1 Bemi semi iya nanti simemi , ma`e yakimo afunto marewane siremi be sisimemi, "Itawewa Gotini mono manapa beni alta afum marewa iyantano nade waita nasi mini mono naupa beya amam waya inteweye. 2 Afo buwa lomano hobu uke Gotini mono mao kuku mano yaku uganami afo si nia magumi ena akum watanasi yimi dukane. Yenti ateka anona taunimi 42 biyoka rasanasa itemono. 3 Semi sesi eranti kayogom waita yimenami yepa bitetaminto, afo yemi ogure wado itemo, afo 1260 nuram Kotini profetia siyimitemono. 4 Ka olivi anta napa ka onyaki Anonamano orasipe itawe mana maga mano masidepa kinka , minimi ka abum wata awuawa karanti sika. 5 Afo mana watayuo ka yogam waita waita kanto sawi intiti uremo sawi uyi kara ono, kamano yekam yiwuntike yemi yekanti namugo iga mano yukemi. Afo ena waita yuwa`o sawi intiti uremo yekanto umanto uyikara emo mini mayayo ure yiruma fugite tamoto. 6 Ma mini kam waita kanto waya maro siyime waro eranti rukenta mi inaru uyadaram a-i buritemi yekanto profeti ami sima masidepa amakagi itetamo. Yemi er am rukemo nomi wayema nareyi ure mana maka amakaure sawisawa avinti bemo rara temoe ratem. 7 Ma mini yeganyi profetim amo sima mana magafim masidepa kipa rarami , mana afa safura mano buwa eram iwam masipikem untavem yekanapa aruwim itare aruwo yigemi. Afo yekanti aruma fugemi aruwi yakagatemi. 8 Yekanti yumi amone taunimano akai magafim rukewane, mini magugai anonamo fakega yaga fugamino. Yemi avidemi Soddomi wa Isipi afo minifamsemi faronka waya yanta keugane. 9 Mana amuna watanasi, semi waya kamore afi nuram mini waita kanto fukara mi amonewe wage-eugane. Afo matipim yeganti bumasifago siremi agoni uyikeye. 10 Masidepa`o mana magafimo wam watanasi intemo ka yogam waita mo fukam wayami, kamore hafi nuram yemi amom yunam newemi nomba nemo, magafim wam watanasi mo ka profetimo yemo anon yu yiwisi yimenta monto. 11 Kamore nuram yagagami naemi, mana yaum yimim uwa Kotimi rami mini kantano itacventa yeyika intama era uganto. Afo watanasi amonare anoni ure yaigeye. 12 Afo naemi yeganti mana arawokam inarufakem yem manisirem yiyimem, "Manafa urokaro sege!" afo ka yogam waita kantano mana konapim inarufa urenta monto. Yekanti namugo yimonewami ureyo. 13 Sa sinia kanafim mana anona magunti remi 10 nia anon tauni fafasemi. Mini maguntano 7000 nia watanasi yiremi , afo beni ateka watanasi wayi mioni amonaremi femanta inarufa Koti anon awi amemo. 14 Kayamu anoni anon aruvinti yerare kipemi. Intago! Kamore yami anon umanti ameurem yitemino. 15 Naemi 7 nia ankero mano ufem arewami Anonamano inarufake manisire arama yiyimem, "Maga kindomu kipanami waye egem Jisasi benintyi itemino. Ikipatemifo iyaka wamantare bitemi. 16 Afo 24 a yinom waitamo yeyi kini sagokao Kotinapa`o wamo. Yorasi magafim ram kumimi Koti yukam wamone-vemi ben anon avi amemo. 17 Yemi manisemo, emi susuwe sake yare , Anona Goti maside eram rukanowe, feyapa bemi magewa wanave, naye yara eyi eram a-i maremise masidem watanasi yi kiniyi urem yeka rafisemino. 18 Maside magufike watanasi benanti anom yirami kagemo, afo Kotimi, bemi beni ara anene yimitem. Magemi fukam watanasi koka itavitemo, magemi eyi yogam waitayu i meyami yimi nuramino, yemi profetiyu napa eni yogam waitayu en amenapa emo yimakukumo uakemo yiwi makayiwa yiwi bumakayiwa.Mana magamo ia fawarukam manta anam karukam beni nuram manta bemba anakaitemino. 19 Afo naemo, Kotini mono mao inarufa onta rivim Kontraki bokisi yemi amonama mono ma naupa remo. Afo omano kanaga sagama anantem bu yi ke`em ,inaru asem , magunti rewe anon a-i rurem aisi fafasem.