¹ Naemi semi amone'u mini waita kumanturemi kini yuyi sagoka, bemi mana afaum yaumi fakarem ba. Ka'r awafa afaunti agakam,mini afaun yaumi 7- nia ufanako uyaduka. ² Mana erarugam Ankero ano eram wayafike arama semi,''Iyewa mini afaun yaumi rirena mini ufami rakagatene?'' ³ Mana waita inarufagafi mana magafinafi mag'aupenafi buwa mini afaun yaumo yantanayomi. ⁴ Semi anoifi rageu nayeyara mana wayi mini afaunti buiyanta nanimisefo. ⁵ Afo yepikem mana anom waita sisimemi,'' Ifi'iburagano.Amonano! Mana Judayuyi anona fusimano,Deviti anau'unam,A'i yakagaga.Mini 7-nia ufaunti rakaremi mini afaunti iyantatene.'' ⁶ Mana sipisipi agai kimanoni sago yau'awanapim itarembami 4-a aum marewa anene 24-a yinom waita waka.Mini sipisipi aga aruruka teye.7-nia amaka rugam 7-nia augam duka.Minimi Kotini 7-nia ayomi maden mana magaga dami bugeyige uga. ⁷ Mini afaun yaumi ayanu gapake omantuka kiniyuyi sagoka kumakami. ⁸ Afo sipisipi aga ano mini afaun yaumi maremi,4-a aumba anene nampa 24-a yinom waita yeyugaka yinom magafim duka.Mana mana wayi kawoyanu koriyau'yu awogu mukuo ewam,yima kukun ewam wata anasi ugaduka. ⁹ Yemi auwen igu ma'ni sire raruka,'' emi amaka fuga sire oyu i radare mini afaun yaumi iyanta nonane.Nayeyare,emi aruma fu'duyami eni naremano,madem wata anasi aya'uga,maden awafao yeya sewayi,madepake Kotipa yiga ¹⁰ Emi minura nami madem Kotini wata anasi'yi emi Kotini anom yogam waita yi'emi, mana maga rafisiteye.'' ¹¹ Naemi amoneve intaunami nesu ankerogu anomi kimanoni sagoka yaku'uga,4-a aumba aneneyu,nampa yinom waitayu.Yemi amaka 10-tauseniayi ugano. ¹² Yemi ano'na ka aravoka uremi manisika,'' Mana sipisipi aga'i aruruka mise, anonavi maremi,asumi,soke intitawa, ano eranampa.'' ¹³ Intaunami maside anene Koti uwantuka anene yu inarufa wami, maga amuga, maga aupem, bunom aupem bam anene yu yemi ma'nisika, '' Anonavi amego, soke eranampa kinuyi kagakao kumakayimi,mini sipisipi aga'ano wapa binana maden nuram rafisino. ¹⁴ Afo,4-a aumo duka anene yuanomi manisiga, ''Fugave!''Afo yinom waitayu yeyu magapa remi mono sakaga.