¹ Yemi Farisi nampa Sadyusi yerave Jisasimi maka semo yemi intaemi sigateno mana'a anenemo inaruga fawarinanim. ² Minugami Jisasimi yenya mani sirem yeradem siyimem , '' Ao enanamo, inaruga kemo nareyio ina miniwa abogu ai abogu saganti kugagatene sego. ³ Afo wanurapa, ' sige mani sire sego,mini ai ritene sego, nayeyare inaru nareyiem konamano magum fikaga. yigemi amonama inaruga dega afo dayintega inta naye nurana saganam fawaritenafi, minugami sigemi amonaege mage fawarinanin anene dega inaemo fawarinanin aneneyanti busego. ⁴ Yige wata anasi savi anta nampa monko anta ewayi mini mano mana'a anene fawarinanim afakewam minugami mana anenewa fugasirem fawam buyinani, Jonani kanamana fawarinanim amamino.'' Jisasimi yera yirem buga. ⁵ Ai kato waitayu ena ayapa orabuga, yemi yibikemo breti mare binayonanti ⁶ Jisasi siyimemi, '' dafisego mininaga yigemi yisimi Farisiyu nampa Sayusi yuyinta marafo.'' ⁷ Yemi kato waitayu yeyaranti mani semi, '''seyuyami breti mareya bu yigafunam mini waya senafi.'' ⁸ Minugami Jisasimi yenti waya intarukemi semi, ''Yigemi sito amakuku dukane semi ,nayeyare sigemi yigenanao sigeyaranti sewane. jisasimi mini wayamo simi breti mareya bu yigafunam mini senafi? ⁹ Yige bu integafo semo faipia bretimo 5.ooo waita yimidukauna, afo nade basketi wa nare rami yukurone? ¹⁰ O sevenia breti nampa fo tausenia waita, afo nade basketi akam yunam yukurone? ¹¹ Naugaga intama soke buyege semi breti yara segauye dafima soke ogo Farisi nampa Sadyusi yuyi yisi yanti.'' ¹² Afo inaemi beni kato waitayu intama soke uremi semi breti fina wam yisi yara sevenaiye semo, minugami yigemi dafimara soke urega sigurumo Farisi wa Sadyusi yuo sinayomi buwa marago . ¹³ Ai Jisasimi Sisiria wa Filipa adegade wam maguyuka yemi, beyi kato waitayu manisirem yintaemi, ''' yemi wata anasimi amonemo wata agai, afo yemi intami bemi iyewafi ? ¹⁴ Yemi kato waitayui semi , '' mana'a Jon baptisive siga, mana'a mano Ilaijave siga,afo enomi semi, Jeremaia wafi , o mana kasanampa waita.'' ¹⁵ Jisasimi yemi siyimem, '' afo yigemi intami semi iyewafi?'' ¹⁶ Afo Saimon pitami ben ami yeradem manisirem sasamemi, '' Emi Kraisi mono, wantana Goti agai,'' ¹⁷ Jisasimi yeradem benanti semi, '' Saimoni Jona aga'ano, emi amoyono, nayeyare wata mini intiti emi bu amemono, minugami setifoe inarufa wayi mini anene manta amaka fawarem. ¹⁸ Afo miniwai enanti mani senu emi Pitami, sesi mono mai mini on amuga uwaranu . Fugintanoni erantano manta dawa buyinani. ¹⁹ Semi emi amenu kotini magukakena kimi .minugami naye anene mana magaga uyaganonami Goti wai uyagatemi inarufa wa, afo naye anenemo mana magaga ifadanami Goti wai inarufa ifadatemi.'' ²⁰ Afo Jisasimi beyi kato waitayu siyimemi fugasire senanti Kraisi wane sire bu siyimego. ²¹ Afo mini nuram Jisasi agoyantemi beyi kato waitayu siyimem beyaranti ai yewayege Jerusalemi be'i ,, amu'na umati a'nom waitayu nampa het prisi yu nampa lo manoni intim waita yiyapikem , siruma fugi'i , yewayegem kamore nuram yakagana itabote. ²² Afo Pitami avigem Jisasimi awafa maro magem erarurem sasamem, manisemi, Anonao,' mini aneneyu en adeka buyemi eka fawam buyinani.'' ²³ Jisasi wayedem Pitam sasamem, '' Wananom afo'ono sekake, emi seti ami uyagewana , emi intama anonayi iyewana Gotini aneneyanti , emi intama anonayi ewana wata yuyi anene yanti,'' ²⁴ Afo Jisasi beyi kato waitayu siyimem, ao manawayi semo siwakuritemi , ben aumi magafin dena , afo beni maripo ya mantena semi siwakurinno. ²⁵ Wata mano aum mantem wananinato anon intiri emi aumi bu maratem, afo wata mamo beyaumo setivipimo rananiyi bemi mini aum maranani. ²⁶ Afo mana waita mano mana magagakem maside anene maratemifo ben aumi afi'inam naitenafi ? Wata mano naye meyam yimidena yeradem beyaumi maratenafi? ²⁷ Wata Aga'ano beyafoeni erantim beyi ankerogu nampa yinani bemi meyam yiminani wata anasi yenti awuawaka. ²⁸ Fuga ugam semi sigemi siyimege , yigepikemi mana'a managa itagayi yigemi bu fukei amonanagom Wata Aga'ano kini uwem yinanim.''