¹ Mana wayawam sabatigai jisasimi witi yunamano awanapim bemi afo ben yogam waita yu witi agami mantemi asimi dademi nemo. ² Ugami mana'a Farisi yimonemi semi manisemo naugaga mini antayui sabatigai evege? ³ Jisasimi yenyi waya anona emi manisemi afo yigemi bu yantegafo naye yantao Devitimi antirami imi beyi agunampa. ⁴ Goti amapimi upevemi bretimi maremi goti augaka magewami afo bemi nevemi beyi akumva yimevemi naraka minimi age ugam bretimi Pristi yu yinta nevemi. ⁵ Afo jisasimi enawai yiyimemi semi wata mano aga'ano anona bemi sabati dafiduka. ⁶ Ena sabati waya wami jisasimi juda watayu yi mano naupa upevemi siguru yimemi wata anasi mana watami ayan ugam fubugayi wami. ⁷ Lo save waitayu nampa farisiyu jisasi ka i dafima soke emo nayeyarafi mana watafi mana inim sabati gai manta asofasenafi buwafi afo bemo mana yi'o ewananim yofauratemi kotimi sitemi. ⁸ Ugami jisasimi yenti intirui intaruka afo mini ayamo save ugam wata sasamemi semi emi itavu masidem wata anasi yiwanapa itavu afo mini wata mi itavemi. ⁹ Jisasi mani siremi yiyimemi semi yige mi yintaira mosesini lo manoni nayevega sabati nurananti sigene avogu anta ena wata uakateyarafi savi anta uakateyarafi bemi manta savi oteyarafi? ¹⁰ Afo jisasimi masidem wata nasi yimonemi yafemi mini wata sasamemi semi ayami manta apusi mini wata mano mini inim ben ayamanosoke emi. ¹¹ Ugami lo manoni save waita yu nampa farisi yui anom yirami kamise yemi amisemo ite anene jisasimi uakateyafo. ¹³ Mana nurami jisasi uremi anugai augam mukiranti bemi ayufupim agoyantemi augam mukewami maro sagemi. ¹² Afu urevimi beyi yogam waitayu yarama duwantu afo bemi 12 i a wata yu uyarem yibidemi aposoli yuge semi. ¹⁶ Mini aposoli yibi'i Saimoni [iyemo jisasi avi amemi Pitave] afo Endrumi saimoni afai afor Jemisi,Joni,Pilipi,Batalomias. ¹⁴ Matiu,Tomasi,jemisi aifeusi agai saimoni silitini akupikemi afor. ¹⁵ Judasi Jemisi agai afor Judasi Iskarioti iyemo jisasimo namugo yigapi yiminanim. ¹⁷ Afo naemi jisasimi beyi yogam waitayu nampa anufake kumemo afo bemi mana avogu ugam ayapa oma itavemi nesu akunampai itavemi beyi yogam waitayu nampa afo nesu akum wata anasi maside ayapake Judia nampa jerusalemi kem wa Taire wa sidoni non amapake yemo. ¹⁸ Yemi jisasimi waya intewami yenti yi'i soke uyikano yanti jisasimi manta soke uyikemi iyemo savi avamu manta sivi urukayi. ¹⁹ Masidem wata nasimi aneyogaranti emo nayeyarafi anona eranti bepimi yi waita yofainti bepimi wa. ²¹ Jisasi beyi yogam waitayu yimonemi afo semi wata nasimo anene bumakemo fa waya mi yime ego nayeyarafi gotini magumi yenti magumi. ²⁰ Wata anasi yandewayi yimoyitemo goti ituyikatemi wata anasi ifidagevemo yigu anene fimo wayi mi yemi yimo'i temo gotimi soke uyikananimyimofimi watemo. ²² Emi amowa ono emi wata aga'anoni wayamo awakuritemi mini antayanto watayu manta savi uakewayami bumo ayiake wayami. ²³ Mini waya wami dauntawewa amoyono nayeyarafi anona yantai inarufai aveugemi bemi emi intanonami feyapai yeyinau unami manayio antami Gotini Profetiyui uyike'emo. ²⁵ Ugafo siguno sesuwa nesu anene dukayimi nayeyarafi yigemi ai mantuka yigeyi kumantiti manta soke inti. ²⁴ Siguno yigemo yuna neve itugewayi magemi naemi yaranti inago siguno yigemo mage itewayi naemi yantiratemo siguno mage iteve wayimi naemi ifipimi yigu pimi wanago. ²⁶ Sigu ka yikau yigemo watayu awogu waya yiyike wayimi mana yio antafimi yenyinau urami feyapa wage yoyi awogu waya mano profeti yunampai se'emo. ²⁷ ugfami yige nanti su iyemo mage wayi yigemi yigeyi namugo yiyi yikago awogu uyikago iyemo yigemo bu ayiyike wayimi. ²⁸ Yigemi gotina intaina asumi yimi yigemo sima savi ewayi yugam mukuma yikaya gotini awa awa uyika savi uyikewayi mi. ²⁹ Mana waita anantaka aritem e'ana ena anantam ba arino. Mana bayimo eni sota mantukagana, ameno wa'de. ³⁰ Mana bayi anene ya inta ina ameno wa'dwe. Mana bayi eni anene mantukagana bu owayege bu inta ono enana marano. ³¹ Itena anta eno uwakago ya inte wate miyi on anta eno uyikano wase. ³² Emo aye wam watanasi mana ayite, emi intanami Koti awogu itenafi? Kumi waita yu ba eno aye bemono eno ayewani ure. ³³ Emo awogu anta uyikewam watanasi mana awogu ite, intanami iten awogu anene marateve mini antaga? ³⁴ EMo amone inte ugam watanasi ka dina ga yimyitee? mini itenuga anta uwarebebe. Kumi ewam watanasi ba ena kumi waita yupim dina urem marevem. ³⁵ Minugamifo, yigenti namugo yiyigara urega awogu anta uyikago. Anene yimite owayege maranona intiri iyina eno presenti mano itugana emi Kotin aga bano. Benanao savi anta ewam waita yu awogu uyikatem. ³⁶ Eno yanyi yigunaru akana Yigen yifo'e yigunar uwakatem. ³⁷ Enomi bu rayimana Kotimi emi bu rayimatem. Eno yi kumi yirana Koti eni kumi aratem. ³⁸ Awogu anene yu eno aminami Koti anene yu amitem. Awogu ure rayintem itudem amitem. ³⁹ Faroka baya yiyimem. Amakaga augam savi ugam waita ena augam savi ugam waita avigem bitene? Mi'nitene mini makantano masipim kupegatenta. Aa o bube. ⁴⁰ Kato waita yu ano yenyi anom bu yakagatem, ma'de yu intim mantaremi yenyi sisa amaka itemono. ⁴¹ Naugaya enafa awani augaka kefo asaya bami amonare seveve, afo anon ya afo augapem bami bu amoneve? ⁴² Itenure enafa awa yanti, sifa tiwa o augapem bam asaya manta fasa akanu sitebe; en age ose bam yaa afo bu amonanti? Yige ogu o'em waita! Yigen yigaupem bam ya afomi mante fafa dega amonama awogo enono augapem bam asaya. ⁴³ Awogu yaa mano savi agam bu ikevem, afo savi ya mano awogu agam bu ikevem. ⁴⁴ Ma'de ya mano atede beni agam ikevem. Wata nasi Fiki agami avi yararem yaga bumareve mono, afo Grapes simi avi ayararem waini yaga bumareve mono. ⁴⁵ Awogu waita mano awogu ara nampa awogu anene yu uwarewa, afo savi intim bagena waita mano savi ara nampa savi anene yu uwarewa. Amuna anenemi arakakem abuntim yevem. ⁴⁶ Naugaya sare se Ano'na o, Ano'na o; seve suna baya yu bu awakureveve? ⁴⁷ Item wata nasi seka yeravem seta intare awakure wanu yiyimenu oteni uge yafo. ⁴⁸ Ma ose uwararante maga ude kume on naroka de uware wam waita ke'ne ugem. Nom saiye yem ma ka yina ma ano uwa buyitem, nayeyara erarure uwantuka. ⁴⁹ Seta inte wanu yen ya buyintebe mono, on naropa ma uwarewa waita amaka bemono. Nom mano sayem yem ame ure yema ma'i rabintitem.