¹ Mana wayami aupai wami Jisasi yemanti faka ruka. Gotimi mini waya Jisasi mi agatirami yokam waitayu yigateno adeka fawa rinanin aneneyu. Jisasi mi beyi ankero sasa kami beyi yokam waita Joni afo bemi mana buku agatemi ama'emi. ² Joni mi Goti waya sima ama uremi asima faware mi Jisasi ni fuga waya nampa nayemo, maren anene me'e bemo amonami. ³ Goti mi soke uyikano mini waya mo iyantayi, kasanampa waya Goti pake yigamo intana yoyi awakuri nayo mini kasanampa wayamo afau yaufim bami yimo yoga, naye yara kanami adekagi ewa. ⁴ Mana afaunti Joni akanta me'e sevenia mono mapimi Asia ruka; Amaka Kotini awa awa nampa ara faru yiken nampa wanani, bemi Kotipake yika, watamo iyemo make wayi, iyemo feyapa wake'enimi, yiyemo owayekem yemo seni'a awamu'o itaremo beni kini kagao ben orasikao wam, ⁵ Afo bemi Jisasi Kraisi pakemi yiga, iyemo fuka akefam waita afo bemi anam waita iyemo fukitikemo itabukam. Afo iyemo masidem mana magafim kini yupim anari ukane. ⁶ Bemi masidem wata anasi rafisitem, afo yemi manta kotini pristiyi iteye bemi yen yifoeyi itemi. minimi inami afo beyi eranampa beyi ake nampa masidepa wanani, Fukami. ⁷ Amonago,bemi konapim yetemi; Masiden auka manomi omaremi amonateye, iyenuo bemo aruruka yiwa.Masidem akum wata anasi mana magaka keno yiku nanti emi ifi dakanayo benanti. Eyo,Minimi fukave. ⁸ Anona mano semi, semi ako yarantawa afo kipantawa masiden yantapim, semi make bei, Feyapa bei, Inaem ba owa yege yenuna, semi era anona Kotimu. ⁹ Semi, Joni- yigen yifa yiwa iyenuo umanto yiken nampa mare wauno Kotini kindomi fimi afo sadagei yikenampa wanuno, umanti oma kipak'ai, nayeyarafi seyuya Jisasimi awakure wafau. Afo Kotini waya sintike afo mini nampa fuka Kotini waya siyimi nampa fuka Kotini waya fuka waya. Semi sisikai Patmos sito makufimi owau. ¹⁰ Semi Aiyo aga'ano aupemi wage'eu Anona manoni nurami. Semi intewauna mana aranti sinepake ufen arini emi. ¹¹ Afo Mani semi, msiden yantao amonana, yaufim akante sevenia mono mapimi dana bino, Efesesi, Simina, Pegamami, Taiatira, Sadisi, Filadelfia, wa Laodisia. ¹² Semi sineba wake'i iyen amerakomano senampa sevene, afo semi amone'u sevenia ramu yaki korika uwantuka. ¹³ Mini awanapa mana waita amonauna Gotni agagi ugam waita itaremi mini ramu yaki awa napa ba'i amoneu. Aiya unambaro urami aifa yaka kakami afo amiminti yaku uremi mana wadomi kori om noni afauti akakam. ¹⁴ Ben anonampa benayau manomi efari uwemi sipisipi ayauyata uka, ifari uwemi konani uka. afo ben auka manomi iga auranta uka. ¹⁵ Benai manomi ikaka yukare kayure rukani uka, afo benamerako manomi nesu nomo rautemo asini emi. ¹⁶ Mini waita manomi sevenia ofumi aiya pimi wami afo mana asimi awami sefatefa waiyimi benofekemi kuka. Afo benorasi anmi anona a'ose kani uka. ¹⁷ Mini waitami amone'i, semi benafimi rufame'i mana fukam waitayi e'u ukau. Bemi beyayami seka demi afo semi, bufekano, semi agoyaranta wa afo kipantawa masiren yantapim, ¹⁸ Afo Semi senanao iyemo fawauna, afo semi a'i fupukau,ukamifo semi makemi fa wau! Afo semi fuki ki fakei afo fukim waityuyi makukake ki wa'i.. ¹⁹ Minukafo emi akarano masiden anene nayemo emi amonana nampa make amonana wa afo nayemose naemi fawarinani mini aneka. ²⁰ Mee aumakami wayekanti mee sevenia ofu yuo emi amonanave setiyan ukapa, afo seveni korika ramu yaki yuke; Mini sevenia ofuyui minimi sevenia mono ma'anoni enyoli yuke, afo sevenia ramu yakimi minimi sevenia mono make.