¹ Semi Juti, Jisasini yogam wata, Jemsi afa awa yemo yararukam, Gotini aiyika, Jisasini yogaka rukami. ² E' ana agunanene nampa faru'anene mano nampa ayintano itukara ino. ³ Sifatiwa, rafiseve yigemi aganyikeu, Koti yiviganami, minugai mage ena waya aganyikeu, erarugega yogega yigeyi yimakukumi fakama ake ega Koti ayuye namugo watayu yakagago. ⁴ Mana'a waitami monopimi afiuge wane, feyapa Koti semi ma mi'ni na'ni watami kotini koka'i afiugane, Kotini awa awa mante fayantagi ewane. minuremi Jisasi avi yeyivege wane. ⁵ Magemi emi sasamirare, Ano'namano beyi wata anasi Igipikem yivigem marerem, abuyintam watayu yiruma fudukane. ⁶ Eyo ankeroyu yenyi yogam manta burasukemi yewam magu ifade kukane, Koti fakarem eram nanako antaumaka, Kotini koga itavinayo . ⁷ Sodomu, Gomorayu Kotini augaka'i buatekam anta uware wami yemba'i yenyi magu wa'i iganako katayikem, mini savi antayu ewayi bukipam igafim bayi, awame i uyikemi. ⁸ Minugami, kaimi amonewayi yeyugane muku yirugami sefo, Inarufakena Ankero yu yanti sima savi emono . ⁹ Minugami Ankero Maikori, Mosesini auyanti wananom nampa asiburem , savi waya busemi, e'ana ano namano asibu aka. ¹⁰ Mani waitayu intama soke buyinti savi waya yem yamano yeyi intinti manta savi uruka. ¹¹ Ma'e ategago Keni bim ayipim bewane. Mageyanti intare'i yoge wane, minuremi Balamiyu savi marari emono. ¹² Minugai yigemi ayofare aupa'i mini yunami yukare eno nampa ayewanami, ma'am watayui Koti augaka i ye yarantana intemo, yemi ai burewa konami, ma'e susuwa mano avige yigagana ewa, ma'e mana yamano akam burakana ugane. ¹³ Yemi bun nom fegana ram susuwa yanta yegaye maremo,yemi buge yige ewam ofumi. Minugami ayufukam magufim wantana watemo . ¹⁴ Enoki, Adami yogam waita, kasa nampa ure semi amonago. Ano namano amuna,amuna Ankerogu nampa yitemi. ¹⁵ Bemi owayegem yinanim mana mana watami ko'i yiyikatem.'' Bemi yinanimi, iyewa savi anta emo, savi bu atekam waya sinayoyim wa yeyi savi antaga amonatemo.''' ¹⁶ Ma mini watayu'i yira uma nampa, amum waya nampa,savisawa awu awa nampa enomi savi uwakewa . ¹⁷ Sifatiwa intago mana waya mose Jisasi kato aga'ano siyimiduka. ¹⁸ Mani sire semo enanti, arafagi inami savi waya siakare awakuritemo. ¹⁹ Yemi savi waya yunako dakadaka emo, yemi mana magagakena yui vemi Ayo Aga burukemo . ²⁰ Afo emi atekam amakuku ono ,Ayo aga nampa augami mukono. ²¹ Gotini awa awapim wano, e 'anana jisasini faru anenemano avigena wantana, wantana aumi marano. ²² Yofa'ega awa awa uyikago yeyin amakukum eram burukayim eran uyikago . ²³ Yofa urukeya mana'a igafim wami, yivi ege'ga igafike fafadago, enomi feganampa awa awa ure ofa ono . ²⁴ Madem anonamno rafiakana bu rufamino nane, rafiakanami Kotini augakai itavinonane, atekam anta nampa amoyeve. ²⁵ Mamini mana Koti senuyam sividukam waita Jisasi senuyani Anona enavi yanafa urina, rafisinanonami, eyi era nampa, inaemwa, magewa, masidem nuram. Fugave.