¹ Jisasi yogam waita yu mani sirem siyimemi, "mone waita manoni rafisim waita rukemi. Mana'a mano mare samemo, Eni anom waita mano mana'a aneneyu fafimi kipemi; ² Mone waita mano beyi rafisim waita manom intaemi, naye waya minimi inteve gafu enanti wae? Masideanene rafi dukage'egona nayeyara, emi magemi rafisim waita yi buyi nona'ne. ³ Afo mini rafisim waita mano mani sirem samemi, Semi nao'anom waita mano mini yoganto manta fasadanai? Eram buruke maga buyufo teu, inta'ira sigaye emi. ⁴ Semi na'o tegafu semi intagau, wata anasi sivima naupa ranoyo anom waita mano yogan tike sisikana mi. ⁵ Afo yaremi beni anom waita manopike nari'ugayi. Anata'o yiyimi intaemi mani semi, Emi nade nari onave semi? ⁶ Mani semi mana unam wasabe nesimi. Afo rafisintano mani semi, Eni naru'u agan'taga afaunti marano, ameure kuman tuve man siya yaki wasavene sire agara. ⁷ Waem ena waita yeravim rafisin tano intaemi, Nade'nari onave semi? Mani semi, mana una witive semi rafisin tano sasa memi. Eyi afaum mantewa afapake kamore'a yaki unane sire agarano. ⁸ Mini waita mano rafisim waita mano sim intemi, mini savi waita mano avi yani emi nayeyara, awogu inti maremi yogam dananim. Magaga anta awaku rewayi nesu ayimi amonaga yeyi yogari inti. Oka wa waita anasi yuyi antawa yaka gemo. ⁹ Mini sire siyime wau, saviayipa kemo mara monei, eno yofai kaga dago. Minimo e'otei,watayui yigenti ana'oyi itemo yigenti mone'o kipana mi. Yeyimapim yivige bi'i made nura wari wari inago. ¹⁰ Sito anene rafisite mi, afo nasu ano anene rafisi temi. ¹¹ Savi mane'o rafima soke buyi tei, iye mone yimitene? ¹² Enoyi mane'o bu rafisite mi, afo iye mano amitene? ¹³ Mana waita mano ka'kawa waita wa buyogate ne mana wayim ayiakem mana wayim ara'uma amem, mana wayi a initem mana wayi a buyintem. yiyem Goti ba mone wa bufaka nagone. ¹⁴ Farisi yu mone ganti ewayi mise Jisasi mo mono waya sewa buyin temo, imi sakemo. ¹⁵ Jisasi mani sirem siyimem, wata anasi yugaka awogu anta uwa rare semi, afo Gotimi senu sirai amo naga. Wata anasi intamo soke ugane, Goti auga kai fa'anene itemi. ¹⁶ Mamba yawa kasa'nampa waita yu yami, era ugem bami mi joni nom manyika waita fawa ruga. jonini kanami, soke waya Gotini yana kana gune ya inti madepa bemi. Nesu wata anasi upe garare siruke anu yogewa. ¹⁷ Mana magara inaru afi itemi. Ugamifo Goti ami mana bu'afi itemi. ¹⁸ Mana waita mano beyana'a sasa kanam binamo ena inim maratemi, Mini waita mano famuku anta uwaremi. Mana waita mano mini inim maratemi, benawa fumo ranin, afo mini waita mano kumi uwaremi. ¹⁹ Jisasi mani semi Feyapa mana mone waita wage'emi, awogu anene yu ruka ge'emi. Made nuram soke yunanu ana ne'emi. ²⁰ Mana anene buruka waita made nurami mone waita manoni ontaga bave'emi.Namo mano faru wuyugam benavi'i Lasarusi mi. ²¹ Mone waita manoni ontaga'ke fafa sinani yuna narare sirem. Iyamano lasarusi ageke uwaride ne'emo. ²² Mana nura anane bumaka waita fugemi, Ankero guano yeavige marun dami Abrahami adeka kuman temi mone dukam waita wa fugimi masi femo. ²³ Au'iyaotano fukem waita yuyi magufim kumemi, au'avisi maremi. Amona egem mentapa rem anonem. Abrahami lasarusi nampa kuma kami. ²⁴ Mone waita mano kaurem ararem sem, setifoe Abrahamiosem, igamano yuka sime wai susivisi mare wauno. Aguna ure Lasarusim saka nana aufa noni urem maresima fika rana yasi usikano. ²⁵ Abrahami mani sire samemi, Setiga'ano, emo fawa nagai, soke anene yauna duka ge'emono, Lasarusi burukam waita wage'emino. Afo magemi Lasarusi soke wari ugem waya emi au avisip banane. ²⁶ Mana anenemi Gotini ano onti senupa wa yigepawa kamaka. Minugami yige wapa bumo teyane. ²⁷ Mone waita mano mani semi, Afo minuga nami, setifoe Abrahamino, amakaga Lasarusi mi saka mana setifoe amapa bitene. ²⁸ Kantifo kantifo setuna fayom fawane. Siyimi naya sewauna magufa buyego, au avisi wane. ²⁹ Abrahami mani semi, mosesinu kasa nampa waita yu yenampa wane, yenya intata temono. ³⁰ Mone waita mano mani semi, A'ao, setifoe Abrahamio, fukam waita yuyi magufike mano siyimi moe mi yuwayeganoyone. ³¹ Abrahami samemi, Mosesinu kasana mpa waita yu ya buyinta temi,naureya fukam waitayu yami intateye.