¹ Mi'nugami Sifa tiwa o yigenanti siye'i.Amo anene mi simemi kotimi miniga semi awogu usikate. Erarure Jisasipim itabogo. ² Edoia nampa Sintoke yu yanti mana intika Ano'napim bago. ³ Fugabe, yigemi inta ego mana inim ofa ogo senampa Kotina mare noenimi, Klementi nampa mana'a yen yivi Kotini yaufim banu. ⁴ Maside nura kotipim amoyono, ⁵ eni awogu anta e'ana maside inim waita amonago, nayeyara koti a'deka bane. ⁶ Anene yu yanti inte inte buyono, ma'de anenefim nampa auga mukirante susu sire Koti wapakem inta ina ⁷ Kotini ara faru nampa awogu inti en aura nampa intaka yi Jisasipim. ⁸ Sifa tiwa o naye anene fugawafi, watanasi yigauka anoni ugananim, naye anene atekenafi, naye anene watanasi amonama savi eyafo, naye anene watanasi amonama awogu eve, naye anene mante watayu mentake revenafi. Mini anene yuka ma'de nura inte inte ono. ⁹ Mini anene yu amone inte ure maranami, mini anene yu inami Kotini arafaru enampa batem. ¹⁰ Ano'na yanti anon simo ure sususege, nayeyara, anene sikemi senantosire yenami anon simo ego. ¹¹ Ma'ni sunami anenega simego yara sega ye, sito makaunami amaka'i be'i seve. Sabi baru inte amone uge'i, amuna anene ba rukami amone inte uge. ¹² Maside anenefim amone mana anene maraunami maside nuram amoyono. ¹³ Maside anene uwarate kotini eranako. ¹⁴ Awogu ure seti savi kanaga sofa onami, ¹⁵ Emi Filipai intanamino, a'nantapa kotina mara'be Mesadonia bunami mana bayi ba busa imi eya'o sofa onami. ¹⁶ Tesalonaika ba o baunami, minifa ba ofainti rana bi'i mare. Amuna ya sofa onami. ¹⁷ seba simenoba sega ye, KOti emi awogu inanim amonano yanti se. ¹⁸ Maside anene mantukau, amuna uga. Amuna anene mare'i Epafroditusi ka ran anene yu ba mare. Awogu ase nampa muku ewam aroma awogu muku kotika bitem. ¹⁹ Seti kotimi maside anene intanonam amitem, Jisasini anon avipim. ²⁰ Senu tifo'e koti anon avi marano maside nuram, Fugave. ²¹ Kotini watanasi Jisasipim banu awogu uyikago. Afa awa yige nampa banu awoguge yiyikeye. ²² Maside Kotini atekam watanasi manafim be awoguge yiyike, sisa ni amapim banu ba. ²³ Kotini awa awa yigenti au iya om nampa bano.