¹ Mini nurami Jisasimi ma'i yeraremi bu nom anapa'i oma kumantem . ² Yemi nesu wata anasimi yemanti Jisasimi yaku emo. Minimi bemi kanu fimi oma dauntavemi kumatuvimi afo yemi wata anasimi itama yakuemo bun non anapai. ³ Afo Jisasimi nesu faronka wayami siremi wata anasi yiyimemi, bemi semi intago, mana waitamano magayi urem anayum yogara. ⁴ Anayum magafim intafurami. mana'a anayumi ananapai kugufami numano ai'dem nemi. ⁵ Mana'a anayumano rekam magaga kugufami ameurem darem,nayeyare rekam magagai kugufem rekaka. ⁶ Ugami a'o ai'ganami ameurem asakem fafasitem. anui amegaga bemi anuano nomi bumarem ayakem. ⁷ Mana a yuna yumano fafasemi aviyarare pimi afo dam bemi, aviyararepimi rambimi abiyararemano fikemi. ⁸ Mana'a anayum manomi avogu magafimi fafasivemi afo agami iremo ,mana a mano mana unam amakai iremo, afo mana amano mana siyam kiparem afapake mana siyam agam irem,.mana'a mana waita siyaka agami iremi. ⁹ Watamo agagamo dukatemi emi intama soke urewa mini wayami intano. ¹⁰ Afo naemi yogam watayui Jisasimi manisiremi intaemo, na ugayawa faronka waya fikemi wata anasiyu nampa seveve? ¹¹ Jisasimi yewayegem manisirem yemi yewayegem siyimem,yigemi yimoyogo.nayeyare .Inaru magumanoni aupa wayami sigenapa i amaka mage wane. Mini waita ansi inaru magu amonari iyuga. ¹² Minugami iyemo setah manta yeyirapi intitim buranayoyi mi.yemi setami yivikanayo masidemi seti waya intare yirapikemo maga naniyimi,Gotimi enawai yiminami yemi itukara uvitemo feyam waya yivimi gatemo. ¹³ Mini mi ugami afo semi faronka waya fikemi sewau.Wata anasi yu nampa waya siranti nayeyare,yemi amonemo semo una yantai, ugami yemi setami intaga,afo mini wayamanoni anta intama soke iyuga . ¹⁴ Kasanampa waya Asaia sirukage'enimi wayami ma mini wata anasifim fawaremino semi,emi seta intanonamifo intama soke buyinonam mini wayamanoni anta intama soke buino.Semo uwaranuna antami amonanonane.Afo emi amonama ani buinonane mamini wayamano anta. ¹⁵ Afo enawa'i man'i semi,wata anasi yira'i era ugaraugami yemi Goti nami buintari ugami.yenyugam uyakamise enayantawa buamonemi waya wa bu intatemo, ye yirapike intama soke buyitemo,kanamo kumi'o yeraremo anenura'i semi yemi yofa onu. ¹⁶ sigemi yimoyogo semo uwarauna yanta,amonananti,intama sokeogo semo suna wayami. ¹⁷ Semi fugami yigemi yiyimeu,nesui kasinampa waita nampa atekam inim waita feyapa yemi yiyigara e'emi yigemo magemo amonewam yantagati,afo bu amonaga,yiyigara uga magemo intewam wayayanti,fugasire mana wayawa buyintaga. ¹⁸ Intama soke ogo anta waya watamano yunam anayum intafurukam fronka waya. ¹⁹ Mana waita mano Koti ami intarem manta beyauka intitim burayimi yunamyumo ananapa kugufa nanta emi,savi waita wananomano ameurem yeravem mini waya arapike manta fasadem. ²⁰ Ame uremo koti namo amo napao marewam waitamanomi,bemi manugemino yunam anayumo rekam magagao kugufani emi. ²¹ Wata manomo Gotini ami mantemi amakukumi aki kanaga emi, afo manta ma arapemi wa intitimi wama soke buemi.Mini wata mano ameuremi amakukumi yeraratem, . ²² Wata manomo Gotini ami intaremo intiti wa arapimi magayimi, ugami bemi nesu intirio emo monei manta duwantu iranti, onta nampa mana magaga kena mana magagakena yantaganti intem Koti nanti bu intemi.Kotini avu awai buemi. Afo bemi manemi yunam yumo avi yararepimi fafasini em. ²³ Wata manomo Kotini waya manta arapim ba intitim ba mademo awakunta soke'o inaniyim bemi yuna yumo avogu magagao fafasibemo afo avogu agami iremi. Mana ami amaka mana unami iremi yuna agami afo mana mi sixti'a agami irami afo mana ami teti'a agami irami enawa amugagiurem agami iremi. ²⁴ Jisasimi enawa'i faronka wayami wata anasifmi manisemi, Gotini magumanoni wayami manuga, wata manomo avogu yunam yumo manemi antivi yumi beyi yunapimi yogani emi. ²⁵ Ugami yemo yunaka'o dafisewam wata yuo babuwomi, yunan afoeni namugo yu ano yerabemi savi namantano agami maremanti intafuremi uyaemo. ²⁶ Antivi agami manomo kafam bemo, dam bemo agoyantem agamo irami, savi namantano wa'i daremi. ²⁷ Yuna afoeni yogam waitayuano mare yunam afo'em sasamemi manisemo, senuti anonamano'o, eni avogu yuna yumi eni yunapim rambipim savi namanti iteniurena darenafi? ²⁸ Yunan afoe semi, seti namugoyuano mini savi nanti yogemono, afo yogam watayui manisire sasamemo, Emi intanami mini savi namanti kanawai seyuya maromanti daduwofanuyo? ²⁹ Afo yuna afoe semi, Buve, yigemi buwa daduwogo, agagei namanampa antivi yumi daduvifo e'ago. ³⁰ Ifadanam savi nama nampa antivi nampa manafim dare wanana yu nam manti kana yino. yunam manti kana yinaga manogo,savi naman nare dadurega antaumagaga igafimi agarano,minurega'i naemi antivi anomi a'ima manafim seti yunam naupa magago. ³¹ Naemi Jisasimi ena faronka wayami wata anasi yiyimemi. Bemi semi, inaru magumi manugane mana yayagam watamano mantemi beyi yunapimi yogemi. ³² Mini yayagami sito agami yunam awanapim bemi mana'a yunam ba'i yakagatem, yunam awanapa bemi wata yogewampim aose daremi anonayi inami,bemi anoni emi mana'a yunam wa'i numanowa'i mini yayamaka'i anam ba'i uwaratem. ³³ Jisasimi ena faronka wayami wata anasimi yiyimemi semi, inaru magumi manugane yisimo farawapim wayedamo intogewani em,mana inimano sitoa mantemi kamore kapi farawam napa wayedami intokara emi. ³⁴ Masiden nuramo, Jisasimo waya siranti wata anasi yu nampa'i, bemi faronka waya fike mana yenampai waya se'emi. ³⁵ Bemi minewami manemi wayami amakagi mana kasanampa waita feyapa agantukami. Mini kasanampa waita mano semi, semi wayami faronka wayafike mana mi senu. semi wata anasiyu nampa waya siranti mini faronka wayafike manami ami sire'i ami yoyivi ganuno wata anasimi aupao wam yantaganti,agoyante'o inaruwa magawa uwarauna yanti. ³⁶ Jisasimo wata anasi yera yiremo naupa bim kanafimi, beni yogam watayui yerave sasamemi mani siga. kanawa emi seyuyami sisimima soke iteve anta wayami mini savi namanto antivi yunapimo darewam wayami. ³⁷ Afo Jisasimi mani siremi yiyimemi, watamo iyemo awogu yunam yumo yogami minimi wata aga ganta emi. ³⁸ Yunami mana maga yanta uga, afo avogu yuna agamano manemi wata anasimo Kotini waya awakure wayi ka'na ugane, afo savi namanti manemi wata yuo savi anta emo setamose bu intem awakure wayimi wanano ami intewa. ³⁹ Afo mini namugomo savi anayumo yogami.Mini wananonanta em ,. Yunamo manta duwantu inayo kanami, minimi wafa'i mana magaga uyamaka. Afo yunamo manta duwantu im waitami mini Gotini Ankero yui. ⁴⁰ Minewani uremi ma'dem savi namavti kuyuma manafim demi iga agaretemi, , Kotimi rafisiri uwemi masidem wata anasi dayi matem, mana magamo kipanami. ⁴¹ Wata aga anomi Ankero yui yiyikanami bemi, yemi maro manti maside yantao wata anasi kumipim yanduyike wam manta fasadatemi, iyewafi Koti amo bu inte wananiyi nampa. ⁴² Ankero yu ano mamini wata anasi ,intafuegemi anona igafim datemo, i yemi yi i maremi, afo ifi dagemo, afo yiwayami arafitemo. ⁴³ Mini nurami atekam wata anasi onanta katemo Kotini magufim. Watamo agagam makatemi intama soke urewa mana waya marano semo sewauna. ⁴⁴ Kotini magumano avogu yanta ba yakagara uga. Mana wata mano mana magamo yunam yogara afakani em bemi maga audemi yerademi anonyanta ugami aiyofem, bemi beyi anene yu'i maromanti yauga'i yimidemi owayegem mamini magami mare aiya em. ⁴⁵ Afo inaru magumi anom meyaka wano afo watamano awogu meya kake marewani ugane beni meyami yakagara uga. ⁴⁶ Bemi mana awogu yanta amonaremi beyi anene maromanti sarinuremi owayegemi mini maga ye ayauruka. ⁴⁷ Afo , inaru magu manomi minugemi mana wata manomi noyai fakaranti wasemi nopimi intafuremi fakemi nesu avipike avipikena noya'i. ⁴⁸ Wasemo itugami, noyao fakewam watamano wasemi dilifemi awafa yemi. bemi kumakemi avogu noyagu a'idem maregemi yaufimi magemi, afo noyaguo avogu bu uganui intafimi bemo. ⁴⁹ Maga kipakai, mayayio antami fawaritemi watayu ka'i, Ankero yu anomi savi watayu'i manta fasa datemo wata uga pikemi. ⁵⁰ Yemi mini savi watayu'i intafu egemi anon igafimi datemo, yemi anon yu yoivisi'i marevemi ifi'i dagatemo, yiwayami arafitemo. ^{52 51} Afo naemi Jisasimi beyi yogam waita yintaemi yigemi mana waya suna intevege?,beni yogam waita yu'i semi intewasu wauno. v52 Jisasi mani siremi yiyimemi, iyemo mana faronka wayamo intama soke inono inarufa Kotini yogam waita wanonam, yemi ma afo'e yi itemo.Ma afoe mi wafa nampa auwen anene yu'i beyi naupake marevemi. ⁵³ Jisasimi wata anasimi masidem faronka wayami yiyimi demi, Jisasi nampa beyi yogam wata yu nampa mini magu yera remi bemo. ⁵⁴ Yemi Nasareti i bemo Jisasini magu antafai bemi jjuda yuyi mono mapimi wayami yiyimemi. Kotini wayami wata anasi yu'i ben ami intaremi era yogarui uwaranu'i amonemo. yemi antuduremi semi, mana waita manomi iteakena avogu intiru, eraru ite akena marene. ⁵⁵ Fuga ugane mana waitami ma uware wam waita agagafi? Fugawa be anoemi bemi maria, afo ben ayomai. Jemisi, Josepi, Saimoni afo Judami. ⁵⁶ Ben ayoma nampai, maside manomi senu nampa'i bemo a? Ugami mini intiru nampa eraru nampa ake yogaru ite akena marenafi?. ⁵⁷ Yemi yira umanti demo Jisasimo uwara yantaganti, ugami Jisasimi yiyimemi semi. yemi wata anasi yu'i ena akupike nampa ena magufike kasanampa waita yivigari ugam, ugami yemi mni kasanampa waita nampa beni magumano, yemi avima soke buyemo. ⁵⁸ Bemi nesu anona yoganti bu yogemi mini ayapai naye yarafi, yemi bemi yima kuku bu uakemo.