¹ Semi Poli, Kotini yogam waita nampa Jisasini kato waita. Bemi sisikama remi wata-anasiyupa Koti beyara ugamakanu yimakukum ake'onoyam nampa yofa'ona atekam waya-manoni inti mareve Kotini awu'awa awakurogoya. ² Nampa eram intiti wantana aum Koti amaka, muna busiyi, ami ugadem wafa ruka maga fawar'iyugam. ³ Beni kanaga, manta faka-dem ben a bemo sima fawarure siyimeno sim wayafim. Mana uwaraunami koti senu sividukayini eram wayami awakure'u. ⁴ Semi agantama rau e'wanafa Tatusi, nayeyare emi setigagi-uga, nayeyare seganti Jisasipim simakuku e'wauto.Kotini awa'awa nampa ara faru nampa Jisasimi mana araka wanti masidem nuram amino. ⁵ Mini antaga kriti are'u, bu kipagam aneneyu manta ate'de, anom magufim yinom waitayu ugamage bu semo sasamunayi ure. ⁶ Yinom waitayu sayeke imake, mana inim awafumana nampa awogu iya'oru ami radare yeyi intiti bu awakurewayi. ⁷ Mini awogu'i iyewafi Goti amapikena anenega rafikayi, bemi sayeke burukano. Masidem anene amone inte'ugam waitayu yimuga bemi i urewananim waita.Bemi ame'urem aram buyem, savi nom inam waita, i'aruvim waita, nampa beyi masidem anene fakama era iyewanani waita. ⁸ minugamifo, bemi intayimino iyimo-nagananinu. Bemi masidem nuram rafisim waita, atekam waita, Kotini waita, bemi beyage rafise-wananiyi. ⁹ Sima fa'warure sem fuga wayami bemi fakama erarino, minugaganami enoyuba eram yimitemi awogu wayanako ateyikatem benampa mana yiraka iwayi. ¹⁰ Amunami, aa iyintam waita bemono, yenti baya yu bu atekem. Watanasi muna yimidem yivigem savi ayika be wanu. ¹¹ Fa ano sire se wam baya yu yigaye bayayu seve bata rayime wamino. ¹² Juw (Jewish) watanasi yu'ya buyintaga, yenti lo yu wata yu mante fugea baya kege ruka. ¹³ Mana bayami Fuga bayamino, mante ateyikana amakukupim awogu ogo. ¹⁴ Juwis (Jewish) watanasi yu'ya buyintaga, yenti lo yu wata yu mante fugea baya kege ruka. ¹⁵ Atekem bam watanasi, ma'de anene atekem bano. Kumipim bem amakukun buyintem mini bu atekam. Yenti inti nampa anta yu savi ugem. ¹⁶ Koti yanti amone inte uge'yare sigamifo yenti anta nako muna siga. Kotina ramu'de awogu anta yepim iwa.