¹ Afo jisasimi ano waita ansi yimonemi, bemi anufai urem[,afbemi kumatuvmi yokam watayu bewapa yika. ² Bemi ai akoyantem yokam watayu ami manisiremi yiyimemi. ³ Masidem wata anasimo gotini anenefimo savi uremo wayimi yemi yimoyoko, naukanafi gotini makumi yenyitami. ⁴ Masidem wata anasimisikuno siremo ifirakewayimi yemi yimoyoko naukanafi gotimi avoku uyikatemi. ⁵ Wata anasimo yeyumo makafimo dewayi mi yimoyoko nayeyarafi yemi auwem magumi maranayo. ⁶ Wata Anasi yandewami yimerako ayakewami G otini ateka antayati yimoyoko Gotimi yemi ituyikanani. ⁷ Masidem wata anasimo enonato akunarewana yikemi yimoyoko gotiwai yemi minuyikatemi. ⁸ Wata anasi yenyira anomo sese ukananiyimi yemi yimoyoko yemi Gotimi amonatemo. ⁹ Masidem wata anasimo asuviruo aruviruo mata makapao dewayimi yimoyoko, mininami yemi yividemi gotini akeka ti sinayo. ¹⁰ Wata anasimo gotini ateka antamo ewayi, mini atayanti umanti marewa yemi yimoyoko nayeyarafi Inaru makumi yenyitamina. ¹¹ Afo wata anasimo savi yisirio uyikemo savi antamo uyikemo savi wayayu siyikemo muna waya mo siyikewayimo, nayeyarafi semi siwakurewami yikemi yimoyo. ¹² Yikemi yimoyoko,nayeyarafi gotimi anona meyami yiminani inaru makufa. naukanafi manayon anta miniwata anasi wafa wakeeyoyimi profetiyui savi uyikeemo. ¹³ Yikemi makafike sorimo.mininamo sorimano beni aseamo ifadanami, iteni urena beni aseami owakeya marateyanafi. imi awoku itemi,mininamote itafuremi yinakomi kasekasufarano. ¹⁴ Yikemi makafike omona.mana makumo anukao wami buayofatemi. bumi manawayimi omi itidemi basiketi amenapai ayofano, bemi yanafai fakai rano, mamini omanomi sakatemi naupai. ¹⁵ bumi manawayimi omi itidemi basiketi amenapa ayofano, bemi yanafai fakai rano, mamini omanomi sakanti naupai yimitemi. ¹⁶ eana eni omanowata anasiyupi omi ka, mininami eni aboku antami amonatemi ano avii enafoemi aminayo inarufai wami. ¹⁷ Yikemi mini intiri buyoko,semo yunami akewaya savi ira buyikau aa profetiyu yami. Se mi yemi savi uyikara buyikau. Yinukamifo semi yemi amakaki uyikaranti yikau. ¹⁸ Fukaukami semi yikemi yiyimeu i naruwa makaw a kipatemi,bumi mana wayami akewafike, amaka bemi fuka siremi madem anenefi amaka inani. ¹⁹ Afo minukami manawayimo imo akewayamo awakunta soke buyemo bemi enomo yiyimo manayoni oko, bemibumi gotini makufimi ano avii maranani. Afo manawayimo awakunta akewa soke emi enomi sasaminani mayayo inani. Bemi ano avii gotini makufimi maranani. ²⁰ Fuka sirei semi yikemi yiyimeu, afo yikeyi ateka antami bumi yakaka uka ateka antami akewaya mano sisayu ano watayu, yikemi bumi amaka inaru noma kaka binako. ²¹ Yikemi ai intaruka masirem wayayu yikeyikao yinafuni nurami, iwa ena wata anasi aruma fuko, afo mana wayimo ena wata anasimo aruma fukemote kopimi bino. ²² Minukamifo semi yikemi yiyimirare manawayimo ara umanto beyafa anore makemote, bemi kokai bitemi, afo mana wayimo beyafa anonati minisemo fipia wa itamono, bemi kanisorikai bitemi. afo mana wayimo semo enati oene, bemi ika makufimi bitemi. ²³ Minukamifo yikemo ofairate ofa kantataka yikemi yike yifa awanati ara umadukeke sevewa na. ²⁴ Afo eyi ofami kantataka dano. Afo anatai enarewa eyafa awanapa mana araka rewa, inaemi kantataka ofami ra. ²⁵ Yikemi ame ureka manta mana araka deka wata manowafi anasimano wafi avikemo kokao birarewakana, aka inana kawawaitaka abikem bipo, kawa waitayu abikemmi porisimi maro aminami abikemi maro karabusi ipo. ²⁶ semi fukami yikenati seu yikemi amaka bumi mapa kuminako karabusi vike amaka eyidinami amide mana mapai yino. ²⁷ Yikemi ai intaruka, yikemi wawa anasiwa savi antami buyoko. ²⁸ Minukai semi yikemi siyimewau yikemo amonewamo mana inimanomo ena inimo aukam narua kewa mini inimi, yikemi ai savi antami yikeyi yirapimi ewa. ²⁹ Afo ayan ukapa aukamano kumio ewakana mini aukami fitima fasa da. eanana madem aumano ikafi bipo, mini avokuana inani manapa aumi aviinani. ³⁰ Afo ayan ukamano emo kumi uakewa kana afo akefare intafura nabi. Eana madem aumano ikafi bipo.minimi avoku inani manapa aumano aviinani. ³¹ Ami mini wariuka, afo mana waitamanomo beyi anaomi sasakatemi bemi waya radewa yami amitemi. ³² fo minukami mana waita mano beyi anaomi sasakatemi mini inimanomi bumi savi anta uruka, bemi mini ininati mata savi inine sino. afo ena waitamano mini inimo marananimi enamo be awafu mareti rada nani watamano savi anta uranami. ³³ yikemi feyapa intaruka, buwa munai sewa urino fuka ukane seno bayamo erarirante, minu kaka naote mareka anonamano wapaka ye. ³⁴ afo semi yikemi yiyimeke, buwa setivi reviwa inaru fake se yekeyamo ake irante nayeyarafi inarumi gotini kini kantatami. ³⁵ buwa maka avii rako yike yamo akeirantei, nayeyarafi mana makami gotimi ai rewakai, buwa jerusalremike sireka avida, yike yamo akeirante, nayeyarafi mini makumi anona manonitami ³⁶ Yikemi buwa yiyami yinoka da yikeya akeirante, nayeyarafi yikemi bumi amaka yinoyaumi uwaranako yinoka amaka manta kasi inako aa erari itenafi. ³⁷ Afo yike yamanomi eo sitekafo afo eo siteote yikeyamano buwakana ote afo aa ose. Afo yikemi ena wayawa amakakika itewafo mini waya amaka itemote, mini wananomi fake yewa. ³⁸ Yikemi ai intaruka madem wayayu, afo manawayimo enakaumo savi uranami. Ewa bena kaum waka saviura, afo manawayimo e awayamo radarana, afo be awayamba rada. ³⁹ Minukai semi yikemi siyimeke, buwa yewayeke saviuyika. iyewafi emo savi uakananiyimi. Afo mana wayimo emo mana awafa anatamo ikatana afo mana awafaba danana ikami. ⁴⁰ Afo manayimo eni sotayato aye wakana avikemo kokao bina, eanana mini sotami mara. ⁴¹ Afo mana wayimo erarure yikenato asemo benapa boko mana mairika, afo benapa boko ka mairika. ⁴² Ameno iyewafi intai naniyimi, buwa a ao seno epike nari irasiya. ⁴³ Yikemi ai ami intaruka, yikemi yikeyi anaomi ayeno. Mineka yikeyi namukoyu savi buyuyika. ⁴⁴ Minukamifo yikemi yiyimeke, yikemi namukoyu ayeviwa aukami mukuaka emo savi uakewananiyimi. ⁴⁵ Minei yikemi benakaki inako yike gifoe inarufa wami. Nayeyarafi bemi ai rami remi ai ramikemi avoku wata anasi kawa kumio ewa wata anasi kawa minimi aiyomi rami kumewa atekayikawa buateka wata anasi kawa. ⁴⁶ Afo yikemi yiyewane, yikemo yiyewayi, yikemi iteni ukam meyana maratekafo? watayu takisimo mare mana yon antamana ewane. ⁴⁷ Afo yikemo yikeyi akantayuo avoku uyikewami, yikemi intami yikemi enomi yakakevive, mademi mapao wayuwai mayayon anta mana ewa. ⁴⁸ yike yifoe inarufa wayimi atekara uka, minukaka naote yikewai ateka antamana oko.