¹ Jisasi yiminami moni waita yu yeyi ofa mare bemo anafim mono mapim duka. ² Afo bemi mana inim amonago, benawafu fubim afo bemi anene burukem bemi kanti moni,i kufeduka bemo anafim. Afo Jisasi semi,. ³ Semi fuga waya yiyimege, mana anene buruka inim benawafu wafa fukam, bemi enowa yirurem anom mone,i dene. ⁴ Maside enomi amuna mone,i dukemi yemi amiduka, ugamifo mini inim benawafu wafa fukam, anene burukemi afo bemi beyi mone,i muyupa dukam ma,a amiduka. ⁵ Mana,a waita yu mono mai amonaruka, Gotimi afayanta uremi amemi abogu onakomi konariri uruka afo Jisasi semi. ⁶ Mana,a aneneyu yige mage amonami, mana kanami fawarinam bu mana amona ena on amuga buwatem yemi maside dadaremi afo intafuege rateye. ⁷ Amaka wata nasi Jisasim mani sire intauruka, Sisao, naye nurana mini anene fawariten? naye anene fawarina ya seyu amonei ai mini kana yene? ⁸ Afo Jisasi yenyi waya yerade yiyimiduka, yige rafima soke ogo, ma,e wata yu yigem muna yimife amuna waita yerave setivi dare, semi mini waita ve siteye, afo ai kanami adeka uga mini waita yu maro bu yiwakurogo. ⁹ Anona arubim fawarinam watayu eno eno nampa arubinayom intatege, yigemi bu fegago. Nayeyare mini anene yu nare fawaritem, ugamifo maga kipananim ameurem bu fawaritem. ¹⁰ Jisasi enawa manisiruka, Kantri yuano itevem ena Kantri nampa arubitem, afo kinuano ena Kinu nampa arubitem. ¹¹ Anona magunti ritem afo anona antaro nampa savi ai,anene mana,a magufa fawaritem, amuna anene fawarinani wata feganti yimitem, afo e,nayo e,nayo aneneyu inarufa fawarina amonanagom. ¹² Ugamifo mini aneneyu bu fawaruganami yemi yigem fakaremi savi uyikateye, afo mono mapim yigem kakai itayikare manta kuyiteye. Afo yigem yibigem maro Kinu nampa kamani yuyi koka iyayikateye, mayeyare yigemi setivika amakuku ewayim. ¹³ Manami abogu kana ugam yigemi amakai mono waya siyiminagom. ¹⁴ Ugamifo naurega yenampa wayami yerade sitege sire, yigemi yigunanti eve amuna intiri buogo. ¹⁵ Senao wayami yibuka dei afo abogu intinti yinenai yigeyi namugoyu semi yimenuna waya yu manta fasa burateye. ¹⁶ Yigen yifoe yinoe, yifayiwa nampa yigeyi mana nareyu nampa mana yabum yewai yigem yibiege namugo yu yiyapim dateye afo mana,a yigepikem bai yiruma fugiteye. ¹⁷ Watayu yigemi ara savi uyikateye nayeyare, setivi yigen yuoem wam. ¹⁸ Ugamifo yigen yinon yaumano manawa bu afiitem. ¹⁹ Yigemi itabuma era urega wantana aumi marago. ²⁰ Yigemi amonewami ami yui Jerusaremi ufukiteye, afo mini yigemi omare intega ai adekai tauni anakaitene sego. ²¹ Mini nuram wata anasi Judia taunifim wanayoyi yiramage anufaguga bogo, afo wata nasi anom taunifim wanayoyi ifadeya bogo afgo wata anasi anon tauni mano mapa magufa wanayoyi buyego. ²² Mini nuram umanti ugayi yerade uyika nuram, afo maside anene Gotini yaufim agantuka fawarino. ²³ Siguno yimuba ininanu nampa anasi yu yeyi sito iyaonti nami amewayi mini kanafim, nayeyare anona umanti mana magaga fawarinam afo Gotini ara anene mano wata nasi yupimi wayitem. ²⁴ Amiyuano amuna yepike yiruremi afo maside akum yivige maro ena kantrifa kuyiteye afo ena kantri fake akumano Jerusaremi anakaem be,emi Gotini kana bitem. ²⁵ Yigemi aneneyu amonanagomi afuga, biyoka ba afuga ba magafim, Kantri yuano anakabitem, afo wata nasi fegateye bunomano karanto,em yinananti. ²⁶ Afo anona feganti fawarinam watayu eranti buruke dufa dafa iteye, nayeyare magaga fawarinani anene yanti fegateye afo ina rufake eran aneneyu uwa uwa item. ²⁷ Mini nuram amonewam wata aga konaka beyi anona eran nampa sagan nampa yitem. ²⁸ Ugami mifo mini aneneyu agoyante fawarina, yigemi itavega yinon yanafa dateraga, nayeyare yofaem wata adeka yitem. ²⁹ Jisasi mana wayaga waya siyimiduka, yigemi mana fiki ya anta nampa mana,a ya antayu amonago. ³⁰ Anami dinago, yigemi amone ite ega abogu ai gatene sego. ³¹ Ugamifo, mini anene yu fawarina amonatei, ai Gotini kindomi adeka yigane intiriga ogo. ³² Semi fuga waya siyimege, mage wata nasi bu fukami mini aneneyu fawaritem. ³³ Inaru wa maga wa kipatemifo, Gotini ami bu kipatem. ³⁴ Ugamifo yigeyanti dafima soke ogo, mae yigen yira ano nomi nare oeni ewan antafim utugafe, afo mana bunamano ayinanin aneneyuka intagara buyogo, bu intanago nuram mini kana ameurem fawaritem, watayu wase rare waiwam aronanta item. ³⁵ Masidem mana magagakem maside wata nasiga mini nuram fawaritem. ³⁶ Ugamifo masiden nuram yigemi yowarure, wago afo yigemi erarure yigaum mukeve mini kana yakagago, afo yigemi amakai wata aga ano augaka erarure itavinagom. ³⁷ Masidem waya wami Jisasi wata nasi sigurumi mono mapim yimi dem afo ayufumi anon tauni yerarem Olivi anufa um, wage,em. ³⁸ Afo anom wanurapim maside wata nasi mono wayam sinanimi itarante mono mapim ye,euga.