¹ Mana sipisipi iya ontano riegem 7 nia maki, Inarufa awa bu sika sitoaya karakefabuka. ² Naemi amonaunami 7 nia ankerogu Goti augaka itabuge 7 nia ufem fakaruka. ³ Ena ankero yeravem mana goli yau awogu muku amira altaga itavem. Gotimi amakukum ewam wata nasi goliga alta ano'na manoni sia kiniga uka. ⁴ Muku ewam anene wa amakukum waita yuyi augam mukinti Goti wapa urem mana ankero ano ayapim goli yau wapim. ⁵ Mana ankero ano altafikem mana'a iga mantem dam yupentam gem awogu muku ewam yaufim. Naem bemi mini yau itafuram mana magaga kumimi afo anoka afayu untarem inaru simi maga uwaem. ⁶ Yemi 7 nia ankerogu ufem fakarukayi a'i itaga ufem arira. ⁷ Ma'e a'nam ankero ano beyi ufem arewam afo enayom aisi nampa iga narefim mana fini uga, bemi itafuram mana magaga kukam afo mana magaga kamorea awo'a yukem. Kamore'a fikem mana awo'ami yayu nampa maside namaru. ⁸ Ena ankero mano ufem fufusewami afo mana anunamap iga kewam anuyi ugayi kevem wami afo bunopim rauntem. Kamore'a awo'a wapikem mana awo'a bunomano wayema nare yi em. ⁹ Kamore'afikem mana awafa buno pikem aumakam anene yu fugem, afo kamore'a fike mana akum sipisipi saviem. ¹⁰ Afo kamore'a bam ankero beyi ufem arem, mana inona ofu inarufake fafasem igayi em kumem. Tosi yanta kemi afo ano'na wa sito nomi kamore'a mana awo'afim on ugagem. ¹¹ Mini ofu avi'i Womwudi. Kamore'a nopike mana nomi ika dewam, afo amunami mini savi nom nare fuka. ¹² Foga wam ankero beni ufem arimi, a nampa biyomi rayimona yi emi ofumose kamore'a fim rayiminayi em,minugami a;ai biyom nampa ofu yu ayufungaga . Mini kamore'a mano afuna em ena kamore'a sagami afo kamore'a afun emi omba ivem. ¹³ Semi amone be inte wauna mana akiki mentapa inarufa agem yevevem orum magem manisem, " Ategano, ategano, magafim wam watanasi. Nayeyara ena kamore'a ufem rafika kamore'a ankerogu fufus sira rafide wane.