirara iriate, Devitira Baainti banora matimati ira hiro uri himpira. Ma bira Ko'e uba ma turo. ⁹ Muara bainti bo'ara kalabusi ira baura tiri nara seni notahi rumpatara, ibaro Kotira uba kiama ho karabusi amateba. ¹⁰ Minti manta bika Ihu Karaitira ha'uru itara bira ira baira bare aii'a aiho airu enta baira bata barate. ¹¹ Ma bi ubara u'aba baibo, terenabu Karaitira batake utubi, aii'a bira batakema aiho barara. ¹² Terenabu kikau make uri himpuanara, tenabu bata bira bata kema aiho eka enta eka enta baira barara. Bira tauba'a utu amiainara, aii'a biba bata tinabu tauba'a ma utu timianaro. ¹³ Terenabu kiabu kekau make mara ura utuanara wataina, bira nai bira uba ira baibo biba kiabu una tibaibama. ¹⁴ Bika nai ma bii ubara irirara nimiane, Kotira raurira uba bika tiba nimira bika kiabu nai ira uba i'oka rau'uate. ma biba kiabu ma boka aiho kaho ama nimitanaro, aii'a orai'ama bainti bi ubara iriaka nimitanaro. ¹⁵ Nee anirante Kotira abu ata ko'e kai'a bainti bariate. Kotiba nii kubai kero nai kai'a bainti baiha nee kiabu kaurirai tiate tabae nii tiba nimiro u'a uba tiatetira. ¹⁶ Niarai abi bariate, bira nanarae bika tara no batakabe, bika ari rarau bare nai una'ara kotira abatanera be. ¹⁷ Ma bi ubaihana kensa aiha bo'arabe. Bika abutana baireka Hemenausika Filetusika. ¹⁸ Ma bii baintika u'a uba a'irake bo ara abatakabe. Bika tiha bainti utu buaka kiabuma aii'a uri himpi babe, aii'a bika airu bainti nahenti mara ura utuara orai ama kaka be. ¹⁹ Mintibo Kotira uba bano nai abu abu abiro baibo, "Nora bano nai bainti naheti tabamatai bo. 'Eka bainti nahenti Nora autu raika batai haina ora okara niarai abi bariate." ²⁰ Nabu nakura'i, airu bobo tabe kure baibo, hinikira silva notahi mintiatara, hinikira goli notahi, hinikira katari bata batta bata, hinikira ko'e kai'a bairama, aii'a hinikira bo kai'a baira. ²¹ Bobano ko'e kai'a bainti baireba irera, biba nai arara hi'akaire, birama biba heno amama buanaro nai raikirara kai'a barareba. ²² Batai haina ora okarara niarai abi bariate, abu abu okara mintira mara ura utira iha'a arara barera bainti nahenti Kotiba narero taku ira bikoka kikau make watate. ²³ Kiabu kekau tiate irirahika kiabu abu abu inarara. Niarai abi bariate, nee bira tababo bi ora irirahikaba airu ubama obaria naro. ²⁴ Kotira kai'a bainti bano kiabu uba uribira uribira tiate nariara nariara. Bika bokabata ko'e okara numi'eha imanta iha abi bariate. ²⁵ Biba iha abiro baiharo boka bata irirara nimiro Kotiba bika ba'uhaika bi'u nimitero ko'e irirahika nimiro aii'a u'a uba nimiaire. ²⁶ Bika homa ko'e abi Satara una'ara tutake, aii'a bika homa abu abu okara abatebara nai antu'arina.