¹ SemiJonimi amoneu mana ano anene fawarim inarufa,mana innimano aigewanako unawadoyanta uruka,afo biyokewayi be aifim wami afo 12fia ofumano be anoka wami. ² Mini inimano bemi amuwagi uga bemi ifi ragebem au,abisi mantuka nayeyara bemi iyaom magaratemise. ³ Ena anene yewayegem inarufa fawari amoneu;Intano,mana anona nare memami,bemi7nia anom makem afo 10nia komumifo afo 7nia kini atai be anoka wam. ⁴ Afo amemano 3 ayapa ofu ragintem inarufake mana makafim ram kukemi. Mini memamano anasimano orasipa itagem afo mini inimano bemose iyaom maganam naratem, ⁵ Afo bemi ain aga magemi, mini iyaontano bemi masidem wata anasi aini yakinako yemi rafiyi katem.Kotimi ame uram mini inimano agai abiruka benapa kinini kagayaga wanoya, ⁶ Afo anasimano wata iwam magufa yerarem buga,Kotimi mana magu mini inimanonita afakamakem nayeyare benao mini inimi 1.260tia nuram rafisitem, ⁷ Magemi inarufa arubinti fawarene Maikorimi beyi enyoriyunapa aruwugane memanapa,afo memamano beyi enyoriyunapa yewayege Maikorini enyoriyu nampa arubuga, ⁸ Afo memamano bemi eram bumakamise arubinti buyakakatene,Minugamise bemi beyi enyori yunapa bemi mana magu inarufa burukane, ⁹ Mini anona memam bemi wafa wage,enim memami afo yemi benanti wananone siga iyemose wata anasi muna yimewayi,minewami Koti inarufake manta rami beyi enyori yunapa mana makagakuka. ¹⁰ Eyo semi intarukano mana arantose inarufake semi,'''magemi Kotimi yewayegem yibigene wata anasi beyi eraka,afo bemi senuti Koti maganopim rafisiri item,Nayeyare Koti mini waita inarufake manta rami kukane manafa, made nuram muna yimidem Koti adeka buyego sewam waita. ¹¹ Yemi yimakukum wata nasi yakagagane wananomime,e Sipisipi Aga anoni narefim,afo yemi raifi yanti fayantage sire fuginti amonaruka. ¹² Minugafo inarufa yigemo wayi yimo yogo,Afo umanapa agun anenemi fawaritene yigemo iyemose mana maga no amuga,ose wayimi,nayeyare bemi intagemi sito kana makemi, ¹³ Kotimi memami inarufake rauma intafuram magafim rami kumbem bemi inte amonagem mana inim mano inaka makara ewam ane ana bemi aneka awakurem nowane. ¹⁴ Minugami Koti mini inimi kanti akiki ayam amiduka,afo bemi agem me,e Kotimo wata iwam magu amidukapa bitem,Me,e mini magufimi Koti bemi rafisinam 3riamifo afi krisimasika anasimano memamano adekakemi neka watemi. ¹⁵ Afo memamano awauntike nomi wayirami ano nonanta sabuga,minurami mini nomano saemi anasimano arafinoya. ¹⁶ Afo maga manomi awaunti ogadam memamano bidam nomi narami anasimano bu fikaga. ¹⁷ Minimi memamano ano aran anene marene anasimanonam,afomemamano bemi arubinti oma inta rukane anasimano aga anafim yemose 10nia romo Koti rukamo awakurebe Jisasini fuga waya fakarukayi. ¹⁸ Afo memamano bunomano efayauga itabene.