¹ Yaumda kana kipabim, Makdalani Maria wa Jemsinu Salomenu yinoe, avogu mukuewam wasavem mantarenta maro Jisasi Aumi feakara buganto. ² Anam nuram anom wanurapa mee Jisasi makapa amonarantenta buganto. ³ Yeyapim mani sirenta buganto, "Iyewa omi manta fasa sikanaka mente mini masi naupa ofegantu?" Jisasi makapim. ⁴ Mente minifa yugam, magenta amonantami omi, masi ontaga buwami, mini onafo mano yekagem mee nepa buga. ⁵ Omano yekagem bimi makantano mee minimasi naupa upebuganto, upebentanta amonantami mana waita mano mi e em mifo efar unampado urem yiyan ugapa kumanture wami, amonarenta antudurenta anom fegari uganto. ⁶ Mini waita mano itavan sem, bu fegakara yigekanti Nasareti Jisasi arure imagam afakeka yewantave mini waita buwane manafim amonakaro bemose akagam yaufim. ⁷ Minugamifo beckara maro beni yogam waita nampa Pita wa yiyimeno Jisasi bemino kariri minifa bemi amonangone sirem buga wafa ose sigam. ⁸ Masi yerarenta iyaenta bentare; yekan yira ano itavem imi yen yumano antudem inta mana waiya wa bu sentare nayeyare yeganti anom fegantim buganto. ⁹ Anam nuram anom wanurapa, Jisasi mose itavimi Madalani Maria benarem Jisasi amonemino, nayeyara mini inimi sevenia savi awamu bepim mose wage em yomanta fasa ruka. ¹⁰ Mariami bemi maro yiyimemino benampa ose no eyom waita yuyira umanampa ifirageve wami maro yiyimemono. ¹¹ Mariami oravem maro mani sirem semi Jisasi itaven aum maremino sirami ben ami yimakukum buyugane. ¹² Inaem kam yogam waita gantano yera magu renta benta re bewantafim Jisasi yera ena waita ayudem wantaga buga. ¹³ Mini yogam waita gantano benta maro aka ena yogam waita yiyimidami mini waiya mose sentami yekan yami amakukum buyugane. ¹⁴ Naem irevenia yogam waita kumantuge beyunam neve wami Jisasi yeravern yisidem semi nayeyara yimakukum bu evege, yigen yira anouyakena ena inim waita semi amonafunam itabugane sewa yima kukum bu eve ge. ¹⁵ Jisasi yiyi karem semi masidepa bega cotina yiyimiya madem inim wata intago. ¹⁶ Iyemose amakukunem nomi marananiyi Goti avigatem afo lyemose amakukum luganonim Gotini koka afi inonam. ¹⁷ Berara anene yenampa bitemino sepim amakukum mose ugayi setivipim savi awamuga yomanta fasadateye minampa awen awen waiyayu siteye. ¹⁸ Memam yen yiyanako kumanta fakanonave afo savi nonafi fugim anene narukate ic fuginono ai waitaga ayam marore augam mukinam asopatem. ¹⁹ Anona Jisasi mini waiyayu seve wami, konapim ye avigem inarufa uka be afoeni aiyan ugapa u kumantem. ²⁰ Mini anepa beni yogam waita yu bemi ben avi maro sima fawarure sima fakadami Gotini erantano berara anene fawaruruka.