¹ Yaun de wam kana yakagabimi, a'i untemi ena nurani imi, Anasi Mekdalini nampa ena Anasi Mati amonarantem yemi. ² Anon magundimi, ankero inarufake kumemi Matika bam on afo yema avekama magemi mini amuga kumantuga. ³ Ben aiyo mano oka ;na bami, beni unampadoyu efari - imi. ⁴ Rafisimwaita yu anon fegantano yakagabimi fugim waita kana ure bage,emono. ⁵ Ankero anasiyu waka yeravem semi, bufegago Jisasi afakarante yigamino, arure keka yaga irukam waita. ⁶ Manafim iva a,i itabemi, bemose sigaka yerave amonago, senuti ano,na wage-enim magu. ⁷ Ame ure bega beni kato waita yu yiyimega fugintike itabuga. Amonago; a,nanta Galili. Bemi minifa bega amonago yigemi yiyime,u. ⁸ Anon fega nampa amo nampa Jisasi masifarukam magu yerarenta benta Jisasini kato waita yu oma yiyimiduka. ⁹ Bewaka Jisasi yimonarem semi awogu nurane, anasi kantano yeravem Jisasini aifim agoyun akarem anon avi ameye. ¹⁰ Jisasi yiyimem, bufegago sifa tiwa Galili bega simonago minifa maro simonanagom ¹¹ Anasi kantano bewami Jisasini masika rafikam waita yu anon magufa orave yenti anonu waka be madeanene yu fa,waruganu yiyimiduka. ¹² yenti ano;anomwaita kumantuve ami sire anom moni yimiduka Jisasini masika rafika waita yu. ¹³ Ma,nisire eno yiyimego, Jisasini kato waita yu ayufun a,wana yeravemi Jisasi yema umorure avige buga, kababugafuna. ¹⁴ Mana waya mose gavana agagaka bina bena nampa ami sire,ya ategafana yige savi buyikatem. ¹⁵ Masika rafikam waita yu mini mone mante yeyi intim waita yu siga. Waya awakunte mini waya mano mage Jewisi wata nasi bimi magewa mini waya mano fa bemi. ¹⁶ Siakantifo mana kato waita Galili buga, Jisasi sirukam anuga buga . ¹⁷ Jisasi amonaremi mana;a mono siakaruka; Mana kar intiri uga. ¹⁸ Jisasi yewaka yeravemi ma,nisiga; Inarufa wam anene nampa mana magaga wam anene semi simiduka. ¹⁹ Bega madem magufikem waita yu mante seti kato waita yi ogo; Kotini avi nampa benaga ano nampa ayo aga anon avipim nomarago. ²⁰ Ma,de anene yiyimuna mini waya yu yiyimego amonago maside yige nampa wanam mana maga arafagi item.