¹ Minugamifo yigemi bumi ami uwaranagom kopimi, yigemi iyeva wa bega enom rayimevege. Yigemi iye wa bega enomi rayimevege, yigewa manayom anta uwarewam. Naugaga yigemi enom rayimevege yigewa mana yom anta uware wayi. ² Minugamifo, seyu'i amoneya inteya Kotini ko ano uwarananim fuga wayaga intem wata uwaratenafi miyio antayu. ³ Minugamifo mini wa intano , emi iyewa eno uwam antami rayi me veve. Afo yigemi amakaga yakagatege Kotini koka? ⁴ Yigemi mini intiru omi, avogu anta wana yigemi ameure meyam yigem buyime nafi sa'dasa'da mini sito anene wafi. Yigemi buinte amona gegafi beni awogu antamano ayevemi enanti au wayegano. ⁵ Minugamifo yigemi homi yakagavug yigem yirapem eraruga i yigemi au bu wayegara intewami, mini yigemi savi meyami. ruwanteve wami meyami maranagom nurami mini nurami Koti ateka ko'i fakatem. ⁶ Mana mana bayi naye anta uwantukanono minika anami meyami maranonami. ⁷ Iyewafi awogu anta eve aiyiranta item awogu urem bemi atekem, banti aumi maratem. ⁸ Minugami iyewafi eyarantana inteve fuga baya bu awakure savi anta awakurite mini savi meyan nampa ara anene yitem. ⁹ Kotimi anona umanti yimevemi savi uyikevem watanasi savi anta e'eyom. Juda yu nare uyikaremi Griki yu naemi. ¹⁰ Minugamifo amoyinti avogu kumantinti arayasimi yimitemino maside wataga, iyewafi awogu anta uwarewayim, Juda yu nare yeravemi mana Griki yuka ba yitem. ¹¹ Nayeyara Kotimi manayom anta mana urem masiremi wata ayigara ewa. ¹² Minugami maside iyewafi kumi ewanu akewaya buwa, maside savi marari inayom akewayami iwami wata anasi akewaya amenapa kumi uwarewa, ake waya amenapa i koka itavitemo. ¹³ Ake waya intewayi wa atekam waitayi buitemo Kotini augaka, mi'niugamifo wata yuo ake waya awakuri nayoyimi atekam watayi item. ¹⁴ Nauganafi mana'a ena waita akewaya bumaka' yeyi intika akewaya awakurewa yenanaomi. Imifo akewayami bumaka yenanao yenti akewaya awakurewa. ¹⁵ Mini antamano, yemi yikate minukami akewayami yen yirapem agantuka.Yenti intin tano yem manta fa'warem yenti intika i ko i yimi tenafi yofaitem. ¹⁶ Afo Kotim bai. mamini fawaritem sagaka Koti aupa antayu rayiminanim wata yu Jisasini avogu wayamo awakurewayimi srukau. ¹⁷ Minugamifo yigeyaranto Juda yuge sirei akewaya ga itavei Kotini anom avi yige marewam. ¹⁸ Afo ayinti amonano , amonama soke ono nayewa a'nar anene mantukei amone wamino akewayami. ¹⁹ 19Yigemi eran iintin nampa wane minugamiofo,yigemi augam afakayi am yigatim waita banagom afo yigemi ayufupim wayuyi onanta kanagom. ²⁰ Yigemi oem waita yu ateyikam waita bago,afo yigemi kefo iyaoruyi amam yimim waita wano afo yigmi ake waya intama sokeure afo fuga waya nampa,mi'nugamifo naugana mini mano yigem umam yimevenafi? ²¹ Yigemi eno yoyivigewa, yigemi bumi yigenanao yoyivigewa? yigemi umom bumarago yanti a sewa yigewa'i umom bumarewayiwafi?. ²² Yige enom sasame monko anta iyogo sewami yigenao monko anta iyevegafi? yigemi muna koti buayevegafi, yigemi mono naupakem umom bumarevegafi? ²³ Akewayafim yige yivi yigenanao yani ewa, yigemi ake waya ra'da anta mano bumi Kotini avi'i magapa bumagewa? ²⁴ Yigemi minurewami eno manowa Kotini avi akayam uakewa. Mam bayafim baya maka. ²⁵ Aranta akefewam anta mano yofai'i yigemi akewaya awakurewa, Minugamifo yigemi akewaya ra'danami, yigemi yu aranta akefar antamano yiyimemi yigenti yu aranta bu akefaruka. ²⁶ Iyewafi au aranta bu akefarukem ake waya awakurewatemi, mini mano bemi au aranta akefarukani itenafi? ²⁷ Afo wata mano au aranta akefa anta bu amonagemi ake waya awakurewatemi, amakaga bemi yigerm ko'iyimitenafi?mini mano ma'nuga yigemi akewaya rukei yu aranta akefaruka,minugamifo akewaya ra'daruka. ²⁸ Nayeyare, bemi Juda yu yi akum buwa mapa, au aranta akefar antamano bumi mapake aumino. ²⁹ Minugafo minimi Juda yu'yintami yupemifo au aranta akefanti yen yirapeke, a'u aga nampa,bumio afaum agara antafike. Amoyuakano minugam waitami wata wapakem bu yevemifo Koti wapakem.