^{2 1} Minugamifo seyuyami nayeve sefanuyo? Madem nurami kumi ewafana Kotimi amuna awawa usikatene? W 2 Min'i buyugane seyuyami wafa kumipim fukasuwa. naugayayana seyuyami famana kumi antafimi wateyane? ³ Yigemi bu intagege watayu'o Jisasi avipimo nom mantugayimi yemi a'i nom mante beni fugitim ofekane. ⁴ Yemi senu'i benampa masifaruka, mini nom marantimi seyu'i fukasuwau. Minimano amaurem sem'i, Jisasimi fugitike yewayege beyafoe'i eraka itawuga. Minugamise fa seyu'i auwe antafi note'u. ⁵ . Seyu'o beni fuginampao agapareya wateyami. seyuyawa benampa fa agapare beni itavikawa wateyamu. ⁶ A'i seyu minimi intagafu, senuti wafa waita keka yaga benampa fubuga, minugami mana kumi anoni aumi savi item. Minimi senu sigatem kumi anoni yogam waita ibeyane. ⁷ Watamo iyewafi fugite, bayami manisire siga, bemi a'i masidepa atekemi kumi ba irukem. ⁸ Jisasi nampa fugateyami, simakukun eyami benampa manafim bateya. ⁹ Intagafu Jisasi fuge itabuga, mage yewayegem bufugitem, fugitano bemi bu rafisinani. ¹⁰ Fugimi kumi ka'i fugem, mana ya ana maside yuga fubuga. Mage mana aumose mantem bami Kotinanti bemi. ¹¹ Mini ayika ana intano emi kumipim fubuganamifo, Koti Jisasipim fa banami. ¹² Minugami e'ana kumi ano e'naumi bu rafisino. beni ayinti buyintano. ¹³ E'naumi kumi ano bu ameno, atekan anta manoni yogaka ameno. E'naumi Koti ameno fukam waita yu mage fa wane. E'naumi Kotipa ameno yoga anene kana ameno. ¹⁴ E'ana kumi ano em bu rafisino. Emi lo mano amenapa iwanami awa awapim banami. ¹⁵ Mini iteni ugenafi? Seyu kumi' uwarate'ya nayeyare, seyu age waya amenapa buwafau, bemi awa'awa amenapa? Mi'ni fa'wari buyino. ¹⁶ Yigemi buyintagane eyaumi item waita ami'dukeve beni yogam waita watemi benara inta? Manami fugave mi'nugamifo emi eni kumi'ano yogam waita banonam afo bemi avigem bem fugite wafo a'a emi atekam yogam waita avogu awu awa awakurite. ¹⁷ koti nanti susuve! Kumi anoni yogam waita bage'e ugamifo amafopike bena awakunte mage maranami. ¹⁸ Emi a'i kumipim awogu onami, mage atekam anta manoni yogam waita banami. ¹⁹ Wata kana asege nayeyara yigenti savi antaga. Yigen yu ose savi antaga ame wani ure mage yigenti yumi atekam antaga amego. ²⁰ Kumi mannoni kato yogam waita bage'e uga, mage atekam antafim awogu uganami. ²¹ Mini nurami iten agana rukage ewafo mage ageye evenafi? Mini anene manoni antami fugintino. ²² Minugamifo, mage a'i awogu onami kumi antafim, Kotipim kayo imarano eni agami auweni em. Bantana aumi. ²³ Kumi anoni meyami fugintino, afo koti pake marewam aumi wantana aumi maranonam.