^{2 1} Jisasi waya siyimi demi beyi katowaita yirem anomagufa bemi mono baya siyimira Joni nom mangikewa waita nari uram kugemi jisasi yogam maram waya intarem mana waya nampa katowaita siyikam bemo. ³ Mini sirem sem,'' Emi sirukam waita yewafo, naemi enna waita yitenafi? ⁴ Jisasi mani sirem siyi memi, ''Yigemi bega Joni nom feyikewam waita maro samego, amone inteom aneneyu maro sasamego. ⁵ Yugam buamonewam waita yugam amonemono, karere waita yi ugam demono, savi aii makayi yofaim maremo, yagagam atikayi intemo, fukam waitayu itavemo, minugami soke anene fawarimi enomba yiyimemo. ⁶ Iyemo semo savibuyuyikauno yimoyogo''' ⁷ Mini waitayu bomi,Jisasi Jonnini nom feyikewam waita manoni waya yiyimemi ,'' Wata buwam kamapa Naye o'amonane, mana asayami nom anapa wami susuwa mano daduvenafi? ⁸ Minugamifo Naye amonarara bonafi, soke unambado urukam waita amoneyafo? Avogu unam wado ewam waita Kim mano amapim bemono. ⁹ Ugamifo naye amona rara bonave-kasa nampa waita wafi? Eyo,semi mani sire sasamewauno,bemi kasanampa waitayu yakagagayi. ¹⁰ Mini waitami wafa benanti sirukam waita. Amonano sesi yogam waita yigewapa ami marem bino yanti a,i wafa sasakakau. Bemi ananta bemi ami ategananim. ¹¹ Fuga sire siyi mewau, Anasiyu iyaom maganayom pikemi manawayiwa anonayi buyitemi Joni nom feyikewayi mana. Minugamifo Kotini maganopa anom yivi burukayi, yemi anom yivi i magatemo. yuo madukayi fike, mana wayi Joni babu yakagaga. ¹² Joni nom feyike wayi ni kana gake Kotini maganopa yem mage kanaga, aruvim asuvim fawarimi, aruvim waita mano era rurem Kotini nomaga marem. ¹³ Kasa nampa waitayu rafisim waita yu kasanampa waya sima manti, Joni nom feyike wayi kanaga marere mono. ¹⁴ Afo emo mini waya marante bemi kasanampa urukam waita Ilaija. ¹⁵ Iyemo agagam rukanoyi intana mino. ¹⁶ Naye intim semo rayima nuna mana ininawa yiwanapa? Iya oru kasi ewaniem.Iye wafi kumakyi arawokam emono. ,' ¹⁷ Simoyewa funa , amo buewana, sigum manteya ifidage wafuna ifi bu rage wana. ¹⁸ Joni soke yunanu bunaga, yemi semi, 'Savi awamu dukane siga.' ¹⁹ Wata aga ano yuna nevem non nevem ewami amone mani semono , 'Amonago, bemi, amuna yunam newem, anom aniana ewem, bemi soya marewayi nampa kumi waita yiwao. Minugamifo avogu intiti anopike yevem. ²⁰ minugami Jisasi mini taunifim wayi yisi duka wata anasi, mono waya buyin tewami, naye yara yemi yui bu wayekamise. ²¹ ''Siguno, Korasini.' Siguno Betsaida! Ano anene yuo fawarim Taiya wa Sidoni wa eka i fawarene, wafa au waye gari ugam rayi dayin ugam unam waro ure yunti fede. ²² Uman tanoni umanti mara nagone Taiya wa Sidoni wa konu rami. ²³ Emi, Kapenami, Eintana inaru mano anonavi amiteve?Buve, iga magufa kumi inonane. Sodomi uga anta epimba fawa ritene,fami miyio anta magewa. ²⁴ Uga mifo mani sewau, Sodomi fawa rugamba yaka garem eka fawa ritene.'' ²⁵ Mini nuram Jisasi mani semi, ''Enavi yani uno, Inaruwa magawa uwan tukano, naye yara eyi intika manta fawa ruruka nove, Minure eyaga fanta miniga yikaga. ²⁶ Eyo, Setifoeo, eni amonaka soke evene. ²⁷ Setifoe semi inta simi duka, mana wayi benaga Aga anom buamo naga, bena Foemana mana amonaga, aka bena Foemba buamo nagam benaga ano mana amonaga mise benaga anomo faka naniyi soke itene. ²⁸ Sepa yego, masidem uma mare wayi, yiga oya uyikano. ²⁹ Semo yigauna ayim awaku rogo, sepike faru anene mara nago, soke aumi mara nonane. ³⁰ Sepimo yitemi umaru buma rano.''