¹ Minure semi auwen inaru nampa auwen maga amonaruka,ana inaruwa anam maga yerarem afiuga, bun nom manowa afiem buwage'en uga. ² Semi omare sagagam magu yagam amonarukau, awem Jerusaremi,mente inaru fake kuka Koti wapake,asika awem waita marara benawafu amapa biranto iniurem sesefofo uren yitene. ³ Anom aram waya yi intewunam manisiga mente anom waita yu kumante wam kagakake,amonano Kotimo wam magu mage watanasi nampa wamise yenampa watem.Yemi beni wata nasiyi item,Koti benao yen nampa watemi afo bemi yeyi Kotiyi item. ⁴ Bemi masidem yinu arunten kasa uyikatem yen yugapeke, ugami fugikinta buwatem enayawa,yigun anene bumare,ifi bu rage, ai'i bumarate. Feyan anta yera rem uyawitem. ⁵ Manawayi anakagaka kumakayi semi,''amonano masidem anene manta auweni ege''. Mana waya mi yaufim agarano siga nayeyare mini waya atekem fugasiga. ⁶ Manisirem sisimikduka mana mini anene yu a'i fawaruga! Semi seyaga agoyarantaba kipantaba, anantaba inaemi.Iyewafi nonanto ayewanayi, beni meyam ba iwam nom amenu mente aum marewam nopike kumewanani nopike. ⁷ Iyem watanasimo akeuremo aruvintimo itawuma erarinaniyi mini yantai maranayo. Semi beni Gotimi wanami bemi seti ga watemi. ⁸ Iyefi atekam anta uwarara fegewa nayoyi,yimakuku buyewanyoyi, savi awu awa uwarewayi,wata yiruma fugewayi, moko awu awa ewayi, savi ayo ga yimakukun ewayi, muna kotika amakukunewayi ba masidem muna waya sewayi, yenyi magu mempe mamem furaga oka igagewananipim watemo.Minimi anaem fugunti batem. ⁹ sevenia wapike mana ankero ano sewaunafa yiga, mini ankeroano sevenia kora'ya savi anene yu itukam nampa,'' yinaga agateno awen inim ugadukam inimi aga sipisipi ga.'' ¹⁰ Afo bemi Ayofimi sibigemi enafa mente yanafa anon anuga marundem sigatiga mana sagagam ma magu Jerusaremi mente inarufakem kuka Koti wapake. ¹¹ Awem Jerusaremi Kotini sagaranene utuka, sagama anantauga amaka awogu onanta uga, saga gem kapugani ewam omi jaspa ve sewam onamuge. ¹² Yanafa kafi kugufim twolfuai(12) onta saga.Mini onta yaga'i twolfua Israiri naru yigafanta yivi agaka. ¹³ Afu unte wapa kamore onta saga, afu kupegewapa ena kamore onta saga, sefatefa awafa kamoreyiana urem ontami saruka. ¹⁴ Mini magu manoni kafi tuolufua(12) onamuka karau gaga dure uwantuka,mini onamukai tuolufua sipi sipi aga anoni yoga waitayu yivi agaka. ¹⁵ Mayamo senapao asin aniyi ayaka fakaruka awama ganani koriga uwakam yaki, mini magu mose awamaden amon nanim,mini magu manoni onta nampa namayan nampa magu manoni onta. ¹⁶ Mini magumano uwantukam maside ayapai mana kigiwa uga.beni ayawa akinampa manauga.minimagu beni awamagati yakinako awama duka 12 tausenia yi afuntano awameka ( mana mana awafa urem kumem , sefatefa ayapa mana mana uga. ¹⁷ Bemi yewayegem awamaruka mini kafi namayami, 144 beni amako'i wata manoni awam aganti mente ankeroguyi awa amaka ). 1 ¹⁸ Mini kugumi uwantukami mana omi jaspami, beni au bunam mano yayanami afo anona magumi koli nako uwantuka, bemi faka kamu yanta uga. ¹⁹ Mini kugumi, yemi uwaremo masidem ena'ena om manoni meyami urevuga ananta omi avidemi jaspami, miniga omi avidem salfami, mini ga omi aviremi aket afo enaomi avi'i Krisolait, mini gai omi avidemi emaradi. ²⁰ Afo ena omi avi'i onikisi, ena omi avidemi kanalian, ena omi evidemi kriso,lait, ena omi avi'i berili, ena omi topasi, ena omi avidemi krisoprasi, ena omi avidemi sasuiti afo araga omi avi demi ametisti. ²¹ Yemi uwaremo 12 'a' anona ontami 12'a' selifim. Mana mana onta, yemi uwaremo mana mana seli. Yemi sito nato ayinui aupemi mini anona magufimi, yemi kolinako uwantukami bemi kamu yi uga. ²² Semi bu amonei mono mai mini anona magufimi mini kugu aupemi ugami semi amoneu Anona Koti masiden eranti dukayi nampa aga sipisipi Aganampa wafa wage'e ugamono Maganta uremi. ²³ Mini Anona magumi omwa buwa nayeyare yemi Goti sagantano omi yimi aga Sipisipi aganempa nampa onanta uga. ²⁴ Maside wata anasi nowemi anona okai mini anona magufimi ninayo, afo magafike kini yui maremi maside avogu yanta i yeyinta mantareve mini fai yitemo. ²⁵ Ontami mini anona magu manomi rigemi maside nurami wanami kumayui buwanani. ²⁶ Masidem wata anasi maremi avogu yantai nampa mone'i nampa upegatemo anona magufim. ²⁷ Afo bumi mana watamano upegatemi anona magu fimi savi anta nampai muna waya nampa, muna waya nampa afo mini akumo yibio wantana yaufimo wayimi yemanami upegatemo.