¹ Bemi Ifademi beyi magufa buga. Beni yogam waitayu awakure buga. ² Yaunda kana yimi, afo bemi Juda-yuyi mono-naupa untavemi wata anasi amam baya yiyimiduka. Amuna watanasi intaremi yintuduga.Yemi manisiga, ''Bemi iteakena mi aman baya marenafi?'' Manami Abugu intinti nafake marenafi? Iteyim yogara berrara yogam benayapike mantafabarenafi? ³ Bemi mai bu uwarewam waita _ Maria aga ben-awae Jemisi,Jos wa Judasi wa Simoni? Be-ayoma senunampa iwatemo? Yemi Jisasim yira-umari u'akaga. ⁴ Inaem Jisasi watanasi yiyimemi kasana pa, waita yividukafu yeyi magufim anon yivi buruka . Beyi mana akupi. ⁵ Bemi anom yoganti marari buyuga ,bemi fami yi waitanasiga ayami danami yenti yi kipatem. ⁶ Bemi antudurem itabuga ,naugane, yemi yimakukum buyewam. Inaemi bemi masidem magufa buga bemi watanasi kotina yiyimem buga. ⁷ Jisasimi beyi yogamwaita yiyikem kari kari urem eranti yimidem yiyikaga bega saviawamu manta fasarago. ⁸ Yiyimem manisiga, moninapa masidem anene mare bubogo yaki fakare bogo. ⁹ Sumana yifimi ega aparukam wado buyogo. ¹⁰ Jisasimi manisirem siyimiruka, ite naupa'o wanagom mini naupa bega yerarega bogo. ¹¹ Manamagufi bimo buyivigaote, mini magufi kaiyo yigake ufufarega ifadega biya yeyige amonatemo. ¹² Bega watanasi ami yiyimiya yeyi savianta yerarago. ¹³ Yemi savi awamui yiyikaremi wasavemi yinoka feyikarem yiwatanasi yofauga. ¹⁴ Kin Herotimi mini waya intaremi, Jisasi avi amaka manta fawaruga ,mana'amano ma'nisiga, Joni nomanyikamwaita fukam magufike itagane, minugami bemi eranti rukemi yigatemi. ¹⁵ Mana'a enowa m'anisemi bemi Elaijah wafi semono, mana'a mano yeyara ma'nisiga, mana kasanampa waita feyapa wage'emino. ¹⁶ Heroti intaremi, ma'nisemi semi Jonimi anugam akefaraunam a'i itabugene. ¹⁷ Heroti wata yiyikem Joni nom'manyika baita ofakare kuyogo. Nugane minurem Herodias Filipim ana mararantem. ¹⁸ Jonimi Herotim ma'nisire sasamemi, buatekam anta uware eyafa'awa ana'i maranam. ¹⁹ Herodiasi Jonimi araumanti amidem arirantem imifo, bemi amaka bumi. ²⁰ Herotimi Joni ago fegene bemi intam Joni mana atekam waita.Mi'nugami Herotimi bemi rafima soke'emi, Herotimi Joni asimi intem bemi araumanti amemi afo bemi wayayui simi intarem amoyemi. ²¹ Mananuram yimi Herotim bemadukam nuram yimii anon yuna yukebem galilike dafisi waita, yinom waita yarem, yebe amonago sirem yaraga. ²² Herodiasim araumano itavem agomagem dafisiru yigauka Heroti semi naye anene emi sintainaga ameno. ²³ Herotimi waya sima ake'em emo naye anene yato sintainaote semi amenu. Semo simaka dukauna nomaga amenu. ²⁴ Asikamano mapa kuntavem beyanoe intauga, Kimi nayevetirega intaonu benanoe semi Joni nomfeyikam waita a'nonesiga. ²⁵ Afo ameurem bemi Kimano manisire intauruka Joni nomfeyikam waita a'nom korayafim desimeno. ²⁶ Kinimano beyaga itavem naugane, a'i ami sima anoano waita yunam newam yenyiguka ami sima akeumaka. ²⁷ Kinimi ami waita sasakemi uyae maro Joni anom akefaremare ame'eure maraye'no kalabusi naupake. ²⁸ Maro a'nom akefarem marem mini asika amimi, mini asikamano yomarem beyanoem maro amem. ²⁹ Jonini yogam waita yu intaremi yemi yemare ben aumi maro masi faruka. ³⁰ Afo Jonini yogam waitayui Jisasimi maro sasamemi masiden anene fawarim, wata nasi yemba yiyimiduka. ³¹ Bemi yiyimem amuna watanasi bafo yiya wata iwapa oveya saum marafa. ³² . Afo yemi mi'nure kanufim rauntave wata buwam magufa buga. ³³ Yemi bomi amonaremi watanasi yenare ananta owami yemi inaem buga. ³⁴ Anom watanasimi yema nonanapa mare duwantu omi Jisasimi aguanene mantemi yimonaremi, semi sipi sipi dafisi wata buwane siremi Koti nami yiyimiduka. ³⁵ Jisasini yogamwaita yui semi ai'i afau kupegewafo manafi amuna wata nasi buwapine siga. ³⁶ Yiyikana beveya magufipake yenti yunam afakare newaya'o. ³⁷ Bemi yiyimemi yigemi maganago yunam yimegosiga beni yogambaita yu semi amaka Karunakake yunam ayaureya yimefana yeyara nateyafo? ³⁸ Jisasimi yintaem nade yuna dukegesimi kanoyaba manasiya pa sikonive siga. ³⁹ Bemi Yiyime manta duwanture atayaga kumantogo sirem yiyimika. ⁴⁰ Bemi yiyimemi rayinte manaunam enag'a kumantina, manasiyam enag'a minure kumantogo. ⁴¹ Mini sirem faipia baretinampa kanoya mantem inarufa kagadem suseve sirem manta kidi kidi urem beni yogam waita yimimi rayinte yime naga. ⁴² Masidem batanasi nami yimu'daga. ⁴³ Beni yogamwaitayu masidem akam yunam aide siyakare kanta kukumi itude mare buga. ⁴⁴ Mana siyapa tauseni inim wiata nagane. ⁴⁵ Ame'em beyi yogam waita yiyikami kanufim rauntave me'an awafa bogo. Minurem inaemi mana'a inim waita yiyikara buge yige uga. ⁴⁶ A'i bomi anufa untavem augam marum mukuruka. ⁴⁷ Enewami yenti kanumi non aw anapa wami jisasim beyao fa metapa anufa wane. ⁴⁸ Jisasi yimonami ano anuyode kanumi bayeduka, nayeyare ano uwa mano yenti kanu wayeruka afo ayufukami bemi non amuga benare a'nata buga. ⁴⁹ Yemi amonami Jisasi non amuga buga yemi intami mana wananone sire wa'duga. ⁵⁰ Nayeyare, bemi amonare anom fegari'uga. Ameurem Jisasi yiyimem, manisiga yigen yira'ano saraigem bano. Mini semupo bufegago. ⁵¹ Jisasi kanufi yenampa upegami susuwa mano kipaga. ⁵² Beni yogam waitami savebuyuga bretimi nayewafi, mi'nugami yenyira ano eraruga. ⁵³ Nom warum kadaremi Kenesareti magaga bemi kanu awafa yeraruka. ⁵⁴ Yemo kanufike mapa asabomi, ameure bata anasi yimonaga. ⁵⁵ Yemi maden ayapa uyaure bugeyige ure yi watanasi yibide Jisasi wapa yivige yiga. ⁵⁶ Ite ayapa bomi magugagafi, taunifinafi, yiwaitanasi mageti magufim mage Jisasimi intauga, e'anam beni wa'do ara ane'yodana, amuna yi wantanasi yi kipayikem.