¹ Seyuya nayeve Abrahami nanti siteye, iye senuti sufa'i senu sifakem. ² Afo Abrahami atekam waita fa'warem beyi yogantim, minugami bemi amaka'i ben avi yani item. Minugami Koti augaka amaka bumi. ³ Kotini yaufim nayeve sigene? Abrahamini amakukumi Kotipim bemi sasini yanti atekam waita fa'warem. ⁴ Mini yogam waita iyem yogam marem meyam bemi marevemi beni amo anene waye, bube mana yogam mantuka meyam. ⁵ Mi'nugami item waita yogam imarem. Minugafo beni amakukun mini waita iye minurewam wata Kotimi bu amonagayi manta atekam waita yiem. beni amakukum manta atekam waita fa'waremi. ⁶ Koti aekam waita fa'waremi deviti asumi amem, beni yogakage. ⁷ Bemi manisem , Item waita wa beni antawa beni kumi Koti ifadukam, bemi amoyino. ⁸ Item waita anona mano eni kumi ararukana amoyo no. ⁹ Minugami mana a sumi akefagam waita yinta yuana wafi a'a yu bu akafag yiwa? Seyuya manisego'', Amakukumano manta Abraham atekam waita yi uga''. ¹⁰ Mana iteniure fawarenafi?Afo Abrahami aumi akefagam waitaytfi uremi bafee enafi o buakefagana bage enafi. Bumi ayanuramifo bemi beyau akefaruka. ¹¹ Abrahamimi au epagam afunti marem. Mana beni kanaga atekam amakukun manoni anta bemi maka ge'em feyapa au bu eparukagaga. Mana afuntim manugem, bemi masidem amakukum ewanu yifoe yiem, yu amaka bu epaga yiwa.Minimano minurami atekam waita fa'warem. ¹² Manawa manugem, yu epagam ba yu'i epagam ba yifo'e Abrahami fawarenafi bumi, au bu eparukem amakukum ugam ai agarafa yimakuku senu sifoe Abrahamimi bemo au bu akefagam. ¹³ Abrahami nampa beni ana wasi kaga waya manuga, maside maga maratem ba age waya awakurin tikenae a'ao, atekam amakukum antafikem. ¹⁴ Afo yemo age waya awakure wayi yemi maside anene maratemono, amakukuni antafikem. ¹⁵ Age waya mano aram marem yem, afo age waya iwam kumi iwatem. ¹⁶ Minugami amakuku iranta awa awa, anta uga wa Abrahami anawasipim bitemi ma'nemi uremi yimakuku rukayi. Bemi masideyu yifo'emi, ¹⁷ ami fawa'wa, semi emi manta nesu watanasiyu yifo'e wanu. "Abrahami a'deka ugami wayimi iyewafi bekao amakuku dukayi, mini Kotimi fuga waitayu aumi yime wayimi mi'nebemi aneneyu simi fa'warewa bufa'warewam. ¹⁸ Abrahamimi a'i wago gemi bemi anona amakuku dukemi Kotipim naemi anene fawarinanim. Mi'nugami bemi masidem waitanasiyu yifo'emi bemi wayami wafa intarukaka'i, mi'nugami ena anawasimi fawaritemi. ¹⁹ Bemi amakukupi buifademi. Abrahami bemi amone intenuga, be aumano buni iya'onti magananim, nauganafi, bemi a'i 100 ti'a ika'i wa. Bewa'i amone intewa, Serami iya'o magewa una manomi bumi amaka iya'onti magananim. ²⁰ Minugami Abrahami Kotini antaugam waya yanti bufegemi nesu intiri buyiemi. Bemi akeurem amakuku evemi Kotini avi yaniuga. ²¹ Bemi eran intito makami manuga, naye ake wayawa Kotimi sigam fawaritemi. ²² Mi'nugami sefo mini mano semi bemi atekam waitave sewa. ²³ Mana mini waya agarami bumi beni avogugara, bumi bemi ateka ateka antayanti. ²⁴ Ma mini wayami senu titawa iyewafi amakukumi uremo Kotipimo atekam Jisasimi senuti ano'na fugitike itarukayi. ²⁵ Minimi iye manu wafi fugito ami'dami senuti savi antaga yewayegem itavemi senu manta atekam watayu uga.