¹ Ma bateta Ihu Karaitiba tubiro tinabu hampata ruba iro, tenabu ata bakauka nima irauro, ² mintira nee kiabu aiha hika barate, arara bano uri himpira boha aihorara etate, boha ubara, o boha arantu batara nee bira iri tenabu nini barakau nara, biba numi areba bira Nora bano tubuai nara obara bibo. ³ Kiabu kaibo bainti bobano nii hampi iaire. Bira nanarae, bii entaba nantiara ma obariano bainti nahenti Kotira nabutai'i uba rauhe bara, aii'a hahu aruaira bainti bama obariano, bira kakakia bira orai'a buaira bama. ⁴ Bira bii baintiba tabae nai autu bini iharo hampi iharo uba i'oka autiharo Kotirara o bika bira ata mono ibariaba. Mintiraro, biba Kotira mono nabu iraipiri ori eteharo ekauka tiba nimiharo nai Kotibabe. ⁵ Are bira iriane, tere aikanti baunara, ma bihaikarara, tere nii tiba nimunara? ⁶ Bateta, nee tababo bira nana hika banorae nii tintaibo? ⁷ Bira nanarae, bii okarara uba rauhara obarama bibo, aii'a bainti bobano bira watero aniro bateta bira bara kaibo buanaro. ⁸ Nantiara, uba rauhaina baintiba ma obariana robe, bira Ihu Karaitiba nai no'a hina aiho notahiro ma aru kanaro. Aii'a Nora bano bira bara orai'a kero hampi aurama kanaro. ⁹ Uba rauhairaba aniro, biba satara ihairo ma aikaro barano, kubai iainara bata una'ara bohika bohika mintiai nara, ¹⁰ aii'a eka una'ara okara bata kiabu abu abu i okarara bata kero. Ma bihaikaba abarireba taukae bika kakakikai nima obarianaro, bira nanarae, bika kiabu u'a uba antu'a aiho barera abatara. ¹¹ Bii okarara Kotiba bika bo kai'ara nititaira bira mara baira aii'a bika bii una'ra ata mara ura uti bora. ¹² Aii'a ma bii okarara okara baireba, ekama bika ko ata obaribara. Bika bira kiabu u'a uba ata mara ura utuaka, imanta bika wahara ora okara mintireka. ¹³ Airu enta tenabu Kotirara ko'erabe tiare niarara, ata bakaukabe, nee tauka Nora bano antu aribaika. Bira nanarae, Kotiba nii kubaitaika abuni biha tinteka, aii'a Aiho ira taku'i aii'a u'a uba ata mara ura utika. ¹⁴ Nora bano birara nii naraira ko'e uba arara tinabuni, bira nee homa Nora Ihu Karaitira taku'ira bareba. ¹⁵ Mintiroma bairo, ata bakaukabe, abu abu abi himpi aii'a kekauke watate eka hika tenabu nii tiba nimunara uba'ie o tenabu arantuba taunara ira. ¹⁶ Bateta tinabu Nora Ihu Karaitiba nai, aii'a Oba Kotiba tabae tinabu antu'ariro aiho ko'ebi airu enta baira bata aii'a ko'e haika bira ha'uru itara ira nantiara barera. ¹⁷ Ko'e bira baihara nena arara abu abu ihara eka ko'e kai'a ihaira bata Kotira uba ihaira bata.