¹ Jisasi faroka baya nako ma'nisirem yiymem, ² "Inaru magumi kimano beyanika anasi aya ira sesa ewa ka'na ugem. ³ Beni yogam waita yu yiyikem bega yarauna waita yu sina yego mana anom omaka simifo buyemono. ⁴ Enaba kimano ena kato waita yu yiyikaremsem, Yarauna waita yu yiyimego, "Amonano yunanu sesa ure ruke burumaka yu arure made anene sesa ure makau. Mana mareti omaka yego. ⁵ MInugamifo, yenya buyintanti ifade buge yige uga. Mana'a yunapa bomi mana'a yenyi moni yogaka buga. ⁶ Mana'a mini kato waita yu fakare yiruma fuduka. ⁷ Kimano arakami, ena yogambaita yu yiyikami bomi oma mini inimwaita yu yirure yeni magu agante eynyianom magu anakaem mono. ⁸ Ma'nisirem beni kato waita yu yiyimem. " Mareti inayom a'i sesa uga, ⁹ Yarauna waita yu buyigafo bega ananapa bam watanasi yivige mana omaka yego. ¹⁰ kato waita yu be apim banu oma yivige yiga, savi ba awogu waita yu yivige yemi mini anona ma itugem. ¹¹ Kimano yeravem mini waita yu yimonarem mana waita amonami mareti unambado buyimi ¹² Kimanao sasamem, 'Itenure mareti unambado buyurukave? Mini waita a'ba busiga. ¹³ Kimano benim kato waita yu nanti sem, "Mana waita aiyayam nanako antaure ayufune wam magufim intafogo, mini magufim watanasi yu'yivisi eve yiwayam neve ifidage wapim. ¹⁴ Amuna yararukam manamana yivigatem". ¹⁵ Inaemi Farisi yu muna sire Jisasi fakarante bai yami antaem ¹⁶ Beni kato waita yu waka sasakami Herotini akum nampa bem. Jisasi nanti sem, "Tisa o intafunami emi fuga baya mana sire Kotina mana yiyimide beni atekam ayika yivige bewanamino. Mana wayini intinti bu awakure yenyi anta burayime wanamino. Mana yom anta mana maside yuka ewanamino. ¹⁷ Amakaga eni intinti yiyimite wafo? Amakaga senu lo awakunte takisi Sisami ameteyarafo? ¹⁸ Jisasi yenti intiru amone inte ugem sem, "Naugaya semi makasirantege? ¹⁹ Sigatego takisi aiya inagom moni, Mana denarusi amaka tu srini (20t) mare be waka yemi, ²⁰ Jisasi yiymem, "Iyen avi nampa orasi mini moni amuga benafi?" ²¹ Ma'nisire sasamem, "Sisa" Jisasi yiyimem, "Naye anene Sisa ninta bagana Sisa ameno, afo Kotininta bagana Koti ameno. ²² Mini baiya intare bena o yerare buge yige uga. ²³ Mini nuram mana'a Saidusi yu ma'nisire sewano, fugite bu itavinonam Jisasika yeravem intaemono. ²⁴ Mi'nugami "Tisa o Mosesini lo mano ma'nisiren siga, "Mana waita mano anasi rukem iyaonti imakem fuginami, mini waita manoni afa awa mini inim mantem benafa awani iyom magano. ²⁵ Sevenia afa awa wapim a'naregeno anasi mantem iya'om bumagem fugemi benana yera afa awa yuka ruka. ²⁶ Ben anekeno manayom anta em. ²⁷ Yen yipakeno ba manayom anta mana ure fugomi mini inim mano yen yi;nepa fugem. ²⁸ Itavinayom nuram mini inimi iten waita nampa batenafi? Made yu bemi mantukage eyom. ²⁹ Jisasi ma'nisiren yiyimiduka, "Yigen yafim agagabuga nayeyara Kotina buyintage beni eranti bu amonaga. ³⁰ Mini nuramo itavinayomi wata nampa anasi manafim bar anta iwate, nayeyara ankero yu amaka banayom. ³¹ Fugintike itawe wam anta yige bu yanta ruka naye Koti sigami. Ma'nisirem sem, " ³² Semi Abrahamuni Koti be, Aisakini koti be Jekopini Koti be'? Kotimi fugim waita yu i Koti ivem, fa bam waita yu yi Koti bem. ³³ Watanasi mini baya intare amuna intiri uga. ³⁴ Farisi yu intami Jisasina mano Saidusi yu ya kepami manafim oma uyuge ami anta emono. ³⁵ Yen yi'wanapim mana Farisi waita lo manoni intim waita Jisasi makasirantem intaem, ³⁶ 'Tisa o teni'a lofikem iten lo mano anoni ugem made lo yuba yakagabugene?" ³⁷ Jisasi ma'nisrem sasamem, " Koti Ano'na aiyeno en ara nampa eni maside inti nampa aiyeno. ³⁸ Mini lo mano ena lo yu ba yakagabugem. ³⁹ Ena lomi ma'nugem, "Eno aiyigara ono emose aiyewanayi ure. ⁴⁰ Made lo nampa kasanampa yu' yami mini kam loga ikanugem bem. ⁴¹ Farisi yui fa uyuge bami, Jisasi mana inta inti yintaem. ⁴² Ma'nisiren sem," Kraisi nanti iten intiriga evege? Iyen agaga benafi?" Ma'nisire siga, " Devitin aga bem." ⁴³ Jisasi yintaem, '' Aiyo iya ontano Devitipim ararem sem Ano'na, ⁴⁴ Ano'na mano seti Ano'na nanti sem, "Siyan ugapa kumanture bagana eni namugo mante sifim danu. ⁴⁵ Deviti bewapa ararem sem, Ano'na o siten, 'Itenurem Devitin aga batene? ⁴⁶ Mini nura mana bayi ba itarem enaba bu intaemono.