¹ Semi Poli ya Timoti, seganti Jisasini yogam waita kantano mana waya agaregeka afaunti watanasi Jisasipim bayi Filipai bam, mono naupa ba ma'dem mono maka. ² Jisasi nampa Kotini awa awa nampa arafaru inti sernu nampa bano. ³ Yige nanti inte'i Koti nanti susu sake, maside nura ⁴ ma'dem nuram seti augam mukintim yige nanti mukeve, simo nampa i sugam muyara wauno. ⁵ Semi amo waya yiyikau avogu waya aupem yigem yimakukum agoyara kake mage yewa. ⁶ Semi erar intiri evauno mana yanta ganti ma'nugano, bemi avogu yoganto agoyan tukayi yigem yupem ena wa marem binani bemi Jisasi owayegem yinani ka kipanani. ⁷ Yige nanti simo uyikau nayeyare yigemi semi yiyi gara ewauno ma'deyu setirapim wane. Yige senampa Kotini agu anenefim mana yoga myarewafu kalabusifim wage'e fasa asave'i fami Kotin ami sewau. ⁸ Kotimi a'i semi simonaruka, nayeyare semi yigenanti siyewane, Jisasini agun anene nampa. ⁹ Seti augamukinti yige nanti, yigenti aiyinti eno nan ayinti ano' na yi ugan ino maside avu awapim. ¹⁰ Semi mini yanti sugam mukewauno yigemi avogu urega naye antamano atekana nampa atekam anene kumi ba burukana Jisasi ni kana mi fa'wari. ¹¹ Sewai sugam mukevuno Jisasi wapakem yiga awogu anta yu yigepim itakana, Koti anon avi avogupim. ¹² Sifa tiwa o mage amone inte ogo, naye anene seka fa'warimi nesu wata anasi yofaimi mam baya mare buge yige omi nesu wata anasi mini mam baya inta ruka. ¹³ Mini yanti ,masidem Romi ke wata anasi soldia yu nampa semi amon intaga semi sima fa'warewau Jisasini avogu waya. ¹⁴ Amuna afa awa eran yimakukun ruka, Ano'naga nayeyara semi kalabusifim bei era imakageu mini waya sima fa'wari ra. ¹⁵ Mana'a mano sima ama uga Kraisi nanti nayeyare yemi yira umam duka yiran nampa mana'a mano avogu yirakake Kraisi nanti sima faka maka. ¹⁶ Yemi avogu yirakake sima ama ure seyimi yemi naemi intaga, Polimi agoyantem fuga waya mano ni kugu yanta uga. ¹⁷ A'nanta Kraisi nanti sima amaure seyimi yemi yeyarantana intaga savi yira nampa, yemi intami Poli mi yemi amo buitem kalabusifim fa bem. ¹⁸ Nayebe? Maside awafake munagafi fugawafi ,yemi Kraisi nanto sima fa'warure sewami semi simo ewauno.Eyo semi simo onuno. ¹⁹ Mini yanti semi intaunami yeni augamukiseminti sofainti semi simo ewauno semi mano mana urei yigem yimakukupim ofega nuno Kraisini ayo aga anoni ofainampa. ²⁰ Seti erar intinti mana'a yanta semi intewunami fugasire sigaye iyirante, maside eran nampa maside nuram, Kraisimi setimuga setufimi upegano yare, fugotega fu fa watega fu. ²¹ Semi Kraisi pim wanu nami avogu semi fugonuna yewa yege itavonu. ²² Mana maga su'buna nampa fa wate, mini seti awogu yogantino. Iten aiyina rayi mategafu? Semi buyintage. ²³ Fa bategafo fugotegafo, a'wanapim bauno. Seti anon intinti Kraisi nampa o warante, minimi awogu ino. ²⁴ Mana au'buna nampa banami awogu ino, mini eni awogu gantino. ²⁵ Eran amakukun nampa,semi intau nami fa bei maranti mare bonu yigem nampa simo eve yami Kraisipim. ²⁶ Mi'nugami sepikemi anom intinti mantare Kraisipim amoyinagom orra'dem yitem yigepa. ²⁷ Yerave Jisasim awakurewam waita ba bago, mi'nugami semi emi amonara yena buwana, ami intanu, minugami mana awamupi ake ure wano, mana au araka erarure yogeve avogu waya agefano. ²⁸ Yigemo savi uyikananim waita yu yanti bu fegago.Mi'ninami yemi anona sayeke afakatem, emi Koti avigatem bemi Kotipa yino. ²⁹ Enanti Kraisi avipim eyo siruka, beka amakukum mana bu ono ya,minu gamifo emi au avisi mantemi ben avipim umanti marano. ³⁰ mana yiom asuvim nampa aruvinti semo usikami emi amona nami , magemi sepike intanami.