^{1 2} Jisasi maside baya sima kiparemi, beni kato waita yu yanti sem, Intagamino, kanurani imi passova yinam wata aga ano keka yaga iyitem. ³ Anom prisi yu nampa yinom waita yu kaiyapasini anom mapim duwantu uga. ⁴ Masideyu aupa ami sima antaure Jisasimi fakare arirante. ⁵ Yemi mana yiraka demi manisiga, anon yunam awanapa mini buyofano arubim manta itaranayo. ⁶ Jisasi wafa Saimoni lepra ai dukam ofaurukayi amapa wage em ⁷ Bemi sagoka kumakem yunam newami mana inim ano abogu ayunta ewam wasabem ana maren yeravem afo ben anoka wayiruka. ⁸ beni kato waita yu amonare yirakame ma'nisiga. Naugana mana anene wa'yirami fafa benafi. ⁹ Mana anene anom monika de mante bumakam waita yu yimiri ugane. ¹⁰ Jisasi yenti intiru rayinte amonare sem, naugaya mana inin nanti amuna baya sevege? Mana inimi awogu anta usikem. ¹¹ Amuna nuram anene imakam waita yu nampa banagomifo,semi yigenampa bubanu. ¹² Mini basabe sigeka ba'yimi, masipim bonunami sesa usikemi. ¹³ Fuga baya yiyimege, mana magaga ma;depa kotina sinayopim mana inimano uwatikam anta wai siteye. ¹⁴ Mana kato waita avi'i judas lskarioti anon prisi yu yimonara buga. ¹⁵ Afo bemi semi, naye anene simitege Jisasi abima yimenai? 30 silva rayinte amidami ¹⁶ Mini nuram ami afakare Jisasi abima namugoyu yimiduka. ¹⁷ Yisi ba iwam breti nanayom kana yimi kato waita yu Jisasi waka yeravem sem, Pasova nanonami ite aga oma ategate yare? ¹⁸ Ma,nisem, ano magufim oravega mana waita yanti se, Sisa ma,nisem, seti kana a,dekagi imi seti kato waita yu nampa ena mapimi pasova nateyare. ¹⁹ Jisasi sini uremi beni kato waita yu pasova yunam sesa uruka. ²⁰ Enakagi imi beni kato waita yu nampa yunam narantem kumantuga. ²¹ Yemi yuna newami bemi ma'ni sem semi fuga waya siyimege, yigepikem mana bayi sividem namugo yu yiyapim ratemi. ²² Yigunanti emi mana mana bayi intaemi, anona,o sebaye? ²³ Bemi ma'ni sirem yiyimem, senampa ayan disifim dananim waita sividem namugoyu yiyapim datem. ²⁴ Bayami agantem rukami bemi, Bata Aga ano bitem mi,nugamifo, wata Aga ano mante namugo yu yiyapin dananim waita ba agunaru akago'' mini waita ben ano'e bu magatina awogu item. ²⁵ Judasi, mantem namugo yu yiyapim dananim semi, Sisa'o aga sewafi? Jisasi sem, e'sima fa'waronam. ²⁶ Yunan newami Jisasi breti mantem asumi ure ki'direm beni kato waita yu yimi de sem, mante nago, manami sesu mino. ²⁷ Kapu mante yani ure susu sire mantem yimidem sem nago, ma'deyu. ²⁸ Manami seti naremi kantraki wa'yemi wata nasi yi kumi'i yiratem. ²⁹ Yigemi yiyime, mana ya yagami owayege bune bage'e seti fo'eni magufim yige nampa mini kanaga nate. ³⁰ I'irama kiparemi, Olivi anuga bomi. ³¹ Jisasi yiyimem, mage ayufumi ma'de yu sire buge yige inagom yaufim aganta maka Sipisipi rafisewam waita yirurana beni Sipisipi yu mana mana item. ³² Naemi itavei a'nantapa Galili bonu. ³³ Pita sem, maside yu are buge yige ewa'i, semi are bubonu simi. ³⁴ Jisasi sasamem fuga baya sasame mini ayufum Kokori a'sina kamore'a ya semi bu amonagege sinonam. ³⁵ Pita sasamem, enampa fugirante ite, muna bu amenu maside kato waita minimana siga. ³⁶ Jisasi Getsameni oravemi beni kato waita yu manisirem yiyimem.,managa kumantuge sive ewaga maro sigaum mukono. ³⁷ Pita nampa Zebedin aga kanti yivigem bevem anon agun anene nampa araano umandem . ³⁸ Yiyimem sigun anene mano sirapem itukai fugonunayi uga managa bega seka rafi'de ga bago. ³⁹ Yirem neka oravemi orasi magafim dem augam mukevem ma'nisem, " setifo'eo amaka eni ayinti baganami mini kapi manta fasa dano, seti ayinti bu awakurono. ⁴⁰ Bemi yema yimonami kato waitayu duge wami bemi Pita nanti semi naugaya duge bewa senampa mana awaga bu rafisiteve? ⁴¹ Dafiseve yigaum mukeve wami makasinti yina'i yam burinagom. Naiyeyare au'iyaontano aiye wamifo mana aumano eram buruka. ⁴² Kanta'yai yeradem orabem mani sirem augam mukem , seti fo'eo mini umam seka yiranten imi eni ayintana awakuronuno. ⁴³ Yerarem bem yimonami ruge bami yen yigaunu ano umandewami. ⁴⁴ Afo bemi yirem yeradem maro kamore nuram augam mukurem, kesam baya siga. ⁴⁵ Jisasi beni kato waita yu waka yeravem sem, fa babuge bega yaundevege? Amonago a'i mini kana yimi Wata Aga ano mante kumi wata yu yiyaka datem. ⁴⁶ Itabi ya bofano, sividem namugo yu yiyaka dananim waita a'i a'deka yigane. ⁴⁷ Asevem bami, Judasimi beni kato waita yu pikem anon akum waita nampa yem, anona Prisi yu nampa wata nasi yu yi a'nom waita yu yenti aruvim anene yu nampa yiga. ⁴⁸ Jisasin avidem namugo yu yiyaka dananim waita mano yiyimem, item waita amo'nanuna miniba fakago. ⁴⁹ Ameurem Jisasi waka yeravem sem, 'Sisa'o ayufune sirem,' bemi amo'naruka. ⁵⁰ Jisasi sasamemi, naye anene irante yenami uwarano simi yeravemi Jisasi aiyafa urem fakaruka. ⁵¹ Jisasi nampa bage-enim waita mano asi rayudem anom Prisi yu yi yogam waita agagami akefami. ⁵² Jisasi sem, asi dana beni magufim bino asifake wan anta makayi fugiteye. ⁵³ Emi intana seti foe aranam ankerogu dana mare bu sofaite yafo? ⁵⁴ Kotin ami amakagi ena' mini anene fawariten nafi? ⁵⁵ Mini kanaga Jisasi wata nasi yiyimem, umom waita wa baunaga asi yu nampa sem faka rante yege? Mono mapim masiden nuram kumanture be Kotina yiyime baunaofo semi bu faka mino. ⁵⁶ Mana anene yu fa'warimi kasanampa waita yu agante rukam baya fa'warimi maside kato waita yu yera are ragade uya buga. ⁵⁷ Jisasim fakam waita yu abige anom Prisi Kaiyapasi waka buga, minifa anom waitayu nampa anom prisiyu duwantu uge aveuga. ⁵⁸ Pita yen yineka yiwakurem anom Prisini amapim bem naupa untavemi arubim waita yu nampa oma kumanturem bem naye anene Jisasika uwaranayom amonarantem. ⁵⁹ Magemi Prisi yu nampa madem magu dafisim waita yu muna baya yu sire Jisasi aruma fugirante afakaga. ⁶⁰ Amuna watanasi muna wayayu sire Jisasimi ko'i amirante omifo mana umanti bepike bu afakaruka. Mi'ne wami kantano muna intinti fa'warure semi ⁶¹ Mana waita mano mono ma rabintire kamore'a nuram yewayege uwaranunave sigane sirukanta. ⁶² Anon Prisi itavem Jisasimi sasamem, mana'a baya rukeve ayanti enanti intaewane? Minimi naugam baya yara enanti sebeye? ⁶³ Afo Jisasimi mana baya bu simi. Afo a'nom prisi mano mani sirem sasmem, 'Semi eram waya Kotin avipim sasamege emi senu sisimeno emi Kraisi, Kotin Agaga bewafo bube? ⁶⁴ Jisasi sasamem, ena'o senamino, mage amone waganam Wata Aga ano beya fo'eni ayan ugapa kumantuvem inarufa konaka yitem. ⁶⁵ Mini baya intebemi, Anom Prisi beni unambado dagadem sem, mana mi kasi bayami sem, nayegaga beni anta yu afakatege? Amonago yige nana'o intami mana kasi baya sem. ⁶⁶ Naye intiriga evege simi? Ma'nisire sem, fugika ana bemino. ⁶⁷ Ben orasipem kam bi'dem yiya nako are be. ⁶⁸ Yemi semi, "Atede senu sisimeno naiyeyare, emi Kraisi mono emi iye arebe nafi? ⁶⁹ Pitami kugu naupa kumanturem bami mana yogan inim mano yeravem sem, emi Galili waita Jisasi nampa bage'e uganamino, simi. ⁷⁰ Ma'deyu yigauka munatirem sem, emose sewana anene semi buyintagege. ⁷¹ Ontaga kumimi ena yogan inim amonarem minifim banu yiyimem, Nazareti waita Jisasi nampa mana waita bage'e ugane simi. ⁷² Muna eram baya nampa sem, mini baita bu amonagauna waita mi. ⁷³ I'naem mana'a itage wage'e oyi Pita nanti semi, fuga ugane yemo no'eyom waita yupike emi mana wanami. Nayeyare, emo ami senoyi senu sisimem emi yepikem mana wanam. ⁷⁴ Eram baya nampa savi baya sem, mini waita bu amonauna waita mino simi, kamore'a ya Kokori asem. ⁷⁵ Jisasi sigam baya Pita omaren intem, Kokori'a busina kamore'a ya bu simonage sinonam i'naem mapa oravem anon ifi ragem.