¹ Mini kanafim joni mono nomo fegike wagi yeravemi sima fawaremi avogu wayami anene buwam magufimi Judia afo semi. ² Yu'i wagegago , inaru fakena eranti adekai yigane, ³ Mini watami bemi profeti Asaia mi benanti semi. Mana awauntano kamapakemi, ami manta ategago, Jonimi unam wadomi uruka kameli arantaga uwantukami ⁴ Jonimi unam wadomi uruka kameli arantaga uwantukami letimi uruka newam yantagu yirantagai . bemi yunami fintomwa afa bokafum amu wai. ⁵ Masidem wata anasi Jerusalemi kemwa Judia kem wa afo masidem ayapa Jodani nomo buga pai. ⁶ yemi yeyi kumi i sima fawarurami afo bemi mono nomi fegikemi Jodani nopimi. ⁷ Ugami bemi yimonami nesu Farisi yuwa Sadusi yui bekai yema nomi mararanti yemo, bemi yiyimemi yemi , yigemi uwa memamano agafantami , iye yigemi yiyimena uyauvitege umanto fawari nani pimi. ⁸ Yigemi irago agami kumio sima fawarinti afoi yui wayema sokeogo ⁹ Yigemi inte inte buwa ega waya sei, Abrahami mi seyuya sinaumi semi fugami yigemi yiyime i manemi , Kotimi bemi amakai mana onamugui mantati Abrahamu agagi itemi. ¹⁰ Sasumi yayantafimi wa , ugami yamanomo avogu agamo bu irarami yema akefami kuminanimi igafimi intafinayo. ¹¹ Semi yigemi nonakomi fegikei yigatei yigemi fuga yui wayei kumi anta ifadami . Ugami watamo setinekao ose yewayi bemi anona akei duka, afo semi yakagaga afo semi bu avogu wata buwau beni sumi marantimi bemi yegemi ayo aga nampa iganampa. ¹² Bemi fakemi fokumi antivi kuyufewami beyayapim fipiagui kuyuma soke uremi afo manta duwantu emi antivi magewa mapimi. ugamifo bemi agaratemi fipiagu igami bu futime wam igafim.. ¹³ Jisasimi Galili yeraremi bemiJjodani nokai Jonimi manuma mono nomi fea kano yanti. ¹⁴ ugami Jonimi bemi uyagaranti , afo semi , ekai nomi maranu, naugayawa sekai yeve? ¹⁵ Jisasi benami ano emi sasamemi , e anam minuma fawari manta amakagi maside yanta Kotini avikai , afo Jonimi minimi emi bemo sini i. ¹⁶ Jisasimi mono nomi manta rami ame emi nopike untavimi afo inarumi divimi afo Kotini awamu ano kumemi mana nunanta ben anoka kumantemi. ¹⁷ mana aranti inaru fakemi kumemi semi mani semi, minimi seti ain agage bemi semi , siyigara uakewau .setira ano simo uakeu benanti.