¹ Jisasi yogam waita yu mani sirem siyimemi, " Mana moni waita beyi dafisim waita berewam mana'a waitayu yerabem sasamika . ² Eni dafisim waitamano fafimi eni anene anakaem'; moniwaita mano beyi dafisim yokam waita intaem, "Manami naugam baya semi inteke? emi semi masidem aneneyu sisime enayawa emi dafisim waita iyino. ³ Afo mini rafisim waita mano mani sirem samemi, Semi naonu anom waita mano mini yoganto manta fasadana'i? Eram buruke maga buyufo teu, intaira sigaye emi. ⁴ Semi na'o tegafu semi intagau, wata anasi sivima naupa ranoyo anom waita mano yogan tike sisikanami. ⁵ Afo yaremi beni anom waita manopike nari'ugayi. Anata'o yiyimi intaemi mani semi, Emi nade nari onave eyi ano waitafike semi? ⁶ Mani semi mana unam wasabe nesimi. Afo rafisintano mani semi, enavika nari ukam afauti mate ameure kuman tuve man siya yaki wasavene sire agara. ⁷ I'naem ena waita yeravim rafisin tano intaemi, Nade'nari onave semi? Mana unane . Eyi afauyaki mate akare afapake mana siyane kamore yakive sire akara. ⁸ Ano waita mano rafisim waita mano sim intemi, mini savi waita mano avi yani emi nayeyara, awogu inti maremi yogam dananim. Magaga anta awaku rewayi nesu ayimi amonaga yeyi yogari inti. Oka wa waita anasi yuyi antawa yaka gemo. ⁹ Mini sire siyime wau, saviayipa kemo mara monei, eno yofai kaga dago. Minimo e'otei,watayui yigenti ana'oyi itemo yigenti mone'o kipana mi. Yeyimapim yivige bi'i made nura wari wari inago. ¹⁰ Afo watamano sito anenefim dafima soke itemote, amakai anona aneneba nesu anene rafisitem. ¹¹ Afo yigemo rafima fairi ugam moni'i rafima soke buyite ote, iye yigemi moni yimitene? ¹² Yikemi enoyi moni dafima soke buye' afo yiketi moni iye yimitene? ¹³ Mana waita mano kam dafisim waitaka buyogate ne mana wayim ayiakem mana wayim ara'uma amem, mana wayi a initem mana wayi a buyintem. yiyem Kotiba mone wa bufaka nagone. ¹⁴ Farisi yu mone ganti ayikara emi Jisasi mono waya sewa buyin temo, imi sakemo. ¹⁵ Jisasi mani sirem siyimem, wata anasi yugaka awogu anta uwa rare semi, afo Kotimi senu sirai amo naga. Wata anasi intamo soke ugane, Kotini auga kai fa'anene itemi. ¹⁶ Kotini lonapa kasa'nampa waita yu yami, era ugem bami mi Joni nom manyika waita fawa ruga Jon akoyatem Kotini inaru fake abugu baya semi madepa bemi. Nesu wata anasi upe garare siruke anu yogewa. ¹⁷ Mana magara inaru afi itemi. Ugamifo Koti ami mana bu'afi itemi. ¹⁸ Mana waita mano beyana'a sasa kanam binamo ena inim maratemi, Mini waita mano famuku anta uwaremi. Mana waita mano mini inim maratemi, benawa fumo ranin, afo mini waita mano kumi uwaremi. ¹⁹ Jisasi mani semi Feyapa mana mone waita wage'emi, awogu anene yu ruka ge'emi. Made nuram soke yunanu ne'emi. ²⁰ Mana anene buruka waita made nuraami mone waita manoni ontaga bave'emi.Namo mano faru wuyugam benavi'i Lasarusi mi. ²¹ Mone waita manoni ontaga'ke fafa sinani yuna narare sirem. Iyamano lasarusi ageke namom uwaride ne'emo. ²² Mana nura anane bumaka waita fugemi, Ankero guano yeavige marun dami Abrahami adeka kuman temi mone dukam waita wa fugimi masi femo. ²³ Au'iyaotano fukem waita yuyi fuka magufim bem, au'avisi maremi. Amona egem mentapa rem . Abrahami lasarusi nampa kumakam amonem' ²⁴ Mone waita mano kaurem ararem sem, setifoe Abrahamiosem, igamano yuka simewa anonai susivisi mare wauno. Aguna ure Lasarusim saka nana aufaka noni urem maresima simafika rana yasi usikano. ²⁵ Abrahami mani sire samemi, Setiga'ano, emo fawa nagai, soke anene yuna duka ge'emono, Lasarusi burukam waita wage'emino. Afo magemi Lasarusi soke wari ugem waya emi au avisip banane. ²⁶ Mana anenemi Kotini ano onti senupa wa yigepawa amaka. Minugami yige wapa buboteyane. ²⁷ Mone waita mano mani semi, Afo minuga nami, setifoe Abrahamino, amakaga Lasarusi mi saka mana setifoe amapa bitene. ²⁸ Faipia setuna fayom fawane. Siyimi naya sewauna magufa buyego ano, au avisi wane. ²⁹ Abrahami mani semi, mosesi kasa nampa waita yu yenampa wane, yenya intata temono. ³⁰ Mone waita mano mani semi, A'ao, setifoe Abrahamio, fukam waita yuyi magufike mano siyimi moee. yuwayekatemo ³¹ Abrahami samemi, Mosesi kasanampa waita yu ya buyinta temi,naureya fukam waitayu yami intateye.