¹ Mana nurami Jisasimi augam mukevemi wami, afo mana beni yogam waita mano manisemi,"Anonao, kanawa emi seyuyami sisiminteve yugam mukinti minuremi Jonimo beyi yogam wata yuo yiyimini iteve. ² Afo Jisasi yeradem yemi yiyimemi, "Yugamo muki rantei manisirega yugami mukogo, "Setifoeo, en avi anomi atekena wano. Eni Kindomi yino. ³ Maside nurami yunami simi nonami mini wayawa kakena amakai. ⁴ Afo emi senu yani umanti sirano nayeyare seyui eno umanto usikayi yenyi kumi'i yire yare .Afo emi e'anana makasinti senuka buyino. ⁵ Afo Jisasimi yenanti semi, "Mini namo manawayimo yigen yiwana pikemo, mana agantamo rukanami bewapa ose ayufu a'wanapao bemo intaemo semi,"Ana'o mano kanawa omare bretiimi simiteve. ⁶ Nayeyare mana seti aganta mage yema fa'waruvi'i yunami amenuna burukege ? ⁷ Afo beni anao naupa wayi bemi sasamemi,semi kayo bu simeno . A'i ma onta uyakane,a'i iyaoru nampa seyu babugafunave semi amaka itave emi breti bu ametege. ⁸ Semi yiyimeu yigemi ma afo'emi avesara itemi itavemo yunamo beyi ana'o mi amiranti, ugami beni ana'o manomi arawoka emi nesuyai, ugami bemi itavemi bemi nesu breti amitemi. ⁹ Minugai afo semi yigemi yiyimeu, yigemi yigaum mukure Kotimi intaina yige ayewan anene , bemi yigem yimino . Yige anene afakatei amonanagom. Yigemi onta arina Kotimi riyikano.. ¹⁰ Masidem waita Koti wapa yigaum mukure intaoyi anene marewami afo watayu bemi afakayi yemi amonevemo .Watamo onta aroyi onta riyikevemi. ¹¹ Mininamo mana aga'ano yigepikemo bemo beyafoemo noyagantose intainami amakaga bemi memami amitenafi? A'a iyaon tanomo kokori amuganto. ¹² Intainami, kanawa ben afoemi mana savi wami ami tenafi a? ¹³ Yigemi kumi wata anasimi, wamifo yigemi awogu aneneyu ana yige yigafanta yime wamino . Minugamifo yigen yifoe inarufa wayi bemi amoyevem Ayo Aga yimitem item waita bemo inaoyi. ¹⁴ Jisasimi mana abunti atikam waita fike savi awamu manta fasaduka . Mini savi awamuano yerarem bimi, mini abunti atikam waita mano ami siga . Amuna wata anasi yintuduga . ¹⁵ Ugami mana'a wata anasi semi, "Bemi savi awamuguo yiyikewami Belsebul ni erakai, bemi savi awamugu yinom watami." ¹⁶ Yemi mana'ami Jisasimi intaemo mana eranti yigatemi fuga bemi Inarufake nomi. ¹⁷ Ugami Jisasimi yenti intirui intaremi bemi yemi manisiremi yiyimiruka mana nom maga fikena kantano radavemo yeyi ranto aruvewami mini nom maga manomi savi itemi. Afo mi'ni namo wata anasi mana naupakemo yeyi anapa aruvimonte afo ye akumi savi itemo. ¹⁸ Afo wananom nampa beni akumo kantim radave yiruvimi, afo iteni urem bemi eranti dukena yemi rafisitenafi?Semi mi'ni sunami nayeyare yigemi senanti se'i Belseburini eraka'i savi awamu manta fasa dewane siga. ¹⁹ A'o fuga semo Belseburini eraka'o savi awamu sasakewana'i,afo yigenyi akum mano iyeni erakaga savi awamu siyikaveye?Yigenti akum mano semi fuga waya busewane sitemo. ²⁰ Afo semo savi awamu'o Kotini eraka sasakewana'i ,afo yigemi omare intago Kotini Kindomi a'i yigane. ²¹ Jisasimi enawai semi, mana eram wata mano maside aruvi yanta oserukatemi, afo beyamakai rafisitemi beni aneneyui avogu uremi watemi. ²² Ugami afo mana wata manomo eranto uremo mana wata nampa ose aruremo temi, afo bemi masidem fago, isantami aruvim asimi mini watamano nintami, afo benama pikemi aneneyui wa'i maratemi. ²³ Wata manomo seti akumo bu watemi, afo bemi seti namugo watemi, afo wata manomo sofa uremi wata anasimo bu ruwantu inaniyimi, wata anasimi yiwakuntana mana mana itemi. ^{25 24} Jisasi enawa ma'ni semi, "Ao mana savi awamu ano mana waita yerarem bemi"afo bemi asam magufa novem bemi mana aumi marananim magu yanti afakatem. Savi awamu ano oradem yeravem amonami benamai seseugem atekem fami wami, afo waita minifim bu wami. ²⁶ Afo bemi yeradem oravem ena 7nia awamu oma yividuka, bemi savi anta nako yakagaruka, afo yemi mini ma aupem owatemo.wafa mini waita awogu urem wage emifo, mage bemi anakavitem. ²⁷ Jisasimi mini wayami sirami, mana inim mano awanapa nesu wata anansi wapimi wage'eniyimi aravoka uremi. "Semi mini inim manomo emi nami amiyimi bemi amoyitemi. ²⁸ Ugami Jisasimi semi minuganayomi seyuyami seyami, wata anasimo Koti amo intare awakurewayi yimoyitemo. ²⁹ Amuna waita anasi enawa yema ruwantu uga, Afo Jisasi semi,mana kanafim waita anasi yemi savi waita anasi mono.Yemi berara anene amonarantem itauruka, miniyi yigatem semi Koti sisika i yigau .ugamifo yemi berara anene bu amonatemo,Yemi Jona ni berara anene mana amonatemo. ³⁰ Feyapa Jona mi berara anene yanta fawaruga, Koti Ninive waita anasi yigatiga. Ugamifo Wata Aga'ano bemi mana berara anene yanta urem Kotini waita anasi yiwanapa watemi. ³¹ Mana nurami Kotimi uga maka waita anasi koi siyi kanani, sauti fakena kwini mano itavem mana kanafikem waita anasi yi savianta sima fawaritem. Nayeyare bemi iyapake Soromoni ni awgu intin nampa save intara yiga.Ugam mifo mana wayi Soromonim ba yakagagayi senu nampa wai afo ben ami bu intewamino. ³² Ninive waita anasi Kotini kokai itavitemo, mana kanafikem waita anasi yi savi anta sima fawaritemo.Nayeyare yemi yeyi kumiganti siguno siga Jona mono waya mo sin nuram.Mana wayi Jonam ba yakagagayi manafim wamifo yigemi ben ami bu intewamino. ³³ Waita yui omi ugade aupa fagetifim bu ratemo.bumino, yemi faka dukami waita anasi naupa bina yoyi, mini omi kewagana amonatemo. ³⁴ Eni agaumi mana bunam manoni omi. Afo eni agaum mano soke uganami, afo eni aufim omano itukem watem. Ugamifo eni augamano savi uganami,afo eni aumano ayufupim watem. ³⁵ Minuga fo emi rafima sokega ono, mini omi epim kevem wayi ayufukapo. ³⁶ Ugami, en aufim wam omano kevemi kumayuo bu wanami, afo masidem bunam mano onanta kanami beyi omi emi agatitem. ³⁷ Jisasimo waya sima kiparami, mana Farisi mano Jisasi ben amapim yunami nano yanti intauruka. Afo Jisasi benampa maro yunami naruka. ³⁸ Mini Farasi manomi nesu intiriemi bemi amonami manem Jisasi ayami bu sese emi yenyi avu ava avakuntemi bemi kumantu vemi nem ³⁹ Ugami anona mano sasmemi mani semi, yigemi Farisiyui seseuma soke ewa kapuwa ferati manoni mapai, afo yigen yupemi ituka yigen yarantana inta ranta yui nampa savi antayu. ⁴⁰ Yigemi o'em watayui ! mana watamano mapa ana uwantena naupa buwa uwantukene a? ⁴¹ Yigemi anene bu rukam watayu naye yantao aupemo wami yimego, afo yigenti maden yanta ano aruma soke itemi ⁴² Afo yigemi Farisiyui, yigemi rafisego, yigemi sagu nampa yunapike anene mana ten api yanta ure amewa mino, ugamifo yige Kotimi bu ayei ai atekan anta yera ifa ruka.Awo ugam itemino yigemo atekan anta rukeo Kotimi aye, afo mana'a lo ui ifa burago. ⁴³ Yigemi Farasiyu'i, yigemi ategago, yigemi ananta wam kagai mantei mono mapimi kumanti ranti evafo, afo yigemi wata anasiyu'i waya wane yiyikago yanti yunamo moneka rawan magufimi. ⁴⁴ Yigemi ategago, yigemi mati mati ganta ayofagani uga. Waita anasimi bu intagemi amuga buge yige ewa. ⁴⁵ Mana age waya manoni yiyimemi waiita mano mini waya intaremi Jisasimi mani siremi sasami ruka, Sisao, waita naye wayamo senomi seyuyami manta savi gugami onami. ⁴⁶ Afo Jisasi semi, yigemi ategago, yigemi agewaya yiyimem watayu'i ! Yigemi minewami waita anasi anona umanti marewa, ugami yige mana anene uwante yemi bu yofae wamino. ⁴⁷ Yigemi ategago, nayeyarafi yigemi mini mati mati gu'i mono watayuo yigen yinau yigao yirurukayimi. ⁴⁸ Mini anta nakomi wata anasi yigatei, yigemi yige yuna'u unanampa mana yirakai wami nayeyara, yemi yogam watayui yirurai masifaruka. ⁴⁹ Avogu nampa ateka inti nampa Kotimi mani siga, semi kasanampa waita yu nampa kato waita yiyikanu namifo yemi savi uyikemi mana'ami yiruma fugitemo. ⁵⁰ Naremi yogam waitayu yintami wayemi Kotimo maga uwanta kake yem magega yeravuga, yemi wata anasimi magemo mana kanagai wayimi sayekemi maratemo mini akumo yogam wata yiru gayimi. ⁵¹ Agoyaranti Abeli kake yeravemi Sekarayamo aro kanagai,bemi mini yogam waita mono naupai arom awanapimi Koti amose sewa kaga kakemwa Koti amakai. Fuga semi yiyimu waita anasi mage wayi maratemo sayekemi waita yu'o yogam wata yu yirugayimi. ⁵² Yigemi ategago, yigemi age wayami yiyimem waitayui, yigemi save kakena ki mi manta fasa ruka yige mana'a bu upe buga, ugai afo yigemi ami uyayikami mana'a mose upegara oyimi. ⁵³ Jisasi wayami sima kiparemi afo mini ma'i yeraremi buga afo yemi Age waya manoni Intim Waita nampa Farisiyu Jisasim yira intama savi uakeve madem madem intainti intauruka. ⁵⁴ Jisasi ami simano aupekem beni umanti afakarante uga.