¹ Jisasimi yiyimemi mana faronka wayami, yiyimiranti yemi yugam muke wa antayui maside nurami yemi yiwesara bu ogo yanti. ² Afo minisemi, ''mana anona magufimi, mana waya dayimwa watami wayimi bemi Goti ago bu fegewa afo bemi wata anasimi soke bu uyikewa. ³ Mana inimi, bena wafu fubugayimi mini magufimi wa, afo maside nurami mini waya dayimewa watagai yeravemi sasamemi manisemi, '' semi kotifimi sofa ono seti namugo mano semi manta savi,iranti ewa. ⁴ Ananta waya dayimewayi bu ofairanti emi ugami naemi waya dayimewayi intemi, semi Goti ago bu fege,u watayu ganti nesu intiri buye,u. ⁵ Ugami mini inimo bena wafu fubugayi, masiden nurami umanti simewayi, kanamifo beni kpotifimi ofaonu afo bemi bu yitemi maside nurami afo semi umanti bu siminami. ⁶ Afo anonamano semi, yigemi intama sokeogo nayemo mini savi waya dayime wayi simi, ''. ⁷ Amaka Gotimi atekananim waya bu dayimatene bekaose yimakuku ewam wata anasi bekaose yigaumo wayawam wa ayufum? Amaka Gotimi dafisevena ayakai benafi yofairantemi a? ⁸ Semi yigemi yiyimeu, Gotimi ame emi yofa ewa. Afo wata agaanomo yitemi, bemi wata anasi yimo natemi yimakuku eveyafo buwafi? ⁹ Jisasimi mana,a wata anasi yeraranto intewayimi afo mana, amo sima savi ewayi kam. ¹⁰ Afo watamo mono mapimi upegentamo yugam mukira, manami Farisi mifo manami sagisi marewam waitami. ¹¹ Mini Farisi mano oma itavemi afo augam mukemi beyaranti manisemi, Goti semi susuve seu semi mana bu ugau mana,a wata anasi umam waita yanta, afo yemi kumi wata afo yemi famuku ewayimi, a,a mini wata mo takisi marewayi. ¹² Mini masiden yogantimi, semi yunami awenta ure,i kantayai sugami mukewau afo sesi masiden anenemi dayintei sesi anenemi siyaka arami emi amewau. ¹³ Afo takisi marewayimi itavemi nekai, afo bemi anomi mapa uremi afo inarufai bu amonemi be amiminti aruremi semi, Goti, emi semi awa,awa usika, semi kumi watamu. ¹⁴ Semi yiyimu yigemi, Goti mini watami takisi marewam watami manta atekam watayi emi, afo beyamapa yerarem bemi afo mana waitaMI bumi nayeyare, wata yuo yeyi mare uroyimi, Gotimi mantanti magapa dewa afo wata yuo yeyibio magufini oyimi, Gotimi yemi manta yaniewa. ¹⁵ Mana waita anasi sito agagu nan newayi wai yibige Jisasi kai yemo, bemi ayami yinoka demi asumi yimino yanti afo yogam waitayu mini amonare yisiduka. ¹⁶ Ugami Jisasimi yarami bewakai yemi semi e,ana sito iyaorui sepai yego, afo yemi bu uyayikago naye yara Gotini magumi miyi onu yintami. ¹⁷ Fuga ugami yigemi yiyimu, mini namo mana waita manomo Gotini magumo iyao rantao bu maremo iyaoru o marani, bemi minifimi bu opegatem bu-ugami bumi. ¹⁸ Mana yinom waita mana Jisasimi intaemisemi,'' avogu yiyimi watao, semi iteni urega wama bu kipa wanti mara tege? ¹⁹ Afo Jisasi be ami anonaemi mana semi naugaya wa sewanti avoguge sewe? Bu mana waitami soke bemi bu uga, bumi, Goti aminami bemi avogu uga. ²⁰ Em intage siya kanti Gotimi agewayami famukuanta bu ono, wata mi bu aruma fugono, umonti bu marano, muna wayami enomi bu siakano, eyanoem wa eyafoem waavoguga uyika. ²¹ Afo mini anom watama semi, semo iyaoka vei semi maside ege wayami awakuntu kau. ²² Afo Jisasimi mini waya intaremi manisiremi sasamemi, mana yantai fawa remo akiyi ugana, emi bewa, masiden yanta dukana moneka yimeve mone marano, afo dayintewa bu dukayi yimi. Afo emi avogu yanta inarufa magano, afo emi yewa semi siwakuru. ²³ Afo mini anom waita mini waya intemi amo buemi, nayeyare bemi nesu yanta dukemi. ²⁴ Jisasimo mini waita amonami ara umanti ewami, bemi agunanti uakemi afo bemi semi, anona kokoi uga nesu anene dukam waita mano goti magufimi upeganti. ²⁵ Bu koko uga kamoli mano unam pado aguwewa yini apimi ofega ranti, ugami nesu anene dukayi anona anu yodemi Gotini magufimi upegatemi. ²⁶ Watayui mini intemo, yemi Jisasimi intaemi semi, minimo minuga nami, iyewa maratene bu kipa wanti? ²⁷ Afo Jisasimi yenti waya anonaemi naye yantao wata mano bu inani anenemi Goti itemi. ²⁸ Afo Pita mani semi,'' seyuyami masiden yanta duka fauna deyami emi awakure wafau. ²⁹ Jisasi yiyimemi semi,'' fuga ugane semi yiyimeu, mini namo waita manomo Gotini magu yanto inte ewanami, bemi beyi magumi anasi wa afa awa wa afo beyanoe afoem wa beyaga nampa. ³⁰ Yemi maranayo nesu avogu yantai magafikemi wa nae kanafim wa wantano wari-wari wanti. ³¹ Jisasimi siya kantifo ka yogam waitayui afo yiyimem mani semi, '' intago, magemi Jerusalemi,i bofanu. ³² Afo feyapai yemi Parofeti yui agantuka anene wata mano agaganti, fawaruma fuga itemi. Yemi bemi ena akum yiyapimi datemo, afo yemi kasi waya sasaka nayo, bemi manta savi inayo, kanti bi akemo. ³³ Yemi arinayo aruma fuginayo kamore waya wam yakaga nami itavitemi. ³⁴ Ugami yemi awakure wam watayui mini waya mano anta bu intemo mini waya mono antami yekai aupai waga,emi afo yemi bu ama emo naye wayamo Jisasi simi. ³⁵ Jisasimo Jeriko adeka fawari kanagai, mana augam afaka wata mano ananapabemi wata anasi yinta eve bemi mone amego yanti. ³⁶ Afo bemi intami nesu wata anasimi yibe wami afo bemi yinta emi naye anene faware venafi. ³⁷ Afo yemi sasamemi semi manisemo, Nasareti kena Jisasi yewa. ³⁸ Afo mini augam afakam watamano aramasimi, Jisasio Deviti aga ano, emi semi augam mukusika. ³⁹ Yemi mini akumo anarioyi nesu anomo yakagaremo wata anasimi yemi asemo bemi sasamemi semi awunti uyagano ugami bemi en,awa aravokami ewemi sewemi, Deviti aga ano, emi agunanti usika. ⁴⁰ Jisasimi yema itavemi, afo wata yu yiyimemi mini waita avige yego bekai mini augam afakam watamo Jisasi adeka yimi Jisasi mani siremi intaemi. Emi semi nayeyiga uaka? ⁴¹ Afo bemi semi anonao, semi setuga mano diyinai yeradei amonarare. ⁴² Afo Jisasi sasamemi,emi amona nonami amakuku mano em manta soke emi. ⁴³ Mini ame ama uremi augamano dibimi afo bemi amonemi afa Jisasimi awakure bemi Koti avi yani emi. Masidem wata nasi amonevemi afo yani emo Koti avi'i.